EX-TL 發表於 2018-3-24 22:40
本來想逐點回, 但我見到最後嗰句, 即刻想叫站方更改F1版貼文模式, 只可貼文, 不可回文, 所有文章回覆量=0 ...
我邊有叫你「收聲」？
你發言有建設性咪交流下囉
你自己隨意批評
又冇清楚講出自己立場
係唔想九巴蝕錢
定係唔想九巴 cut 車去止蝕
定係要維持荃灣至荃錦坳15分鐘一班去承擔你講嘅「社會責任」
你立場根本冇講過淨係挑問題
根本無可能三者並存
無任何一個方案係完美
你講得九巴蝕錢
又唔支持縮短去荃錦坳(如果真係蝕到入肉，九巴係有理據可以同政府傾整荃錦坳調頭位工程)
又唔提議cut 車cut 綫止蝕
我提cut 車延長去八鄉路又話兜路又貴冇人搭
荃灣轉車足以俾人轉車
冇人搭又點？
如果主要關心九巴蝕錢
九巴cut咗車啲客鍾意荃灣等車咪由佢囉
你理得架車喺八鄉路有冇人搭？
龍門任你擺
又有乜好傾？ |
|
|
|
|
|
|
|
|
ryandroid 發表於 2018-3-24 23:32
我邊有叫你「收聲」？
你發言有建設性咪交流下囉
你自己隨意批評
當年由錦上路站縮到上村, 你自己有冇搵番舊文睇下原因? 唔係好多年前架咋!
你話縮到荃錦坳就荃錦坳, 拉去八鄉路就八鄉路, 你話cut一車就cut一車, 你係地區人士?
italk呢度keep文超過十年, 你係有心想認真討論, 就應該先做下功課, 睇下歷史, 唔明就睇到明, 而唔係你掟個建議出嚟等巴士公司自己決定, 唔到板友批核.
51呢條線唔到我地去擺立場, 因為好多舊板友都知道九巴一直唔想做呢條線, 奈何唔能夠取消, 又冇其他人有興趣, 變相焗做, 上左「社會責任線」呢張神檯, 但你就要求拉長, 又減車, 又整BBI, 實情係想班客俾貴啲又兜大圈, 理據荒謬絕倫, 膠到笑死人.
p.s. italk早年轉新介面初期, 板友可以揀選自己代表顏色, 至近來新加入板友好似已經冇得再揀, 出現左一批寶藍色名嘅站友, 啲文章質素明顯地低到嚇死人, FF都有譜, 真相未認清就亂X咁FF, 就嚟成個italk每篇文都係FF文, 仲慘過幾年前睇某啲板友啲火星文. |
|
|
|
|
|
|
|
|
EX-TL 發表於 2018-3-25 00:43
當年由錦上路站縮到上村, 你自己有冇搵番舊文睇下原因? 唔係好多年前架咋!
你話縮到荃錦坳就荃錦坳, 拉 ...
咁不如你建議摺咗F1板啦佢啦
又或者叫admin 見親51就刪post 好唔好？
時代不停轉緊
仲拎返十幾年嘅嘢出嚟撻人
九巴唔想做51又點？
改完上村循環平日一個鐘一班、假日十五分鐘一班就講到唔講得？
F1板有啲咁嘅板規？
唔該Admin 講下
九巴唔想做51咪唔想做囉
蝕錢咪蝕錢囉
啲板友講下改51就低水平囉
不停loop九巴唔想做51就好高水平囉
你都一早有結論啦
你留喺度做咩嚟咁？
想啲低水平板友認同你好高水平？
呢個討論區啲風格真係有趣
講啲係人都知嘅嘢就係高水平
重覆政府同交通機構嘅文件就係高水平
講啲政府同交通機構未有文件或者計劃就全部都係低水平
呢個討論區嘅風格真有趣
睇公告、報告、文件我自己都識睇啦
上嚟呢度睇啲高水平「新聞」不如靠自己睇得仲多
哈哈 |
|
|
|
|
|
|
|
|
深圳比亚迪 發表於 2018-3-24 12:35
51及小巴‘如果整合為一條線路，
經營環境肯定比現在互相競爭的好
你玩野？ 呢段成段冇人想做呀 |
|
|
|
|
|
|
|
|
既然係咁, 我就撻番我幾年前一個未發表過嘅FF出嚟, 再就近來變化加少少修飾, 你又睇下有冇得做:
51X 奧運站-上村
奧運站 開出
服務時間:
一至五早上6:00至下午5:00(每60分鐘一班), 下午5:00-晚上7:00(每30分鐘一班), 晚上7:00-11:00(每60分鐘一班), 合共20班車×5
星期六早上6:00至下午3:00(每15分鐘一班), 下午3:30-晚上11:00(每45分鐘一班), 合共48班車
星期日早上6:30至下午3:30(每30分鐘一班), 下午3:30-晚上11:00(每45分鐘一班), 合共29班車
途經街道: 深旺道 櫻桃街 大角咀道 櫸樹街 晏架街 槐樹街 福全街 旺角道 上海街 山東街 渡船街 櫻桃街 西九龍走廊 荔枝角道 葵涌道 荃灣路 荃灣西站通道 大河道 大河道北 荃錦交匯處 荃錦公路 錦田公路
車站位置: 奧運站總站 富貴街 櫸樹街 福全街 亞皆老街 山東街 銘基書院 荃灣西站 大河道 荃灣站 荃錦公路沿線及上村總站
收費: 全程$15.1; 荃灣西站往上村$8.9; 石崗村往上村$5.4
上村 開出
服務時間:
一至五早上6:45至8:45(每30分鐘一班), 早上8:45至晚上10:45(每60分鐘一班), 合共20班車×5
星期六早上6:45, 早上7:15至下午4:00(每15分鐘一班), 下午4:00至晚上10:45(每45分鐘一班), 合共46班車
假日早上6:45至下午4:45(每30分鐘一班), 下午4:45至晚上10:45(每45分鐘一班), 合共29班車
途經街道:
錦田公路 荃錦公路 荃錦交匯處 大河道北 大河道 如心廣場總站 大河道 海盛路 大涌道 荃灣路 葵涌道 荔枝角道 西九龍走廊 太子道西 荔枝角道 上海街 山東街 渡船街 櫻桃街 海景街
車站位置:
上村總站及荃錦公路沿線 荃灣站 荃灣如心廣場 祈德尊新邨 弼街 亞皆老街 山東街 銘基書院 帝柏海灣 奧運站總站
收費:
全程$15.1; 上村往祈德尊新邨$8.9(落車再拍卡); 荃灣站往奧運站$8.9; 上海街往奧運站$5.1
- 維持現時51與54 64K 64S 251A 251B及各龍運A線的八達通轉乘計劃不變; 月票適用.
51R 荃灣西站-荃錦公路觀景台(循環線)
荃灣西站 開出
服務時間: 假日早上6:20至晚上6:20 (每30分鐘一班), 合共13班車
途經街道: 原51路線至荃錦公路觀景台巴士站後調頭回荃灣西站
車站位置: 原51路線荃灣西站至荃錦公路觀景台(北行), 及郊野公園至荃灣西站(南行)
收費: 全程8.9
不設分段收費及八達通轉乘計劃; 月票適用.
分析
全日線拉出旺角, 繼續做到$8.9來回上村-荃灣, 而來回程停朗豪坊門外, 方便居於市區的山野人士集合, 上山BBQ者可以在旺角廣東道購買食物及用具, 再到車站乘車.
在大角咀設總站, 讓平日利用旺角-荃灣特快乘客, 減少受到彌敦道和亞皆老街擠塞影響, 而在旺角有三個站下車, 連同鄰近奧海城的帝柏海灣及奧運站, 對一般市民或山野人士「下場」有一定吸引力.
山野人士在荃錦公路直接乘車到市區, 可與小巴80及港鐵起到抗衡作用, 而九巴荃灣市中心-旺角的特快服務長年被吐糟, 正好借助51延長為特快市區路線爭一口氣.
荃灣往旺角收費上設定為$8.9, 與現時30X 234X相同, 惟由旺角往荃灣收取全程車費$15.1, 來回程平均車費調升至$12, 作為補助51荃錦公路段的虧蝕. 以旺角中部-荃灣中部直接連繫作賣點, 結合班次因素, 是否值得, 乘客會自行判斷. (就個人而言, 星期六每15分鐘一班時段係有競爭力.)
假日路線51R收費維持51水平, 但縮短路程至荃錦公路觀景台, 有效疏導乘客.
全星期總車程由現時荃灣西站-上村的376次(以非循環線計), 減少至51X奧運站-上村及51R荃灣西站-荃錦公路觀景台(以循環線計)來回共365次.
用車(車長)數量在非繁忙時段有機會跟現時51持平, 繁忙時段需配合實際營運情況而定, 有增加的可能性.
由於由51的循環線, 更改為51X的雙向路線, 須額外增加車長休息時間.
車輛私牌, 損耗及維修成本唔識計.
本建議只係簡單地計算成本高低, 實際要以專業人士計算作準, 有錯請指正. |
|
|
|
|
|
|
|
|
咪亂X咁噏好喎, 呢個建議邊忽有咁多轉乘因素?
提供轉乘路線係現時51已經有, 我冇增加過路線數目, 反而減少左51系到上村的班次, 無論在上村轉車去元朗 錦田 大埔, 抑或上村搭出荃灣轉A線, 51X都冇現時51咁多班次. |
|
|
|
|
|
|
|
|
又咁講，當51大蝕嘅時候，禮拜六日都仲開到三個字一班，需求點都唔會太低掛？你仲要cut走架車，班次減半谷人落大欖兜圈，
四個人夾的落荃灣唔好？
講真，寧願谷客集中入荃灣，三個字一班加叫小巴兩飛，定市區搭貴一貴嘅大欖線，大欖落車搏唔駛等，touchwood送車尾就山旮旯食半個鐘風？唔好同我講有ETA，生客坐喺架欖隧巴入面係唔會知道幾時到大欖口，miss左就食風啦。未計約朋友行山，係都約荃灣啦，約欖隧口不如去行河背好過。最後唔知你有冇冧過錦上路係雙線雙程，架51前面塞住架64K你冇可能做到半個鐘一班，錦田一條路有兩架車錫一啖已經阻你成個鐘，到時收左嗰架車咪又係嘔翻出發嚟。
唔講八鄉路有冇位住，你比大欖BBI唔代表人地一定仆去用架...
|
|
|
|
|
|
|
|
|
JH_LE4612 發表於 2018-3-27 06:34
又咁講，當51大蝕嘅時候，禮拜六日都仲開到三個字一班，需求點都唔會太低掛？你仲要cut走架車，班次減半 ...
又唔想九巴蝕
又面要齋做荃灣客
咁咪維持原狀囉
冇問題㗎
九巴蝕又唔係我蝕
我一年都搭十幾廿次51
不過我冇咁著緊51賺定蝕
等九巴賺唔到地鐵轉51客跨區來往荃灣嗰程je |
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
樓主