51拆線建議

ryandroid 發表於 2018-3-31 10:15
又唔想九巴蝕
又面要齋做荃灣客
咁咪維持原狀囉

首先，蝕唔蝕同淨做荃灣客冇衝突，拉長里數再加BBI搏有人會兜大圈嚟用，寄望嗰程大欖北行錢 +51車錢- BBI -一架車嘅 (maintenance+salary) 會抵銷到 里數油錢+班次疏左趕走左嘅potential 客嘅車錢，同埋都係嗰句，一班住唔同地方嘅人約行山會約邊度，荃灣定大欖轉車站？真係要做元天客嘅，幾班51R已經得，唔駛全日拉。

51呢條線最有趣嗰點在於，有版友話過每上多一個客，架車重左 maintenance就會高左，但係乘客會比錢架喎，抵銷到嗎？所以改嚟真係冇乜意思，個人相信現況最適合九巴到

JH_LE4612 發表於 2018-4-1 03:58
首先，蝕唔蝕同淨做荃灣客冇衝突，拉長里數再加BBI搏有人會兜大圈嚟用，寄望嗰程大欖北行錢 +51車錢- BBI ...

51係獨家綫
改綫如何趕走啲客？
趕又趕得走幾多？

普通家庭朋友行山客可以荃灣等車
行山隊呢啲大量人數咪去大欖轉車站囉
仲有唔少行山露營訓練呢啲大量人數係直接喺荃錦坳等
跟本唔係全香港人都係荃灣等齊先上山
你哋唔清楚唔好講到言之鑿鑿

你成日去荃錦坳就會知道
荃錦坳本身afford 唔到咁多人
減班可以令九巴慳錢之餘
荃錦坳少返啲人
都唔係壞事

大嶼山巴士咪又係要上山？
平日收得嗰十蚊又少客上
咁係咪大嶼山巴士更加唔想做？
上一個客就蝕更多呢啲講法可信性有幾高？

ryandroid 發表於 2018-4-1 09:52
51係獨家綫
改綫如何趕走啲客？
趕又趕得走幾多？

咁我又問你, 住白石角 大埔可以搭巴士到馬料水轉船去黃石郊遊同訓練, 唔駛出到彩虹轉96R或小巴轉94, 你認為用船入黃石嘅客人佔比有幾高?

ryandroid 發表於 2018-4-1 09:52
51係獨家綫
改綫如何趕走啲客？
趕又趕得走幾多？

51係獨家綫
改綫如何趕走啲客？
趕又趕得走幾多？

你講起獨家線，就即刻冧到上網度下綠的幾錢：郊野公園未計 call 車可能要加錢（人多嘅的士佬識自己上山架啦），落到荃灣河背街（亂篤嘅，貪佢同51一樣衝落大河道天橋），承惠 $73.90-85.90，四人計人均最平 $18.47，三人 $24.63，二人就 $36.95，中途極少交通燈同塞車我可以攞最低價嚟玩啦。51 $8.9平呀，仲密添，三個字一班上山（當然啦落山我承認係疏左啲，呢個視乎行山客方向，遊客中心做起點嘅有大班人行山行走左，支持唔到咁密嘅班次都唔定）。如果計價錢當然51，但係佢開半個鐘一班其實夾人打的我又唔覺太過份，又唔係成日上去。我 concern 係班次疏左，仲要可能（對市區人嚟講）要喺個唔熟悉嘅地區入面，一個唔熟悉嘅巴士站等半個鐘，荃灣可以呀有西鐵站冷氣有拱門餐廳，大欖？得嘅，佢個臨時廁所清得密啲嘅話... 然後我想話大欖唔知有冇位，但係睇翻要放應該可以同其他線 share 到嘅，所以唔評論。

跟本唔係全香港人都係荃灣等齊先上山

我覺得問題在於方便度。要集得齊十八區人士嘅當然上山 meet-up 最容易，反正總會有方法上51。好啦但係邊度上51會方便啲？我唔講邊度集合啦，講 individually啲人覺得邊到上車方便啲。攞觀塘做例子，呀你幫我計埋 very good：

觀塘40+51
$8.8+$8.9=$17.7
268C+51
$18.4+$8.9=$27.3
收多成$9.6
減$5.8都賺多$3.8

作為一個生客，比多左錢，換嚟提早入山旮旯親親大自然，我第一個 concern係咁咪即係要我喺觀塘買定補給出發？可能你話觀塘去荃灣咪都係坐40唔駛抽住袋野周圍走，咁上左車想買多啲？甚至想上山之前食個早餐？售賣機唔係唔得，但係有更好嘅荃灣點解唔要呢，我同朋友上次都喺荃灣買左四個字補給先上山，總好過我望住部機心冧點解咁少選擇。其次，比多左錢車程唔會短左，甲龍上落山嘅蛇仔彎比南面更恐怖。歸根究底，你九巴拉長左慳左錢，對乘客冇特別著數，乘客只會 concern對自己有利嘅方案從而作出選擇。入大欖轉車比多左錢，班次疏左，仲要識多個地方，一個冇乜得補給嘅地方，我冧大多數市區人甚至元天外嘅新界人都會揀荃灣，姐係我樂觀啲估有25%嘅客會轉過大欖，條線仍然係頭重腳輕，開短棍快啲回車唔好？大欖真係咁受歡迎嘅，251A加上村定時點好過啦，人地日間做緊15-20分鐘點都吸引過你半個鐘一班，而大欖線-251A-51本身好似已經有三次轉乘。

關於方便度想講多句，荃灣三個51巴士站就可以掂哂兩個重鐵站加一個有成堆巴士小巴到嘅市中心，catchment 點都廣過大欖啦下話...你有咩線行得大欖嘅，其實都有類似走線但係更短更平嘅荃灣線。

駁去大欖隧道轉車站係因為只要住嗰頭有欖隧車就可以唔使搭鐵去荃灣西、荃灣或者碌巴士經葵芳/梨木樹

搭鐵好唔方便咩？經得梨木樹嘅都係城隧線，新界東去大欖會方便得過去荃灣？經葵芳呢個睇區嘅姐，有幾多區係巴士經葵芳入荃灣，而又係方便得過鐵？將軍澳囉秀茂坪囉，比埋成個香港島你啦，但係隔離公司都肯開荃灣特快啦，至於將秀，當然亦冇欖隧車，但有直車落荃灣。

可能你會話，荃灣唔係冇服務喎依家，都係嗰句，班次疏左一倍，吸引力唔跌一半都三成。未計川龍真係多左人上去飲茶，唔同小巴爭大 pool 走去拆pool（拆荃灣pool過大欖，防止佢地轉軚過小巴定點樣），你保證唔到個 pool大左，一味想每個禮拜有兩日cut走一架半日車，唔見得值得。就算你加大欖隧BBI都係咁話，我未見過有元朗人68M轉968，個幾兩蚊當跌左算，姐係大欖並冇誘因令乘客轉軚。

唔肯定呢三篇文有冇用: Rietveld (2003), Parkan (2002), Diab et al. (2015)，主要係話如果巴士公司嘅期望同乘客嘅期望落差越大，乘客就會越不滿。巴士公司覺得係雙贏，客未必咁冧。

1. 欖隧去大西北本身都比市區去荃灣收貴咗㗎啦
   
2. 依家係多咗班客搭貴車咪賺多咗囉
   
3. 點解一定要局限元朗人搭54?
   
4. 54+51都係$8.9
   
5. 搭欖隧車本身都$10.1/$11.1
   
6. 免費轉乘都有賺多一兩蚊
   
7. 用返第二程減收$5.8優惠
   
8. 即係10.1+8.9-5.8=14.2
   
9. 即係話九巴賺多咗$5.3或者$6.3

複製代碼

最後，得翻元天搭荃葵線落大欖轉51有速度著數，唔講比多左錢啦，又係班次嘅問題...你係多人嘅，一係加密條54佢比人轉，一係正如我所講開幾班51R直通上山，唔想太益錦田嘅，元天各開兩班，天線上公路十八鄉出落博愛，高埔，錦上路站*，大欖轉車站*調頭飛橋，中間啲村站半直通哂佢，*站加定時點好緊要，咁收 $14.2我都覺得唔過份 (呢個其實係英國郊區行山線嘅玩法，搬嚟香港試一兩班應該唔會比T6/698R蝕)，再驚嘅再拆高埔後直飛上山班次，但係我會質疑元天出唔出到咁多山系男女。

所以：

荃錦坳本身afford 唔到咁多人
減班可以令九巴慳錢之餘
荃錦坳少返啲人
都唔係壞事

減行山客係終極目標？咁其實你想吸客定趕客...我相信香港山客係自律嘅，暫時未駛行到人潮管制保育郊區呢步住...
總結嚟講，大多數人會揀荃灣，少數人可以揀去荃灣或者54->51，咁拉長嚟又唔見得會額外吸到更多客。


另外，

大嶼山巴士咪又係要上山？
平日收得嗰十蚊又少客上
咁係咪大嶼山巴士更加唔想做？
上一個客就蝕更多呢啲講法可信性有幾高？

呢個我應該係計左極端情況。大嶼山巴士，或者係拉遠少少，蘇格蘭山區線主要都係用coach，唔計刮底風險，有半架車咁高嘅行李位隔住啲客同條底盤，一架頂閘旅巴同一架頂閘 AAU上山，後者底盤應該會傷過前者掛？當然啦兩者都唔一定係頂閘，我上面 quote嘅內容都可能誇張左，但係見到山區巴士公司嘅車隊，我唔會覺得冇關係嘅。

拉去欖隊又唔差既，但之後251b cancel，51班次又疏又比前者貴，對九巴唔化算，仲未計上村去欖隊啲人可能等多班車（雙變單）同用多左aau

JH_LE4612 發表於 2018-4-2 06:03
你講起獨家線，就即刻冧到上網度下綠的幾錢：郊野公園未計 call 車可能要加錢（人多嘅的士佬識自己上山架 ...

其實講咁多咗做咩呢？
既然51蝕錢嘅話就當然cut 班
上一個蝕一個嘅就更加要cut
理得你荃灣有幾多客
上唔到車咪搭的囉
九巴食埋大欖轉車站至郊野公園先叫善用資源
難度九巴整15分鐘一班係應份開善堂？(確實你係一直執著於蝕錢問題)
另外咪整啲51R 葵芳/旺角開都得㗎
但要九巴肯整多啲車囉
同埋英雄亭調到頭先囉

慳咗嗰架葵芳開就40分鐘一班
多一架就20分鐘一班

旺角開就一個鐘一班
多一架就半個鐘一班

葵芳/旺角都可以直上公路入荃錦公路
元朗天水圍咪又係要經返錦上路或者錦田公路
咁不如搭返54?
同埋調頭喺邊度調？
落埋荃灣咁使鬼開R 線咩

根本唔應該開跨區R綫
96R主要支援94市區經西貢去黃石先受歡迎
99R呢啲大學去西貢又去唔到黃石咪得一個鐘一班又唔多客囉
搭都搭299X/99/807 再轉車啦
黃石遠離市區先有R 綫開到好旺
荃錦坳由荃灣去都係15分鐘內
冇車就真係搭的士好過啦
Cut 班又有咩問題？

一係星期六日公眾假延長去大欖轉車站
一係劃一51 原綫七日所有班次一個鐘一班
星期六日公眾假嗰三架車開51R 收貴啲回本兼延長去大欖轉車站
咁樣先止蝕之餘先又唔使又加多幾架車

384047x 發表於 2018-4-2 18:50
拉去欖隊又唔差既，但之後251b cancel，51班次又疏又比前者貴，對九巴唔化算，仲未計上村去欖隊啲人可能等 ...

對251B影響唔大嘅
我都係諗住星期六日假期先延長去大欖轉車站
就係唔想為開R 綫而特別加車先會有咁嘅諗法
多謝支持

既然九巴做緊蝕本生意, 假日都肯開15分鐘一班, 你就知道有個需求響度, 唔係話你想減班止蝕就要實行.

你拉到條線去八鄉路, 但係又減車, 又要整欖隧線轉乘優惠, 一方面想吸客, 另一方面又話要減少上山人流, 但又話架巴士走左/班次疏, D人可以打的上去, 真係乜都你講晒!

EX-TL 發表於 2018-4-1 13:48
咁我又問你, 住白石角 大埔可以搭巴士到馬料水轉船去黃石郊遊同訓練, 唔駛出到彩虹轉96R或小巴轉94, 你認 ...

其實西貢同荃錦坳無得比較
西貢黃石路同大網仔路沿途都係可以落車行山嘅地方
行大帽山定大欖主要都係荃錦坳落車(唔計城門、碗窰、荃灣、石崗行上去)
去黃石以外嘅地方都係搭92西貢轉94,96R,299X麥邊轉94,99麥邊轉94,807B轉94

EX-TL 發表於 2018-4-3 10:45
既然九巴做緊蝕本生意, 假日都肯開15分鐘一班, 你就知道有個需求響度, 唔係話你想減班止蝕就要實行.

你拉 ...

你搞清楚先
我冇講過用大欖隧道轉乘站吸客
係用大欖隧道轉乘站分流跨區客
唔係個個都係荃灣集合
好多51客都係家庭客
大欖隧道轉車可以方便佢哋唔使喺荃灣迫埋一齊焗九巴開15分鐘一班又要話九巴蝕錢又盛
係咁多