下年沙中線啟用後，慈雲山居民能否更方便前往鑽石山站？

有冇天橋都好，慈民行鳳美徑落地鐵站係最快最直接嘅
根本起天橋係應該經鳳美徑果邊上落，咁先係最直接，而家果條好鬼大白象feel囉

jpoon 發表於 2018-7-16 01:40
有冇天橋都好，慈民行鳳美徑落地鐵站係最快最直接嘅
根本起天橋係應該經鳳美徑果邊上落，咁先係最直接，而 ...

由鳳德邨經碧鳳硃鳳、樂歡樂滿上到慈中沿途都有瓦遮頭及有lift，係比較適合的全天候路線，所以其他設施都以慈中為中心，可以想像慈中就係那個沒有出現的慈雲山站。鳳美徑我諗冇乜人會行上去。

DIH 發表於 2018-7-16 09:35
由鳳德邨經碧鳳硃鳳、樂歡樂滿上到慈中沿途都有瓦遮頭及有lift，係比較適合的全天候路線，所以其他設施都 ...

崇華街對面馬路果一段要過馬路，亦冇瓦遮頭，唔係完全全天候路綫囉
即係呢個位
https://goo.gl/maps/d1MPrdPyt4K2
如果當初沿鳳美徑、鳳禮道起上去，夠一樣做到全天候路綫啦

jpoon 發表於 2018-7-17 00:26
崇華街對面馬路果一段要過馬路，亦冇瓦遮頭，唔係完全全天候路綫囉
即係呢個位
https://goo.gl/maps/d1MP ...

其實慈愛苑十幾年前都已經可以直接行落去鑽石山站
條路係住喺慈雲山或者成日去就識行，只不過無講到係一個整體系統

而家港鐵都唔想搞太多工程，
改善工程都只不過係喺雲華街起多條平行而唔洗入邨嘅行人天橋
同喺 慈雲山中心 起一條L型嘅行人天橋 唔洗一定要入商場先行到，
其他嘢都係跟返原本鳳德邨嘅行人通道

慈雲山區行人設施改善工程一覽

peterson 發表於 2018-7-17 01:57
其實慈愛苑十幾年前都已經可以直接行落去鑽石山站
條路係住喺慈雲山或者成日去就識行，只不過無講到係一 ...

我知道，我以前響慈雲山返工，用過唔少方法落山
慈雲山中心最快樂歡樓去鳳德邨入面，經斜路再響鳳德邨停車場上天橋
你講果段慈愛苑係單向上山扶手電梯，一來業權係屬慈愛苑一二期，其實慈愛苑一二期嘅居民一路都唔想畀區外人用，又怕要承受額外嘅風險，二來落山唔方便(有一半可以用停車場升降機代替)，所以港鐵先要起呢條沿雲華街嘅架空大白象
最直接其實係穿過鳳德邨去起，但鳳德邨已經賣散咗，要起條穿過屋邨嘅道路差唔多唔駛諗，法團多數唔會畀
我講由鳳禮道/鳳美徑起，其實除咗可以用返而家網絡（蒲崗村道有天橋連接慈民慈康邨，慈民邨停車場有天橋去慈正邨／慈雲山中心，慈正邨亦有有蓋通道連接慈愛苑三期）覆蓋返慈雲山地區，亦可以方便學生來往港鐵站同學校村，同時亦減少對鳳德邨滋擾

jpoon 發表於 2018-7-17 00:26
崇華街對面馬路果一段要過馬路，亦冇瓦遮頭，唔係完全全天候路綫囉
即係呢個位
https://goo.gl/maps/d1MP ...

「全天候路線」我唔係講緊港鐵工程，係講緊經過鳳德邨入面的路線。

我意思係，既然已經有呢條路線將人帶到上慈中，由慈中打橫通往各屋邨，會好過另外經鳳美徑又整一條，有幾多人會行鳳美徑上山丫，我小學中學讀足13年都冇行過上去，落就成日行。

而家港鐵在慈中以下的工程我覺得係多餘兼無用。

其實慈雲山地底可以起港鐵站，跟住好似西營盤同香港大學站咁用高速升降機接駁，但造價會好貴

HE7921 發表於 2018-7-30 14:03
其實慈雲山地底可以起港鐵站，跟住好似西營盤同香港大學站咁用高速升降機接駁，但造價會好貴 ...

慈雲山地底有斷層不適宜興建
http://www.legco.gov.hk/yr03-04/ ... 0216cb1-1015-1c.pdf