[分享][埃及] Abu Qir - 亞歷山大鐵路

我今年2月去咗埃及亞歷山大參加定向比賽，個賽事中心同住宿都唔喺市區，而係喺離市中心接近20公里，接近Abu Qir嘅Arab Academy of Science, Technology and Maritime Transport。

雖然各場比賽都有大會車接送，而且賽事中心有餐食，但始終嗰度都係suburb，基本上附近乜都無。所以我其中一晚就諗住索性出市區行。

Abu Qir嗰度係無巴士嘅，出市區嘅公共交通工具得火車同小巴（Micro-bus，實際係share taxi嘅一㮔，等同於香港嘅紅色小巴），但我呢啲遊客根本無可能識搭小巴，所以就搭火車出市區。火車軌得來回各一線，實唔會搭錯車。

無論係火車定小巴，我上網點Google都揾唔到任何資料。我去到火車站月台，上面乜告示都無，無時間表，無路線圖，無閘機，無售票處，連自助售票機都無，重要係無人值守嘅，甚至晚上連燈都無，但係就有人等車出市區。

跟住之後火車到站我上咗車，問人點樣俾錢同埋幾點鐘尾班車，原來係會有售票員過來嘅（咁落後），車費係1.25 L.E.（折合約0.56港元），尾班車就23:00市區開。火車就相當落後，普遍速度得30 km/h左右，最快都唔過50 km/h，可以話係正宗站站停嘅通勤慢車，亦都無分等級。



而火車嘅車門亦都唔識閂嘅



火車由學院去Montazah大約15分鐘車程，去到市區邊緣Victoria電車總站就大約30分鐘車程，去到市中心就大約1個鐘，以亞歷山大條萬年塞車嘅海旁大道而言其實未必慢得過揸車，但係喺當地人印象入面窮人先會搭火車，富貴人家就個個都揸車塞條海旁大道。


嗰度有世界罕見嘅雙層電車，但我無得搭，因為雙層車廂係女士專用車廂


呢條Abu Qir去亞歷山大嘅鐵路有計劃會現代化同電氣化，將會成為亞歷山大第一條地鐵路線，以及延長至Borg El Arab：
http://www.skyscrapercity.com/showthread.php?t=1188943
https://www.egypttoday.com/Artic ... -line-in-Alexandria