究竟屯門幾時先肯有條直去青衣住宅區嘅路線？

早喺1999年汀九橋通車無耐，青衣已經有巴士路線直達元朗，經長亨邨、青華苑，至今仍然不變，重多條部分路段重疊嘅279X。

但係由屯門出發去青衣就一直都無經汀九橋深入青衣住宅區嘅路線，最初嘅63M以喺兜晒荃灣、大窩口、葵芳再返荃灣碼頭，之後搬去青衣站，但改快嗰陣竟然衰到行青衣北岸公路都唔行住宅區。之後重成條線取消，倒退返去兜晒荃灣、大窩口、葵芳嘅年代都重要轉車先去到青衣住宅區。去到而家條68A都重係要死兜荃灣：去青衣站就話合理車程，轉埋車去長亨邨同青華苑就簡直離晒大譜，去青衣南重要連三重BBI都無，衰啲講句有時真係保鐵兜元朗（西鐵再轉68E接駁）好過都唔想俾咁多錢搭垃圾九巴兜荃灣。

而家缺乏咁嘅路線，由青衣住宅區出發，要去深圳灣返大陸都煩呀，搭直通巴就話有得68E形點I上車（不過68E班次都好垃圾），如果唔係搭直通巴嘅再由元朗碌到落藍地都有排你碌，元朗再轉程西鐵都唔好得去邊，根本最直接係汀九橋入屯門返大陸又無巴士俾你咁搭。

究竟九巴幾時先肯開返條線，係行青衣住宅區，直達屯門市中心㗎？

深圳比亚迪 發表於 2018-4-13 23:10
我建議改改66M行汀九橋，青康路，青衣路去長安

咁可以將佢還原返經杯渡路喎，反正有57M/66X/258D都夠做山景轉車客啦。

深圳比亚迪 發表於 2018-4-13 23:10
我建議改改66M行汀九橋，青康路，青衣路去長安

咁不如57M荔景->青衣(南橋入, 鄉士會路, 青敬路跟279X行青衣西路),->屯門~飛起葵涌區~

青衣一段可能太兜, 但荔景客應該唔係太多, 影響有限~

要一條線行哂全青衣, 總站一邊在車程上是不會吸引, 所以要做最好就是南北分家, 一條只做山下行北橋跟現時的68A走線, 而另一條以葵興芳做總站, 再沿A32的走線行汀九橋, 那兩邊都會有較合理的車程

深圳比亚迪 發表於 2018-4-13 23:10
我建議改改66M行汀九橋，青康路，青衣路去長安

大興/山景冇左8蚊平車出荃灣，相信該區居民唔會贊成，而區議員亦好大機會反對。

依家66m嘅使用狀況唔差，更改走線可能會擾民。

當年68A 改快時我都唔明點解唔跟279X經汀九去青衣，去荃葵既咪轉車站轉車海既M線囉

3ASV356 發表於 2018-4-13 23:26
咁不如57M荔景->青衣(南橋入, 鄉士會路, 青敬路跟279X行青衣西路),->屯門~飛起葵涌區~

青衣一段可能太兜, ...

現時57m除左有山景邨居民來往葵涌通勤嘅需求以外，仲有葵涌各屋邨來往屯門工業區嘅需求。
除此之外，亦可能包含來自眾安街分站嘅轉乘客。

由於更改走線會影響上述兩項需求嘅通勤人士，例如中葵涌居民/返工人士，因此我唔建議咁改。

最重要係，下葵涌+青衣<>山景邨/屯門工業區嘅需求未必大於現有走線，

因此更改走線都可能係擾民嘅做法。

icecone 發表於 2018-4-13 23:41
當年68A 改快時我都唔明點解唔跟279X經汀九去青衣，去荃葵既咪轉車站轉車海既M線囉 ...

如果跟279X行青衣的服務範圍就太少, 班次也會好疏, 反而夾埋荃灣車程雖然長了一點, 但總體來說仍算可以接受, 最重要是班次在有獨市位下一定唔會太難睇, 所以當年就算改為直出, 亦不一定較依家經荃灣好