2017年度重鐵線路載客量及最繁忙路段數據

Charon1999 發表於 2018-4-18 21:14
利申先，我唔係太過熟悉鐵路嘅運作，仍然喺探索階段中。

我印像中旺角東站應該係仲有一條軌淨，  咁其實 ...

1) 12卡9卡兩種車門距唔一樣, APG只可以就其中一種
2) 要用MKK一台做終點站, 列車需要先經過一段仔北行方向先可以入去, 會同時影響到北行列車班次
3) 12卡9卡混跑的話, 兩種列車之間安全間距較長, 咁樣都會令班次減少

4) 12卡列車過唔到海, 要過海乘客只能迫晒去9卡車班次, 用唔盡12卡列車運力

Kaix 發表於 2018-4-18 04:11
住屯元天個d真係慘，要去將軍澳返工

洪水橋大搞就業，將會有人住將軍澳/港島東日日去洪水橋返工

分拆就業地方，最大嘅前設係要有吸引到原區就業嘅規劃。隨住傳統市區常住人口減少，其實依家都已經有大批人長途通勤緊，屯元天出到嘅客量可見一班。理想嘅規劃入面，如果一間 firm有過半員工都係住新界嘅，咁 office繼續放中環其實只會令呢類人翻工疲累，長途通勤嘅塞車風險同精神影響導致嘅經濟同健康損失唔係少。就算比你起好多鐵路線，大家都可以上到即班，但係用多個幾兩個鐘搭車相信唔多人會想，屋企張床點都舒服過巴士地鐵啦。

當然，搬政府大樓導致成班公務員同訪客改變通勤方向，係減少到 CBD 壓力但係都會有一啲人會由短途通勤變長途通勤，office 擺 CBD亦係整靚公司型像嘅重要部份，甚至 physically 可以撮合到鄰近公司嘅合作。但係當好多工序都搬哂上網嘅時候，其實分拆部份 CBD 亦無不可。外國好多公司都會幫員工整 travel plan，睇下員工翻放工嘅 trend 從而整 shuttle 甚至搬/分拆 office。香港嚟講，又係咪事必要全世界堆落一兩個 CBD 度呢？當然啦，現實中要私人公司放棄 CBD office 好難，但相信呢個就係支持分散就業地方嘅理據。石門好似有某銀行嘅部門，九龍塘都有間 engine firm，相信若果比較小型嘅私人公司試行搬走已經有效果。

Kaix 發表於 2018-4-18 04:11
住屯元天個d真係慘，要去將軍澳返工

洪水橋大搞就業，將會有人住將軍澳/港島東日日去洪水橋返工

你真係為拗而拗

將軍澳就業就話住屯元天慘，洪水橋就業就話住將軍澳港島東慘，最好全民老綜就最唔慘。

無論邊度就業，都仲有人返得遠有人返得近，但分散就業去長期缺乏本區就業既新市鎮睡房城市，都總好過過份集中在中環至老銅呢個島仔既一小截。

你覺得以香港人口既分佈，一間公司放屯元天/將軍澳，同放CBD中環至老銅，邊個地方會製造更多極端長途通勤？

講慘，北區一定最慘，基本上除東鐵沿線，度度都係極端長途，仲要同埋D行李、水貨、紅白藍一齊逼，有時又「不停站列車即將駛經本站」「由於等候港穗直通車」(獨家).......

Snoopy@FB8617 發表於 2018-4-18 14:51
如果用得SDO相信紅磡站都應該做到?
跟據上面資料
樽頸位出現係新路段上

對比說SDO，柯士甸+新紅磡站月台沒有延長空間嗎？另外就是，西鐵線短途車對於另一邊沙中線九龍段班次影響有多少？長遠而言，西鐵線市區段四線化+屯荃線有討論空間嗎？(或者直接在南昌站往南沿東涌線四/六線化)

eternalflame 發表於 2018-4-18 20:01
都要睇成本效益
例如整兩抽9卡車出黎
又唔係可以有需要時甩一卡出黎變返8卡車

兩睇
的確要行混合九卡既話會有相應既成本係到
但對比起推一條新既鐵路線
我諗縮數mode既當然chur盡條線先
再講要起一條新鐵路都有排

睇返個客量推算model
西段同東段其實高峰每小量客量相差接近一倍
而屯門-南昌一段本身可以提供更多班次
冇理由唔用盡佢

Charon1999 發表於 2018-4-18 21:14
利申先，我唔係太過熟悉鐵路嘅運作，仍然喺探索階段中。

我印像中旺角東站應該係仲有一條軌淨，  咁其實 ...

而家朝早班旺角東特車正正多位到震
有埋東西走廊更加少人會係九龍塘轉車

qunow 發表於 2018-4-19 11:01
對比說SDO，柯士甸+新紅磡站月台沒有延長空間嗎？另外就是，西鐵線短途車對於另一邊沙中線九龍段班次影響 ...

延長空間應該好大工程?
對比SDO都只係需要education
當然肯延長就最好啦

四軌化既倒不如開新鐵路

Snoopy@FB8617 發表於 2018-4-19 11:36
延長空間應該好大工程?
對比SDO都只係需要education
當然肯延長就最好啦

馬鞍山線月台延長到8卡好似都唔係話特別好大工程(雖然話馬鞍山線好似有預留+冇地底車站)

個人感覺以香港嚟講四軌化有個好處就係唔駛嘥時間去由頭計劃條線應該點行，喺現有路線地底段之下再加路軌亦都應該唔駛擔心地下會唔會有其他障礙物。同埋既然而家客流大部分都係要去美孚轉荃灣線，或者南昌轉東涌線去港島，或者去紅磡站轉車或者東鐵，亦都唔係話有好多其他走線選擇可以更有效地服務到西北出市區嘅客(一係就直接深井=青衣=昂船州=九龍，或者西部外走廊，但係成本同埋工期亦都會高唔少？)

唔知北環係咪只做北環

其實可以利用北環呢個借口, 先打通東西鐵, 再將佢經東北發展區, 粉嶺, 大埔, 科學園, 白石角, 新填海地, 火炭, 拉出市區, 荃灣或者美孚出. 再同東涌線平行, 過埋海去西港島.

咁變相將某D 路線四軌化.

oman 發表於 2018-4-19 13:40
唔知北環係咪只做北環

其實可以利用北環呢個借口, 先打通東西鐵, 再將佢經東北發展區, 粉嶺, 大埔, 科學園 ...

本身北環就係西鐵支線，除非改哂成個計劃如果唔係為咗支線加條主線好似唔係咁合理，北區亦都唔見得咁多人口，淨係複線化到元朗嘅話兩邊運力唔係咁平衡

北環線本身我覺得可能會食埋落馬州支線再伸延到新界東北，另外再有機會伸延到香園圍或者沙頭角