建議復辦275，取消教大校巴

深圳比亚迪 發表於 2018-4-18 13:35
剛剛我查了地圖，我理想的總站應該是運頭街，接近大埔墟街市，不過巴士很難屈入去，所以我現在修改總站在 ...

就算以大埔墟站為總站也不能改變20分鐘單向由大埔墟站往香港教育學
院甚或雙向往返兩地是個不可能任務的事實，由運頭街縮短行程至大埔
墟站，所節省的行車時間可能只是1-2分鐘，假如順燈更可能只是1分鐘
內的事。

當年275單程也需要24-25分鐘，建議裡的275X估計都是相若行車時間
（假設途經廣福邨迴旋處的時間與當年275途經大埔中心總站的時間相
若）。

以前74K試過有大埔墟開唔停中途站同埋教大開嘅普通特班,最後都係要取消,係唔係真係要再復辦相似嘅路線呢?

深圳比亚迪 發表於 2018-4-18 18:25
原來係教大當初搞串個party
不過我個人希望275不要再入大中，加快來往大埔墟站速度，
因為現在大中經常塞 ...

都話你根本唔熟悉教大客源
成條線最多人上落就係大埔中心
飛走佢即係同自己荷包作對

唔好玩啦 先唔講其他時間 淨係黃昏落堂高峰時段 校巴+74K+26都做唔曬嘅時候 仲玩咩重組

依家74K做起咗 大中個站可以由頂閘落淨半車 同埋要駁鐵嘅話一早搭咗校巴落大學站 甚至26廣福道落車行入去大埔墟仲快過74K慢慢行啦

另外74K 1730左右嘅教大特別班其實仍然存在 雖然會同前車差唔多時間到令載客率唔高但至少可以幫手清下工業邨上唔到前車嘅客

有諗過會唔會將73行多少少拉上去教大 執下教大來回太和嗰邊嘅客

利申:教大學生 74K 校巴同26都有搭開

深圳比亚迪 發表於 2018-4-18 23:37
如果取消校巴，可以支撐呢條線成為特快線，南運路直出，不經寶鄉橋，
十五分鐘直達大埔墟站
...

你太睇少南運路嘅燈位啦，尤其繁時，搵日落啲雨吐公有車 hi 下，成條南運路唔駛郁，你嘅行車時間太樂觀。當然啦，入大中嘅燈位都恐怖，但站位就腳，飛大中嘅話大學生夾四五個搭的都唔會新興行入去，你仲要收六蚊。

利申：前275常客，近年試過南運路大塞車。

JH_LE4612 發表於 2018-4-19 07:30
你太睇少南運路嘅燈位啦，尤其繁時，搵日落啲雨吐公有車 hi 下，成條南運路唔駛郁，你嘅行車時間太樂觀。 ...

絕對同意……

不只雨天，就算是晴天沒意外發生的日子，乘K12由大埔中心返運頭塘邨，只是遇上
不順燈或車多的情況，結果未連候車時間，單是乘車已經花了接近8-10分鐘，更遑論
樓主一直在說的15分鐘不停站由香港教育大學直達大埔墟站……