建議690線改為逆走及開辦690X線 (寶林->中環(港澳碼頭))

tzuyu.taiwan 發表於 2018-4-21 22:39
感謝閣下閱覽本人路線建議，並提供當區資訊回覆，本人對閣下的回覆冀待已久現有以下回應：
1 690沒被「 ...

1. 690由行隧道變爬山寶林班人只會當佢冇到，同冇左條線冇分別，仲有唔好忘記690回程做緊部分坑口乘客

而694唔去灣仔中環，690係將軍澳唯一全日經將軍澳隧道來往灣仔中環嘅過海車，所以算吧啦，區佬無論如何都唔會放690爬山走拖慢車程

明明而家做返少少寶林客，冇理由再倒走佢地，就算做694轉690都無補於事

2. “現寶達、安達居民前往港島（北角以西）需乘繞路非常的601系，費時失事
現601系載客量超負荷，建議在頭站設快線分流乘客”
又話自己目的想做秀暉寶達班人？咁啫係特登為佢地而改山路啦？咁就唔叫順路設站啦大佬

3. 而家山路繁時會塞到上嚟寶達，同時將隧繁時塞10~15分鐘左右，行山路唔好得去邊，但由隧道變山路對於寶林嚟講觀感差極遠，仲未計690非繁隧道快過山路起碼10分鐘時間，呢10分鐘足以將人由巴士變落地鐵

4. ”現九城690系走線迂迴 (尤以去程為甚) ，康翠居民搭乘...經藍田前往港島，令不少居民卻步”
經藍田係必經，點解叫迂迴？行鯉魚門道唔等於好左，隨時仲慢過而家

5. “現九城690系在港島走線冗長，需經停北角、內告方往中環，無法吸引灣仔以西乘客”
係你自己話行北角慢，你想點？

仲有，連唯一行隧道嘅全日銅鑼灣灣仔中環線都比你攞走，換句話被迫落地鐵，仲叫做 “將軍澳人，你地終於有選擇”？
定係你想叫人選擇搭地鐵？

CTB690 發表於 2018-4-21 23:02
神又係你鬼又係你.果頭開698既原因係地鐵不勝負荷.之後建議690行山走將寶林同厚德班客倒番落地鐵.即係冇幫 ...

厚德從來不是690系服務範圍新690亦照樣服務寶林區

重點係，有指將隧早上塞車10-15分鐘

所以本人認為，最起碼對寶豐路以北乘客而言，
新690行山路，時間唔會相差得遠
（康翠而言甚至更快），故吸引力唔會下跌
至於「倒客去鐵」論，其實690系從來都唔夠港鐵快，著意車程長短嘅乘客一早搭咗鐵；只要新定線對690系主要客羣車程所增無幾，唔認為會流失大量乘客至港鐵
最後，對寶林乘客（特別係寶豐路以南）而言，為減少重組對佢哋嘅損失，本人亦倡議開繁時特車690A，行690原線

CTB690 發表於 2018-4-21 23:25
你咁勁丫有得預知未來.北港島綫都未通就知道巴士客量一定跌緊.你咁勁既可唔可以話比我聽將馬線如果開全日 ...

690早繁往港島方向最密祗10分鐘一班

而且藍田客比例唔少

10598C 發表於 2018-4-21 23:28
1. 690由行隧道變爬山寶林班人只會當佢冇到，同冇左條線冇分別，仲有唔好忘記690回程做緊部分坑口乘客

...

690系改逆走山路嘅主要考慮對象，首為康翠居民，寶林寶豐路以北乘客次之；除非康盛後不設站，否則定必經停寶達、秀暉樓
4 本人重點想講康翠人搭690系要兜整個寶林、（喺佢屋苑地底嘅）將隧先出港島，費時失事；而因為690系出將隧後，確實係再經藍田出港島，所以本人亦特意補充，以免以偏蓋全，而非指藍田段繞路

第5點想sell 690X

坑口問題坑口了，與其要坑口人搭690由寶順路行返屋企，不如整返條靚仔啲嘅過海線好過：而家692P喺調景嶺根本冇可能同港鐵鬥（將軍澳線5分鐘到鰂魚涌），不如改由彩明開出，經尚德、坑口圈外圍直上將隧，何如？（仲可以食埋景林客，咁就可能連690A都唔駛開）（視乎新走線客量，睇下有冇得搞埋回程）

最後，喺呢個重組方案下，寶林人搭690系可係總站上車、有得揀位坐，亦免將隧塞車之苦；康翠人可以唔駛漫遊寶林，20分鐘後喺將隧車龍望返自己屋企；而經停寶達，可令兩巴收$11.8（嫌601系慢）特快客，亦可增設客源，有望加密690系班次，縮短沿線居民輪候時間，的確係呢十幾年將軍澳過海服務不良發展下（鐵路包攬大部分乘客，令載客量超負荷嚴重，巴士、小巴不斷縮減服務，愈發令乘客卻步，形成惡性循環｛厭倦了吧？｝），一個俾將軍澳人，以致其他持份者嘅全新選擇，一份煥然一新嘅重組方案

tzuyu.taiwan 發表於 2018-4-22 00:55
690系改逆走山路嘅主要考慮對象，首為康翠居民，寶林寶豐路以北乘客次之；除非康盛後不設站，否則定必經停 ...

第一目的係為康翠人？康翠得20000人，寶林係佢地幾倍，為一棵樹放棄一整座森林？你試下擺你呢個過去B2板290討論板(即 290A加站 嗰個帖)，我包你比人圍插插到上天

你話坑口事坑口了，點解觀塘事唔觀塘了？點解要犧牲寶林乘客隧道車而成全你呢班區外人？

692P算吧啦，執靚仔少少個走線同加停舊灣仔警署咁簡單嘅事都唔肯，就知道巴士公司甚至運吉都想cut線好耐啦

690而家落到寶林依然有位坐，而家去到寶林根本都未爆

康翠105咪又要入返自己樓下條隧道，咪一樣咁多人搭，畢竟康翠屬於將軍澳，行將隧冇問題

而家隔離都有人claims話寶林繁時行隧道快過行山10分鐘，你肯定寶林班人會放條線上山？就算時間差距唔遠，觀感上已經變差一大截

將軍澳巴士自從地鐵通車已經放棄左過海乘客，留返690已經係底線，應該搞好嘅係往九龍、新界嘅巴士

你話比將軍澳人有多一個選擇？我睇怕係冇多過之餘仲由有變成有等於冇囉
煥然一新？慳啲啦，呢個建議啲人提出過N次啦，講都講到口臭

tzuyu.taiwan 發表於 2018-4-22 00:29
厚德從來不是690系服務範圍新690亦照樣服務寶林區

重點係，有指將隧早上塞車10-15分鐘

690寶林至銅鑼灣時間上有能力追上地鐵

CTB690 發表於 2018-4-21 23:25
你咁勁丫有得預知未來.北港島綫都未通就知道巴士客量一定跌緊.你咁勁既可唔可以話比我聽將馬線如果開全日 ...

690、694拖住個啟田，將藍通車應該唔輪到佢地改線掛...

10598C 發表於 2018-4-22 01:22
第一目的係為康翠人？康翠得20000人，寶林係佢地幾倍，為一棵樹放棄一整座森林？你試下擺你呢個過去B2板29 ...

或許690逆走大家英雄所見略同，非獨我提倡，但方案同時提出補償措施690A、開辦新線690X，以及優化692P，相信乃創新之舉。

話說回來，大家對690X又有何意見呢

很高興可與各版友交流心得，明天再聊

tzuyu.taiwan 發表於 2018-4-22 00:32
690早繁往港島方向最密祗10分鐘一班

而且藍田客比例唔少

690P開07:38/07:45！690開07:40/07:50.你識唔識計數？38分一班40分一班45分一班50分班.係咪2-5分鐘一班.隨非你話690p唔屬於690系列

tzuyu.taiwan 發表於 2018-4-22 00:29
厚德從來不是690系服務範圍新690亦照樣服務寶林區

重點係，有指將隧早上塞車10-15分鐘

回程班厚德客又比你食左？我日日坐690番工放工會唔清楚得過你？