有時睇U廠地頭啲post真係幾好笑.
由ATENU開始狂出新車, 但架車得個殼, 個個鬧爆啲凳唔好坐, 裝工又差, 幾乎一講出新車換掛牌, 就有人會出聲話啲車唔好坐.
無幾耐之前出月票主力都係呢啲區份受惠, 好似成間九巴傾側晒U廠嗰邊, 俾唔少好嘢益班客, 但係有幾多客真係完全受落, 又有幾多客只能暗啞底領情, 實情繼續日日"唔情願地"付鈔俾九巴, 去坐而家啲所謂新車.
十幾廿年前, 屯公路線好多內外兼備嘅勁車搭, 冇轉車站, 十五分鐘就出到荃灣, 四五十分鐘出到觀塘, 而家有ETA, 轉車站有基本設施俾乘客用, 架車裝左wifi同USB hub, 但行車時間就不減反加.
轉車站原意係想減少巴士路線同班次, 運用較少資源達至最高效益, 仲可以方便同區乘客用同等價錢去目的地, 但當過多路線一齊停轉車站, 就會影響搭車時間呢樣作為乘客最concern一點.
屯門呢幾年係不斷有新車同新設施, 但究竟有幾多係真正改善緊服務, 經常出入屯門嘅不妨試下同十幾年前去比, 逐項評埋分, 睇下實際上進步左幾多! |
