講到尾, 城巴 E 線根本就存在住一個好大既問題, 塞車加兜
E11/A, 呢條線真係人間極品, 不過自從有左 ETA 之後, 多左好多人搭, 下繁出港島都可以坐滿窗口位, 以前可以載空氣, 不過車程又真係耐
返工搭中 E11/A 都會嬲爆爆, 銅鑼灣上車除非訓覺否則唔會搭, 寧願紅隧過海車轉 E23, 唔好笑我, 就算走左班E23 都仲快過 E11/A
E11A 服務時間之內, 中環上車入到國泰城係講緊一個鐘起跳, 快極超哂速都要 50 分, 你無理, 仲大把人搭, 夜晚可以打爆一架車入東涌
E21, 日日搭返工, 日日嬲到爆炸, 長沙灣道燈陣, 望住 ETA 都唔知架車幾點到, 有時半個鐘之內六班車, 有時 40 分一班車
唔洗旨意有 E21A, 爆獲大家都係爆埋一碟, 朝早變左開廿分鐘一班, 去到美孚都唔洗就打爆一架 12.8, 青衣救命星 !? 自己繼續迫E32/42 把啦
E22, 兜兜兜兜兜, 18 蚊未必有得坐, 非繁無客 ? 城仔 E 線最好就係條 E22, 有時晏晝返機場, 可以坐滿, 返夜晚 9 點幾青馬轉車上 E22 或者仲要企
E22A 就唔洗問啦, 搶錢線, 住將軍澳又返機場既車, 大概唔會點搭 E22A 返工, 除非你係響將南
點解 !? 繁忙時間我可以搭車出去轉 E22P, 我未必有位坐, 但我起碼知自己幾點返到公司
更有同事提出過, 搭 98D 轉 E23, 快靚正, 0720 開車既 E22A 係可以 9 點先勉強到後勤區
回程就係賺錢政策, 有人可以得閒幫手望下, 多數 E22 都係特登排響 E22A 後面三四分鐘開車
又唔知點解呢兩班 E22 又隔得比較耐, 結果有人搭得唔耐煩就衝哂上 E22A, 後面架 22 咪載空氣咁出返九龍 
(A)23 就唔洗講啦, 講黎都厭, 大把人都知咩事, 呢條線就黎可以開返幾班車只做佐敦返慈雲山 :lol:lol
重新執 E 線 !? 你比我我都唔知點執, 先唔好講執線, 而家既 E 線開返正常班次已經好開心
朝早6點幾7點當機場夜更放工夾住東涌出外返工既人個陣, 係仲可以甩緊班
有人話城仔好, 又有又話龍運做好, 講到尾, 我響機場返工都有咁耐時間, 兩間根本都係鬥緊衰
你地眼中睇既好, 都只不過係隔離飯香既味道
當我用機場八達通上A車, $27 (除左A20/21 收 $23)
除非係住港島區或者將軍澳, 否則都仲係有人會坐又兜又抵既 E 車
巴士公司 = (謀)利機構, 我都唔指望佢話開多幾多條 E 線, 肯做返好現有既, 都已經坐得安樂 |
|
|
|
|
|
|
|
|
係噃 唔講醒唔起
城巴仲有96_西隧線
唔通非繁又回到本嘅?
而且城巴咁多年無加價
除以新創建其他收益補助外
原來就係靠開A線嚟「維持」
講返正題 越拉越遠
E22X可按實際情況加班
而我都唔認同要全日化,因為
成個東九/將軍澳北嶼線分工
不清且混亂,其實仲有調整空間。
|
評分
-
查看全部評分
|
|
|
|
|
|
|
|
用埋港珠澳quota出新車就梗係可以借車入屯門廠啦
最主要原因係F1唔夠車,咪借F2出多左果d車入屯門,騰空d F1車出柴灣用
|
|
|
低級趣味扮高級:369
|
|
|
|
|
|
Chnnr 發表於 2018-5-10 16:11
講到尾, 城巴 E 線根本就存在住一個好大既問題, 塞車加兜
E11/A, 呢條線真係人間極品, 不過自從有左 ETA 之 ...
啊兜生，你瞓醒未呀？
1. 港島區入機場唔行西隧唔通行紅隧一齊塞車？銅鑼灣上車已經係一條直路上去，金鐘中環嗰段塞車冇人想亦都避唔開。如果照你咁嘅邏輯，係咪所有行西隧返大西北嘅路線都唔應該入到銅鑼灣咁遠要全泊金鐘？
2. 我都不止一次非繁忙時間喺東涌上車出灣仔，然而我真係冇邊幾次見過會係空，無論我坐其他路線望入去定係我自己親自坐，衰極都有20人以上，咁都叫空嘅話，全香港有三分一嘅路線非繁忙時間可以Cut。
3. E21/E21A亦都係同樣，根本本身旺角同埋深水埗就係出名擠塞，就算你行荔枝角道甚至元州街都一樣。如果咁都要投訴嘅話，咁你不如投訴所有經彌敦道嘅車離開彌敦道之後都唔準時到站啦好冇？
4. E22A貴？你冇嘢呀？你不如睇下佢講緊係行幾多公里，然後收幾多錢先？仲有將軍澳北冇人係因為有條更加快嘅A29喺度唔，知頭唔知路其實你可以出少句聲。
最後麻煩你諗清楚，你投訴嘅究竟係香港嗰個唔完善嘅道路網絡，定係城巴依間公司經營有問題。分清楚之後先再出嚟講。 |
|
|
|
|
|
|
|
|
053h4 發表於 2018-5-10 16:48
F1 有車雪緊, 又點會唔夠車....
其實唔夠車唔係理由, 一條線用A車都要玩到一個鐘一班, 好似話平均都有20人 ...
唔逐個逐個覆喇直接喺度講
其實車唔係真係話太大問題，司機嗰邊都可以透過其他路線調配出嚟，最大問題係夠唔夠客。
E22藍田上車之後兜完麗港城仲要入去樂富，之後仲要喺浸大嗰邊行一輪先上公路，淨係嗰堆交通燈都已經夠黑人憎。
問題係拆E22X出嚟係咪真係有用？
1. 有冇咁多人坐？
就算我當入埋東涌都好，咁做嘅話係咪真係可以確保到E22同E22X都有足夠嘅人坐呢？咁如果根本都唔足夠嘅話，又為乜抽一堆車同人開一條少人坐嘅路線呢？
2. 車係邊度呢？
大家第一個反應就係當然E22抽喇，因為本身條路線係輔助緊E22。但E22X係唔入樂富同埋浸大嗰邊，咁BU就當然少人坐冇所謂啦，問題係樂富嗰邊，唔係冇人㗎嘛，咁做對佢哋嚟講其實又係咪公平呢？ 仲未計現時A26可以支撐到，某程度上係靠藍田山嘅居民。咁樣做嘅話A26仲能否生存到，完全係一個謎。
快入機場就唯有A26/A29架啦，冇辦法。就算比到你觀塘開一條E22A嘅物品，直接入到東涌都好，講緊都只係快十分鐘左右。係咪真係有幫助，我有啲保留。當然我明白要返工嘅人日日咁樣坐係比較煩，所以我都係嗰句：A線增設員工優惠其實已經冇問題，大不了加個S1/S56轉乘，尤其是依家上下午繁忙時間已經有E22X/E22P
其他去旅行嗰啲，一年先坐得兩三次，A/E咁差你大可以坐地鐵。 |
|
|
|
|
|
|
|
|
本帖最後由 Charon1999 於 2018-5-10 17:46 編輯
最後補充多句，我同意現時E線個盤係需要再執下，但係只係配合東涌個發展而已。你話我冷血刻毒都好，入機場入後勤區嗰堆人，相比之下係冇咁重要嘅，只要上下午繁忙時間開返幾班直接入後勤區嘅路線，好似E22P/E22X咁樣，其實已經足以應付需求，冇必要全日一齊入去裏面兜圈。如果要全日路線而言，東涌北明顯係比較重要
|
|
|
|
|
|
|
|
|
呀生, 似乎係你既諗法有問題, 打從一開始我就無講投訴,
唔好格硬拎黎屈我, 我只係想講下我對機場 E 線既睇法
投訴 !? 我係話望佢做返好現有既, 咁都係投訴
唔通連朝早頭車機場都開唔足車都唔係城巴問題 ?
1. E11 係大直路, 無問題, 但 E11 耐係事實,
唔好講無ETA 之前下繁五點幾打後六點幾人地架架E車起碼都坐滿, 以前既 E11 只係坐廿個都無, 係廿個都無, 而家起碼不論係 1845 定係 1900 機場開, 起碼都坐滿窗口位
啊或者你以為我講載空氣真係無人, 咁我講聲sorry, 我想講係廿個都無
2. E21 投訴 !? 好啦既然係咁, 你就當我投訴, 咁我又唔介意講下我投訴 E21 既野出黎
朝早頭車幾班車機場開, 開廿分, 跟住開三兩班 15 , 又開返廿分, 朝早唔會無車唔會塞車啦掛
同你開夠 25 分, 當 E22 同 E23 都密密送, 連 E11 都兩架個陣, E21 先慢慢黎
夜晚放工, 唔只一次啦, 機場開 1830 1850 !? 1915 !!? 又係望住 E22 同 E23 密密送,
哥哥, 你知唔知一個月閒閒地有三次係可以望住兩架E22A埋站都未有 E21
ok, 你話長沙灣道塞車, 入機場方向日日響度等車, 人地都係大角咀開既 265B, 68X, 52X 照樣準時到
你或者會話大西北有私牌, 所以維持到班次, 咁當我輸
E21!!? 同路既 41 45 睇埋 ETA , 沿途似乎順利 , E21A !!!? 唔知去左邊, 咁唯有行轉頭搭 TCL
3. E22A 我所指既搶唔係話將軍澳, 係想指佢回程觀塘黃大仙一段, 我下面講回程個陣有提過
而搶錢線概念都唔係我自己一個帶出, 唔少機場返工同事都係笑指呢條線搶錢, 我只不過略略提下, 你又唔洗咁介意
將北唔係無人, 而係將北有你提既A29之外, 仲有啲可以比較穩定既選擇
最後你問到呢個問題咁就好啦, 道路網本身都有一個好大問題, 特別係東九龍
咁去到城巴經營問題方面, 你話有無問題, 你去搭多幾次望下
最好可以搭埋夜晚, 禮拜六下晝我唔怪佢, 半個九龍都塞車回唔切車, 仲可以無咩車調動
9 點幾 10 點放工, 試過正常, 試過連 E23, E21, E22 都係開緊 20
我真係岩岩訓醒, 所以去洗左個面, 而家可以答你我訓醒, 如果有啲字眼你係睇得唔舒服, 咁我同你講聲 sorry, 但唔該唔好成個憤青咁樣
最後我想講, 我日日都係放棄緊 TCL + A 車(公司樓下無A仔) 搭 E 仔返放工, 因為TCL 加埋等車, 有時唔係快好多, 連埋上面加埋呢段文我只係一個睇法
如果連現有呢堆線都未做好, 真係唔好再諗開乜野其他 E 線, 資源根本就唔夠
望到好多RDP 都話咩E線加停邊度, 加停個度, 係咪真係咁睇死 E31 同 E21A 既轉乘能力呢?
我自己一個禮拜搭三四次 E11A 返工, 多數都係夜晚上車, 八點幾岩岩食完飯既時間
最多人落係東涌消防局, 其次都係東涌北, 一個站落最少六個最少十個咁, 夾夾埋埋都有三四十個
你話兜, 都耐咖, 起碼都十分鐘起跳, 但起碼令到加埋ETA令呢條線載客量高左好多
遲啲又話加埋 E23, 有無諗過有無必要呢, 如果每條線都話想兜東涌北, 我只係想問要條 E21A/E31 黎仲咩
當兜完東涌北, 逸東分分鐘又有聲出, 到時又會唔會條條線都變成 N31 ?
上面有啲扯得太遠, say 聲 sorry先
|
評分
-
查看全部評分
|
|
|
|
|
|
|
|
根本去機場既交通就唔應該雙倍啦
等同遊客去尖沙咀食魚蛋粉收雙倍錢有咩分別
|
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
