98D、98S 寶林客量

究竟98D、98S點解深入寶林(新都城)，唔似98AC外圍走過，而且茵怡直出，仲通常有位坐但點解客量仍然可以同坑口打得平手？
坑口入寶林少則5分鐘，多則15分鐘都唔出奇，雖然無98AC咁兜，但客量唔入寶林係正路wo，但點解近來好似兩邊客量打平手咁ge ??

時段？方向？
從來未見過98D/98S坑口多客過寶林

castanopsis 發表於 2018-5-23 09:31
時段？方向？
從來未見過98D/98S坑口多客過寶林

小弟住咗成十年景林都唔覺坑口比寶林多人(98D/ 98S)
反而98C去程(九龍方向)就會

castanopsis 發表於 2018-5-23 09:31
時段？方向？
從來未見過98D/98S坑口多客過寶林

98S坑口唔好能多客過寶林係正常ge，因為寶林直出，坑口話晒要兜多10-15分鐘再塞隧道，理論上寶林應該好客過坑口唔少，但實際上只差d or試過打平手

而98D方面，我意思係寶順路直出果時係可以班班都好好客，不過班次同收費問題，同客源唔係太夾。。。

JX9097 發表於 2018-5-23 12:52
小弟住咗成十年景林都唔覺坑口比寶林多人(98D/ 98S)
反而98C去程(九龍方向)就會
...

98d 寶林好多人。 坑口上車去佐敦比較多。       98c 感覺上星期六日坑囗寶林每個站都好多人上車。 有時過左英明苑都無咩位剩

penso 發表於 2018-5-23 20:53
98d 寶林好多人。 坑口上車去佐敦比較多。       98c 感覺上星期六日坑囗寶林每個站都好多人上車。 有時 ...

98C(寶林康翠旺角長沙灣)同96C(康城坑口旺角長沙灣)其實兩線全日有得做ge！
首先，就算假期去旺角長沙灣ge山下客都唔少，而有唔少都入晒地底，原因都係果兩個：價錢同兜路
而就算開96C都絕對唔可以cut 98C，因為康翠總有一定ge客去旺/長，食埋寶林都夠客的！

話說都係寶琳燈塔返咗一段時間，長時間係假日或者平日放學時間係欣景（往坑口方向）觀察嘅我有以下結論
98C及98D：基本上唔會有一班車可以多過20人入坑口
297：本身已經少人，落完客更加少人，試過有假日中午嘅班次可以冇人入坑口
290：試過落完客之後我上到車都要企，不過有唔少著校服嘅人，因為嗰日係撞正放學時間，咁所以企人應該都正常嘅。而當中通常入到將軍澳南嘅人至少一半以上
798：通常我都係計好時間坐佢，誠言大部分時間其實係少人過290，不過都坐都有半車人，而通常坑口落車嘅人少於20人，而且大部分落車嘅人都係集中重華路落

如果你覺得假日每班車有20人係好好嘅事嘅話，咁我都冇嘢好講。
你可以繼續爭取分拆路線嘅，咁我諗九巴應該唔會拒絕。難得有個機會比佢名正言順將將軍澳北堆條路線收到30你覺得佢會拒絕咩？

仲有溫馨提示，唔該唔好成日屈係價錢因素。
荃灣坐地鐵過海平過坐930甚至934，但仍然有人坐，而且唔少。

路線迂迴係會趕走人，但係只要時間唔係相差得好遠其實唔會有太大影響。33A一樣要兜大個圈先至出到去長沙灣，但係荃灣都有一定人數會上車；796C喺長沙灣返將軍澳嗰段路程簡直係惡頂到不堪，問題都會有人喺長發街上車。

講到尾其實最重要都係人嘅因素。
一個人鍾意、習慣坐巴士，除非做到好差好似某啲地區咁樣，如果唔係嘅話，繼續都會坐巴士。
如果一個人係習慣咗坐地鐵嘅，就算地鐵日日壞都好，佢都未必會坐返巴士。

Charon1999 發表於 2018-5-24 08:33
話說都係寶琳燈塔返咗一段時間，長時間係假日或者平日放學時間係欣景（往坑口方向）觀察嘅我有以下結論
98C ...

坑口少人過寶林就肯定但你下下講到坑口無客咁，亦同事實有距離

98D如果坑口得20個，係架車本身少人，唔係坑口少人
放工放學時段，坑口:寶林 客量比例其實唔低，通常都有2:3
一架晚繁企人既98D，通常都有40個入坑口
日間中段出尖沙咀，數過好多次客，一直都係坑口20寶林30
唯一坑口少客既時段，得入夜返將軍澳
我好有理由相信，98D坑口總客量，拍得住成條296D既客量

297又係，你究竟有無真係上車數？
寶林客上曬105，297坑口客量從來都唔差過寶林好多
尤其早繁，印象中見過坑口四個站坐滿架車

98C入坑口堅少客
但出九龍方向，坑口例牌多客過寶林

講到98D拆線，我立場係五隻字：損人不利己
不過話說回來，按現有客量比例，坑口康城班次應該唔使跌穿20
固然係唔理想，但車程減少應該可以剛好抵消等車時間，又唔係真係太差
反而大輸家係寶林，車程無快過，但無咗坑口客，班次做唔做到15都成問題

98C就絕對應該拆，坑口寶林山上康城，四贏