九巴建議 72 延長至美孚 (另外 6 號不入美孚總站)

九巴建議將第 72 號線於九龍的總站由長沙灣延伸至美孚巴士總站，並同時取消 6 號線於指定時間部份班次繞經美孚巴士總站的安排。運輸署現正就建議諮詢區議會。

現時 6 號線於平日約有23班次及假日19班次往尖沙咀方向會繞經美孚巴士總站。由早上7時至下午4時，約20-30分鐘會有一班車途經美孚總站。根據最新的乘客調查，每日約有160人於美孚總站登車(平均每班7人)。

至於第72號線，路線延長至美孚總站後會增加行車距離(往太和方向增加約1.1公里；往美孚方向增加約100米)。相對路線整體行車時間，延伸總站只會輕微增加行車時間，因此現時的服務班次不需要大幅度調整。現時 72 最繁忙一小時內的載客率: 64%

太和方向仲要繞經長沙灣？？ 果段路咁容易塞車 呃..

終於補償6年前86B直接來往美孚及大埔道(石梨貝水塘)的服務。
72雖然無計劃加價，亦不需要大幅度調整班次(九巴話)，
不過近年傾向做豪華(價)青沙線(e.g. 272E)，
我諗72減到繁時20/非繁30都唔出奇。

美孚區棍未必完全接受放行，因為6本身真係有人係美孚巴總等

好心直行長沙灣道出，再喺大南西街設站咪得囉，
兜入長沙灣總站嘥時間又嘥車坑，
留返俾其他路線做總站好過

支持72拉去美孚！因為美孚係「大站」。

過左雙變單果關至講

如果72轉咗繁時20非繁30
(兼以美孚做總站,我認同#5
所講,喺長沙灣道直行而唔好
兜舊站,因為定點夾啱嘅,睇嚟
係46X/73X以外另一選擇)

而換取到272E全日
我又唔介意,前題係272E
繼續現票價,班次可以再議
唔好以無合適總站為由拉去
唔知邊度,跟住大幅加到下一級。

每日邊有160人在美孚搭6號呀?
除左朝早外見親都無人等, 只係有車經過時執幾個等6C既客...

相反下繁就間中見到有人白等, 因為個站無明顯告示話下繁無車,
投訴幾次都唔加番個牌.

踢走條6應該係屎忽數黎，等72同86同46X擺埋一齊，72開先又位位收多$0.7-$1.5
如果6擺落38A度，不如唔好入巴總仲好，6仔入得理應要係6C 6D隔離埋站先吸到客，但係變左位位收少$0.7

如果6仔係要入既話，38A最好改循環唔入巴總，HKU SPACE加站，之後成個總站站位再重組，6/C/D一組，72/86/46X一組，其他再諗過