元朗明渠唔起天橋改暗渠加輕鐵有冇得諗？

053h4 發表於 2018-5-28 12:41
元朗交通係有幾個問題, 一係行人路太窄, 當年政府話過舊區重建時希望大廈自動縮番入去, 比多D路人行
但有排 ...

元朗明渠改暗渠起輕鐵之後
大馬路冇哂輕鐵路軌同月台就可以整闊行人路

成條暗渠上面除咗輕鐵仲可以有行人專用區或休憩公園
成個元朗墟大部分都係樓
覆蓋元朗明渠多咗公共空間
由渠面行去朗屏站又得
俾人休息停留又得
搭輕鐵又得
比起天橋呢啲人肉輸送帶
對改善元朗居民的生活環境有更大幫助

環團關心嘅係天橋影響通風
活化明渠有元朗南周邊同南生圍
元朗明渠只有排水功能
比起覆蓋元朗明渠
環團更加唔想喺元朗正中心整條天橋影響通風及景觀

與其花近20億起行人橋，增建輕鐵支綫的確仲實際！元朗市中心只得5個輕鐵站 (水邊圍至元朗總站)，同屯門、天水圍相比，元朗嘅輕鐵站的確少得可憐！元朗南都有相當人口 (西至柏麗豪園、東至朗晴居)，已經未計大棠路一帶嘅大量村屋。因此港鐵已係時候考慮增建元朗南輕鐵支綫，以疏導紓緩元朗市中心輕鐵樽頸擠湧情況！現建議增設一條支綫 (元朗南橫綫)、一條全新路綫 (元朗南北縱綫，南面再分支為兩條)。南橫綫詳細走綫如下：入元朗輕鐵離開屏山站後，喺御豪山莊以西明渠分支，設御景園站，掠過柏麗豪園西南面後轉東行，喺藝典居以南設翹翠峰站，跟住穿過翠韻華庭同翹翠峰之間，然後轉入馬田路，喺馬田路同公庵路交界設馬田路站，再喺富達廣場東南面設馬棠路站，朗晴居以北設朗晴居站，跟住沿港悠路以南向東行，轉入悠田路明渠，最後喺Yoho Midtown第1座以西設元朗總站。另一條建議的輕鐵支綫為來往元朗南北嘅縱綫，由大井圍站經元朗工業邨站 (出版之友印務工廠南面) 到達朗屏路及福喜街交界嘅朗屏北站，轉入山貝河，喺楊屋新村以東設朗屏東站，沿明渠向南行，與西鐵朗屏站交匯轉乘，喺鐘聲徑西北面設鐘聲徑站，然後喺馬田路站與元朗南輕鐵橫綫交匯，之後喺左右明渠分支，左分支喺溱柏1座東面設溱柏站，喺田寮村西南面設田寮村站，再喺白沙村西面設白沙村站，總站為黃泥墩村。右分支喺大棠路同大樹下東路交界設蝶翠峰站，跟住喺崇正新村以東設崇正新村站、菁雅苑西南面設塘頭埔村站、南坑村南面設南坑村站，最後喺富興花園東北面設大棠路總站。

你好嗎 發表於 2018-5-28 21:22
另外, 所謂明渠唔好諗封, "環保人仕" 會要求政府活化為天然河流

元朗南發展會喺呢條明渠上游起污水處理廠
臭渠臭上加臭
天橋都避到陣味嘅
地面啲人真係混路走好了
你想點活化都除唔哂陣污水味

ryandroid 發表於 2018-5-28 21:42
元朗南發展會喺呢條明渠上游起污水處理廠
臭渠臭上加臭
天橋都避到陣味嘅

元朗市明渠係會流去米埔濕地，如果間污水處理廠好似你講得咁恐怖，相信過到環評嘅機會係近乎零
落馬洲支綫最初就係影響到塱原濕地而觸礁，南生圍到今日都發展唔到唔係無原因
就算僥倖過到骨，難保無人提司法覆核

ryandroid 發表於 2018-5-28 21:11
1) 起天橋個方案本身就要起6個箱形暗渠，成條渠覆蓋同局部覆蓋個橫切面都分別唔大

3.4.3.2 「由於項目包 ...

喺地圖上度過，3段暗渠都係各長120米左右，相信都一般人員都可以進入保養（有錯請指）
但係依你嘅建議覆蓋全段明渠，最終嘅暗渠肯定會被列為密閉空間，保養難度大增，唔係去到最壞情況都未必揾人去睇

起行人天橋只係預天橋結構+企滿人就夠，但係起輕鐵至少要預路軌、道床、架空電纜、企滿人嘅輕鐵站、滿載嘅列車......，打摏係咪會易過行人天橋好多？
如果輕鐵唔想同馬路（元朗安寧路、大馬路、教育路）平交嘅話，就要起高架橋穿過，咁係咪一樣會遇上地基問題呢？

hokachung 發表於 2018-5-29 03:05
元朗市明渠係會流去米埔濕地，如果間污水處理廠好似你講得咁恐怖，相信過到環評嘅機會係近乎零
落馬洲支 ...

污水處理廠嘅水質係會過到環評
但唔代表啲水一啲臭都冇
天橋擋住明渠通唔到風就會積住散唔到
元朗市中心變成心曠神怡嘅福地

hokachung 發表於 2018-5-29 03:55
喺地圖上度過，3段暗渠都係各長120米左右，相信都一般人員都可以進入保養（有錯請指）
但係依你嘅建議覆 ...

暗渠起輕鐵軌唔使咁複雜喎
依家大馬路橫跨明渠嗰段都係有馬路同路軌
咁嗰段馬路下面嗰幾條橋墩係咪又打摏打到幾十米？

只不過係多咗月台
月台得1層路高
箱形渠中間嘅結構柱撐住一層嘅月台咁都要打摏打到幾十米深？
成個元朗好多地方都係溶洞
唔係得渠先有溶洞
亦唔係有溶洞就一定打到底
如果打摏嘅深度同溶洞頂有一段距離
就根本唔使打到落溶洞底
輕鐵站都可以揀位避開高危溶洞
但你哋要嗰條天橋起成兩三層樓高
橋墩又唔可以太粗又唔可以太密
又要打返一定深度支撐條咁高天橋
溶洞避冇可避咪要打到落洞底囉

暗渠有連續嘅間隔牆
可以將月台嘅重量平均分佈喺條渠上面
同天橋用一碌柱去撐住幾十米嘅橋面係完全兩樣嘢
唔好講到條渠掘深幾米就會有個超巨型超深溶洞會全部冧哂先得㗎

維修通道呢啲搵周邊空置地起通道就得啦
對工程可行性影響甚微

元朗墟本身就唔係市區規劃
拎荃灣大河道天橋放喺元朗根本造唔到嗰個效果
大河道天橋可以連接唔少荃灣嘅平台建築
元朗明渠周邊有幾多平台建築可以駁到天橋？
荃灣邊使好似元朗明渠咁密咁起咁多電梯同升降機？
覆蓋元朗明渠變暗渠加起輕鐵更加切合元朗市嘅規劃及環境需要

市區大把暗渠、蓄洪池都有維修通道
元朗明渠改暗渠起條維修通道就要打摏幾十米？
不如講元朗啲舊私樓就嚟冧落去啲溶洞？

ryandroid 發表於 2018-5-29 23:50
暗渠起輕鐵軌唔使咁複雜喎
依家大馬路橫跨明渠嗰段都係有馬路同路軌
咁嗰段馬路下面嗰幾條橋墩係咪又打摏 ...

當你所講嘅係可行，咁你諗住點處理相交道路嘅問題？
如果維持用平交道設計，即係元朗市會多左3個極之繁忙嘅十字路口，人行得唔舒服，輕鐵／汽車行得唔暢順，改善成效有限
如果用高架橋跨越相交道路，又會跌入喺溶洞上起高架橋嘅問題，我諗起條輕鐵高架橋唔會簡單過起行人天橋......