元朗明渠唔起天橋改暗渠加輕鐵有冇得諗？

hokachung 發表於 2018-5-30 01:39
當你所講嘅係可行，咁你諗住點處理相交道路嘅問題？
如果維持用平交道設計，即係元朗市會多左3個極之繁忙 ...

係平交道有咩問題？
依家元朗大馬路嘅平交道都有鳳祥路、大棠路、擊壤路、元朗體育路
全部都係十字路口或者T字路口
無論邊個方向嘅車流都超多車
再加行人行去月台啲交通燈
先搞到咁塞咁繁忙

但元朗明渠改暗渠加輕鐵嘅話
並唔需要喺繁忙嘅主要道路起十幾個交通燈
明渠隔離本身就冇十字路口
得駁住安寧路嘅壽富街同駁住教育路嘅馬田路係同明渠平排而形成T 字路口
安寧路及教育路同嘅平交道處理嘅車流及行人比現時大馬路各個平交道嘅少好多

如果元朗明渠個輕鐵站設喺大橋村(朗屏站月台) 、大坡頭(大馬路月台)
呢兩度兩邊都冇車路拍住明渠平排
沿住安樂路、安寧路同大馬路、教育路一直行就可以到月台或者過渠對面
燈都唔使等
人又唔使再等車等燈
車又唔使再不停等人等燈
咁都會比大馬路嗰4個平交道更繁忙？

暗渠上嘅輕鐵駛過平交道只需配合經調整後嘅安寧路、大馬路、教育路嘅南北向過路處嘅行人綠燈就可以了
明渠少路口車唔多
轉燈周期比大馬路有更短嘅相隔時間
無論行人、車及輕鐵都唔會積累太多製造更長嘅轉燈時間
唔似得大馬路輕鐵又要等四方八面嘅車流又要等橫過大馬路嘅行人等n 耐先過得平交道

大馬路搬走咗輕鐵之後
車流集中返喺大馬路
本來駁內街又唔多車嘅安寧路、教育路到時都會再少車啲
根本不用過份擔心

053h4 發表於 2018-5-30 01:54
其實明渠加蓋，就算唔起輕鐵，荷載重高過條天線橋，係平左係升降機，按理都唔會平

...

我本來寫了一大篇嘢去回應
但我都係覺得齋講理論或者常識係討論唔到啲咩結果
所以都係用返實例回應算了

http://www.info.gov.hk/gia/general/200501/14/0114211.htm

＊＊＊＊＊

政府將在未來十年把分布於港、九及新界的其中十六段明渠覆蓋，以改善這些明渠附近的環境。

行政長官於星期三在二○○五年施政報告中宣布這個長期計劃。

(。。。)

整項計劃的預算工程總開支約十二億元，會於未來十年分期施工。

(。。。)

＊＊＊＊＊

零五年平均一條渠覆蓋嘅工程費用都唔夠一億
依家一八年覆蓋一條元朗明渠
就算我計埋通脹同元朗要有獨特嘅技術因素
俾到你四億冚渠
都比天橋平四倍

大家自由討論還自由討論
可唔可以唔好吹到咁天花龍鳳？

053h4 發表於 2018-5-30 11:31
其實你知唔知元朗條明渠幾濶, 跨度幾大, 而地底又有溶洞?

ANYWAY, 你話四億做到, 我支持的, 同環保人仕講 ...

其實板友們可唔可以先了解啲工程資料先？

https://www.inmediahk.net/node/1057170
「鍾錦華及後提供更多資料，包括在河道上興建行人天橋的造價比平均高約25%，而天橋採用較輕盈物料，橋面跨度近50米，等同一棟50米高的樓宇的負重，故此樁柱荷載較大，故須深達100米直抵石層，承認深度令造價「貴好多」，但政府別無選擇。」

你想平咪整密啲橋墩
但令明渠更加密不透風
天橋就得一碌柱去支撐五十米嘅負荷結構
梗係要打深摏啦

元朗明渠用四個箱覆蓋
平均一個結構牆嘅跨道只有八米
仲要係連續嘅結構牆由頭到尾連續支撐
只不過係要挖個地基鋪鋼根灌漿
根本無需要觸及地底嘅溶洞
與一般暗渠工程無異

起丁屋起低密度豪宅都唔使打摏
箱形渠都唔使打摏
直頭免去溶洞嘅風險
咁有咩工程問題？

https://www.inmediahk.net/node/1057229


「元朗區議員麥業成同稱當局曾表示造價為2億，但現今卻估計花費17億元才能建成，比預期花費多8.5倍。麥業成指，元朗區議會審議項目時，包括他在內的多名議員曾提倡把明渠覆蓋，認為能大大改善現時的公共空間，「當區居民行得更鬆動」。」

你唔知唔代表當區冇提倡過
不過係冇工程資料嘅情況下
當區人士先揀天橋方案
依家天橋方案出咗嚟同當初想像相差太遠
加埋元朗南發展會推展一系列防洪措施
覆蓋元朗明渠亦都應該重新考慮

053h4 發表於 2018-5-30 13:07
我都唔想同你講咩工程資料, 條所謂明渠幾濶, 而條河的流量幾大, 可唔可以係條河掘沉箱等等
四億做到, 又好 ...

我睇唔到有幾多環保人士話要活化明渠
我淨係知浸大國際學院提議活化元朗明渠
就連環保標準高嘅朱議員都冇話要活化明渠
只係建議偷位擴闊行人路取代天橋
就已經知道活化元朗明渠唔係講咁易

你知唔知啟德明渠係點樣做活化工程？
本來啟德明渠都係計劃全段覆蓋
依家改為活化啟德明渠
政府係要掘開條彩虹道起箱形暗渠
將明渠嘅水改為彩虹道下面個暗渠流出大海
咁先可以控制明渠嘅水量
令明渠可以安全咁俾人行落去先有得活化

元朗明隔離渠邊度有三十米闊嘅行車道可以掘出嚟做暗渠？
明渠啲水調離唔到明渠以外嘅話
點樣活化明渠？

活化元朗明渠有邊個唔想
又或者有邊個唔想屋企附近啲明渠可以活化做水公園？
現實係元朗明渠冇條件全段活化
活化元朗明渠就留返元朗公路以南嗰段做就已經應付到環保人士嘅訴求
朗屏至元朗公路之間嘅元朗明渠覆蓋做暗渠起輕鐵、公園俾居民改善居住環境及交通出入更為實際

053h4 發表於 2018-5-30 20:30
http://hk.on.cc/hk/bkn/cnt/news/20170831/mobile/bkn-20170831094557089-0831_00822_001.html

另外，政 ...

咪就係元朗公路以南嘅元朗明渠做活化囉
元朗公路至十八鄉路嗰段政府話要覆蓋明渠做暗渠你又知唔知？