9/7 起，隧巴 934 延長服務時間

0q9w8e 發表於 2018-6-22 11:55
36唔入總站咪得...

36唔入總站?不如話36唔上象山石圍角得唔得!

andy7354 發表於 2018-6-22 02:01
冇可能全日啦,梨木樹同36M全日分孖坑好難,不過如果係全日就好笑,因為948反而仲未全日??
...

又唔係話唔得，36同936調坑應該都得既，話晒36而家係梨木樹比人搞到只係中途站一個

VA52-HN6509 發表於 2018-6-21 22:40
個垃圾區議員又可以扮成功爭取了...

講真 934 如果拉返去銅鑼灣，回程又學 234X 咁樣行返去灣景花園的

為什麼這樣說？

238X 發表於 2018-6-22 00:50
真係唔明嗰個議員係咪有某啲利益俾到九巴高層，點解咩好嘢都落佢嗰度，無總站都夾硬整個俾佢
...

唔計荃灣站一帶，而家嘅西約真係可以話係成個荃灣交通最好嘅地方，
去新界東西、新界東、九龍南、九龍北、九龍東、港島北都有直車到 ……

而家放長雙眼睇九巴會唔會將投標個條油荃線會癲到拉埋入西約玩

AVD1 發表於 2018-6-23 10:54
唔計荃灣站一帶，而家嘅西約真係可以話係成個荃灣交通最好嘅地方，
去新界東西、新界東、九龍南、九龍北 ...

九巴而家插咗40喺西約，拉入去應該唔駛太急
反而如果城巴投到油荃，我就睇好條40會拿拿臨做番好，可能即刻拆葵俊苑/光輝圍上落公路快線叫240，40A全日
不過青衣廠其他路線，尤其城隧線就自求多福啦

其實西約邨巴相對唔發達，對外就得土瓜灣線，比其他大屋苑區相對易做大
加上第時荃灣土瓜灣都唔需要巴士線，西約呢幾年都應該行緊運，有改動多數都會係好野 (除咗雞肋34/34M)
荃景圍海濱本身有邨巴，班人自然唔需要九巴；但當樓齡開始舊，需求下跌，邨巴都頂唔順想唔做嗰陣，九巴就更加唔會理，於是交通就陷入咗困局，要政府出手打救先搞得掂
但運豬咪又會叫你善用M線轉鐵……

Ricky403 發表於 2018-6-23 11:25
九巴而家插咗40喺西約，拉入去應該唔駛太急
反而如果城巴投到油荃，我就睇好條40會拿拿臨做番好，可能即 ...

其實你最近兩個 post 不斷 loop 緊樓齡高呢點，我就唔覺得呢個 point 係成立，
或者對於起公屋區黎講係，但係對於私樓就未必係啦，
尤其荃灣中心係新界十大交投屋苑之一，大把人買荃灣中心上車，當中唔少係年輕買家。

至於海濱個邊就有新樓，
根本人口就一直係咁多，甚至係增長緊，
只係好明顯九巴大細超而已。

934 一日全日又要起荃灣區搵資源去做，
海濱同荃景圍兩區到時需唔需要嘔車比西約，到時自有分曉。

另外你提到荃景圍海濱有邨巴，
海濱確實係有 NR35 同 NR38 做得唔錯，
不過荃景圍近年 NR30 無啦啦比人郁而減班（據講有內情），NR316 摺左，NR312 而家都危危地，NR34 就換 934A（咁 fair 少少，呢個係好左嘅，最小由單向兩班，而家叫雙向兩班）……

AVD1 發表於 2018-6-23 14:49
其實你最近兩個 post 不斷 loop 緊樓齡高呢點，我就唔覺得呢個 point 係成立，
或者對於起公屋區黎講係， ...

應該咁講啦, 其實三地既地理位置都有 D 關係, 同埋係一個循環o黎.

你見西約, 海濱, 荃景圍 三條 M 線, 西約果條 34M 其實係最差, 班次又大部份時間比其餘兩條疏, 主要係因為有唔少綠小競爭, 再加上對外線 234X/234P/934 全部都係行大涌道直出荃灣路, 搭 34M 去到地鐵站, 搭 234X/934 已經開始上公路, 所以西約 D 對外線先做得起. 荃景圍雖然都有 84/95/95M競爭, 但始終無 39M 轉地鐵咁方便, 變相做大 39M. 九巴見 D 人走晒去 39M, 咪唔比太多資源去改善其他線既服務囉.  海濱就最大問題係個總站細同近西鐵站, 238M 又無乜競爭 (最多得 99, 但只到西鐵站), 變相 D 人出外一係行去搭西鐵一係去搭 238M, 由於已經有 38A, 238X, 根本無位再去加線落去, 所以除非無左條 38A, 就算想改善都無能為力.

其實宜家934都咁多部車,轉全日係咪真係要再嘔車比佢
只要執走堆柯打執下師傅表就得

「西約+荃景圍」應該推哂俾930系做。

不如九巴放棄934/936營辦權，換取948獨營權。

咁做嘅話，

基於整合路線嘅關係，「西約+荃景圍」可享有更頻密班次出港島。

948又可以全日服務，皆大歡喜。

peterkwan 發表於 2018-6-23 16:31
應該咁講啦, 其實三地既地理位置都有 D 關係, 同埋係一個循環o黎.

你見西約, 海濱, 荃景圍 三條 M 線, 西 ...

所以未話除左 39M 外，荃景圍堆線根本一直都有問題，
唔計 230X 呢條繁時線之外，就係得返 30 呢條雞肋竟然條條線都要先去荃灣站先再去目的地，
我都唔明呢個 pattern 點解仲可以出現 ……

但係 30 除左班次疏之外，對於荃景圍黎講去 30 個主要目的地（我指葵涌）又係兜路，
即係雖然佢係行沙咀道，但係去葵涌又唔夠轉車快，咁又有咩用？

換句話講，30 根本就係可有可無，簡單些少即係垃圾。
就算九記係唔想搞大條 30 黎做（配合 30X 重組），
其實仲有大把選擇去搞返好條 30。

問心，去尖沙咀就算我比 230X 全日化埋都一定唔會快得過西鐵，
最大問題係荃景圍去西鐵站個接駁真係差到冇得再差，
如果 30 放棄滿樂大廈一個站，用大涌道入荃灣西站先再出返去沙咀道，分分鐘大把人幫襯都唔定。

老老實實，用 30 價錢去食 39A 堆客，唔係冇著數可言，
又即係話其實 30 早就可以覆蓋 39A 服務範圍，其實又可以證明到 39A 係雞肋。

你自己諗下，西約、海濱邊度會咁？
西約去九龍就係得條 234X，去港島就係得條 934，去葵涌、沙田得 48X，去南葵 + 楊屋道 34、去荃灣市中心有 34M (53、234B 其實係路經而已，當然九記度縮根本 34M 早就可以做上下繁時；不過以西約近年得到九巴寵幸，放心都得，就算要搵線祭旗都唔會到 34M) ……
海濱去荃灣得 238M、市區有 238X、葵涌有 38A

兩區分工明確，荃景圍就一味所有線先去荃灣站，我都唔知呢堆定線點樣定出黎，
究竟九記係想搶港鐵客定係想將埋客送比港鐵呢 ……

假如九記唔係搵城巴做假想敵，而係拎港鐵呢，
我相信荃灣堆線早就有運行。