九巴新裝電子支付系統

八達通一早落Apple Pay/Google Pay咪吸引返啲人用八達通唔會用信用卡/QR Code囉
不過都遲啦，連地鐵都開始肯玩信用卡/QR Code入閘

kingprowm 發表於 2018-8-22 11:00
低價值快速付款就八達通最好，但 $200 以上應該用支付寶
如果支付寶同九巴搞儲印花，搭了三程車，儲了三個 ...

在公交上應用﹐由於車費唔高﹐加上網絡連線未必穩定﹐係會用offline技術的。
國內地鐵都係用offline處理的﹐當乘客過閘之後才慢慢處理扣款﹐之後用app的push通知用家扣款金額。

這樣﹐成個交易過程快慢﹐就取決於 scan的速度。

你可以講scan qr code 會好慢﹐慢在上車才開app開code﹐又或者對唔正個scanner。
前者就可以時間去令班友常慣開定code才上車﹐用家塞住車門比後面的人/司機 "小" 番一兩次﹐就會之後醒水。

而後者﹐用多幾次熟習左﹐情況就會改善。
而八達通﹐咪一樣有掃袋黨﹐所以這個就不是系統可處理的問題了。


至於儲印花﹐交通本身已經係必須品﹐極少人會因為有少少優惠﹐而去坐多一程車﹐或者改用交通方法。
成益唔高﹐未必會做。支付佬及巴士公司都識計數﹐唔會做一些成效低的推廣。


不過﹐面對八達通這個根深柢固的交易方式﹐又有轉乘﹐遲些又有交通津貼﹐日日要坐車(每月夠$400的人)點解仲要用其他支付方法?
(註: 唔包括遺失八達通﹐無帶八達通﹐八達通無餘額這一類被迫用其他交易方法)

其實個八達通機應該都唔會拆 唔識用既咪用返八達通 識用既咪多個選擇囉

andrewcyn697 發表於 2018-8-23 13:25
其實個八達通機應該都唔會拆 唔識用既咪用返八達通 識用既咪多個選擇囉

除非新機都有八達通功能﹐否則無可能拆原有的一部八達通機。

唔通九巴真係會放棄用八達通咩﹐話晒九巴都係八達通股東之一﹐日常交易又高度使用八達通﹐連撻車去到月票﹐無左八達通都唔成事。

只係期待一下部新機會接受什麼交易方式﹐但係香港本地人就唔會輕易改變長期不再用八達通坐車。

kei_hk 發表於 2018-8-23 11:16
在公交上應用﹐由於車費唔高﹐加上網絡連線未必穩定﹐係會用offline技術的。
國內地鐵都係用offline處理的 ...

真心覺得香港比大陸落後，人地食野自己落單微信支付俾埋錢一條龍，食完走得，香港仲係搵侍應人手落單，仲用現金或信用卡埋單，等找錢等碌卡慢到死，二維碼功能可以好強

kingprowm 發表於 2018-8-24 11:19
真心覺得香港比大陸落後，人地食野自己落單微信支付俾埋錢一條龍，食完走得，香港仲係搵侍應人手落單，仲 ...

有得信用卡埋單已好好

不過講開信用卡埋食肆單，最唔鍾意係要拎個客張卡走，幾分鐘先拎番黎

宜家幾多騙案都係因為侍應抄低或影低信用卡號碼及卡背的3位數字，都唔肯拎部流動機過黎俾客俾錢
我都同samsung pay既booth吹過水，佢地有mst技術係好，但香港的店總是不肯俾部機出黎而係要拎走你張卡。 （大鋪已有nfc機，冇呢個問題)搞咁醜我都未試過用到mst技術黎用samsung pay...


習慣呢樣野可以改，正如紅小乘客習慣先坐低，喺車程上數定散銀。 巴士客就喺等候時數定要幾多輔幣，反而有左八達通後，冇哂等車時就拎定八達通出黎既習慣
不過我都有個憂慮，係網絡問題。有時提早左開wechat pay排隊俾錢，但個位係收唔到上網訊號，唔得就係唔得。。。。我個人認為呢個先係最大隱憂

kingprowm 發表於 2018-8-24 11:19
真心覺得香港比大陸落後，人地食野自己落單微信支付俾埋錢一條龍，食完走得，香港仲係搵侍應人手落單，仲 ...

根本係過去香港一直都係在監管法規上的問題﹐令到有公司想做都擔心營運有問題。

直到正式推出SVF牌照﹐對公司的要求有監管﹐才正式開始這一類的交易系統發展。

我都好認同大陸這一方面發展得好強﹐已經想到點去活用電子化及手機化的交易。
正如你所講﹐入去食店由點餐到埋單走人﹐你可能唯一一次會同店員接觸就係送餐的一刻。

成個平台做得好﹐真係有發圍機會的。


好快金管局會推出快速支付系統﹐希望可以加快這一些自助化的交易系統在香港發展。

lsc04d11 發表於 2018-8-24 12:56
有得信用卡埋單已好好

不過講開信用卡埋食肆單，最唔鍾意係要拎個客張卡走，幾分鐘先拎番黎

關於網絡問題﹐據網上所講﹐香港及大陸情況相同。

V7 就係每次支付gen code都係即時連線﹐所以網絡一有唔穩定/斷線﹐就用唔到。
而支付寶就除左首次使用之外﹐係無需連線都可以gen code進行交易﹐這一點在他們的Q&A 都有提及。


亦因為這個原因﹐用支付寶普遍比V7 快的。