[Flight Report] Ethiopian Airlines HKG-NRT-HKG

究竟一分錢有幾一分貨呢？
出票既時候係ET同JL之間猶豫左一陣
因為一直想試下ET究竟係咩一回事，但係JL又用789飛HKG-NRT，實在係吸引
而且我回程時會帶滑雪板，亦知道ET寄滑雪板需要另外收費，所以事先電郵問左幾錢，先決定BOOK佢。
農曆新年最旺個幾日，來回商務艙機票僅需$6000HKD，實在係太太太太太平了
但係究竟呢個價錢比到D咩質素既野你? .......................

香港Check-in，一個商務艙櫃檯，一個BAG-DROP，一個經濟艙櫃檯；動作係十分緩慢既，幫一個人辦理Check-in大概都用左10分鐘。
最重要係... 櫃檯個顯示器沒有顯示到係ET，我只係從商務艙個地毯見到係ET先知排呢度...

ET提供香港航空貴賓室使用，當然都可以用其他SA貴賓室，我就去左SQ個貴賓室，有laksa又有香檳又有movenpick雪糕



自從香港航空MFC開左新貴賓室，呢個舊既絕大部分使用既都應該唔再係HX既乘客了
中午後有雞蛋仔，都唔差


INBOUND FLIGHT遲左，所以我地出發都遲左接近1小時


登機後已經出事，我地二人同行，座位係第三行右邊窗口兩個，上機後見到有個日本人坐左係窗口位到，空姐見到有情況，行埋黎，然後大概聽到個日本人用爛英文表達話自己坐左係呢度好耐... 但係BP寫座位係4C，而當時4A/C都有乘客坐左
空姐解決問題既方法係，叫我地兩個坐后一行，話第4排窗口呢度都冇人坐，我地當堂都打左個突，乜原來係咁處理坐錯位既問題架咩？
最無奈既係，坐低左係4J/L，有個地勤上黎叫我地兩個show BP，話呢個位有人坐，最終我地都係坐返去原本個座位，而個日本人就自己走左去第四排中間位坐低...


起飛後SERVE DRINKS，基本上坐ET你唔會口乾，佢地推車SERVE飲品次數頻密到同TG比熱毛巾你既頻率差唔多
不過... 空姐既專注力真係差到不可思議，我唔覺佢地英文差得過日本人，但係發生左以下既情況：
1. 我要紅酒，我同伴要水 = 佢净係比左紅酒我同伴
2. 我要Sparkling wine = 佢比我Sparkling water
3. 餐后我要茶，我同伴咩都唔要 = 佢比茶我同伴ONLY


個餐難食就不在話下，好彩係貴賓室食飽左

呢架788既商務艙PRODUCT係ET舊個款，乘坐感認真一般
AVOD操控一般，耳機音質更加係差


唯一比JL可取既係，送餐速度非常適中，唔洗等...寂寞到夜深

至於回程... 又有一堆事件發生...

後續......

回程時間係晚上2010，係返到香港比較夜，但係都有足大半日時間去用
Check-in係J段，最遠個度。
成田機場有FAST TRACK，自己要識去用，因為地勤係隻字不提既... (上次坐JL都係)



用ANA貴賓室，熱食充足，酒水就明顯比JL差啦


回程冇DELAY，一般ET會用42號閘口，不過今日改用35




架機由香港飛過黎比原定快左唔少... 代表回程逆風應該幾勁...
最終呢程機由take off到landing用左4hr58min
好彩既係，坐到ET比較新一批既788，呢個商務艙PRODUCT就舒服得多啦


大家上機坐低曬(應該全滿)，但係FA SERVE WELCOME DRINK居然會跳過某d乘客
過10分鐘之後再過黎SERVE過... 完全不能理解

準時PUSH BACK，10分鐘後已經可以TAKE OFF

SERVICE流程大致上都係一樣，不過今次SERVE我地個邊既係一個唔知中國人定韓國女人，個種服務態度真係令人大開眼界
佢仲應該幾高級下...因為見到佢係galley小人
1. 鋪枱布，佢只會企係到叫你自己開枱，而我同伴開唔到張枱，佢完全無意思去幫手，繼續企係到叫你自己開
2. 我坐窗口位，基本上佢係任何野都會遞比你，叫你自己接，唔會place it on your table
3. 我前面坐左個日本人，英文差大家都估到，個空姐問左兩次你要食咩，fish or chicken，問到第2次既時候，個空姐真係夠膽死係個客面前西面，又嘆氣!
4. 有個推緊免稅品既空姐(明顯比較junior)，剛好係我地面前遇到呢個空姐推架飲品車由galley出黎，只見到佢用"鬧人"既語氣講左句我地聽唔明既語言，然後個個推緊免稅品既空姐立即急急脚閃人，仲緊張到架車撞到某張商務艙座椅




個餐都係比較差架啦，唔緊要啦
不過... 架機泊好位熄引擎後
商務艙冇着燈，而我發覺得大概5個香港人會係呢度落機
我地幾個執好野，一直係到等開門，但係呢個"等"係永遠都等唔到既
因為過左一陣先發覺，DOOR 2L一早已經開左，ECON客已經落緊機
而企係DOOR 1L個幾位空姐真係完全無打算同我地幾個好明顯準備落機既乘客講，去後面走
更加唔好提係咪應該先讓商務艙乘客優先落機呢樣野...
燈又唔開，野又唔講，完全由得你自生自滅

總結
Serve商務艙既一般都應該比較senior，而呢班senior既服務態度真係頗差
反而我接觸到年輕做econ個一班，態度真係完全唔同

ET最"值得"買係個航班時間，屬於SA，貴賓室有質素保證
行李商務艙有3件各23kg，但係滑雪板坐Y定J都要另外收費，呢樣野就比較唔好啦
商務艙配置上，新款比舊款好太多，坐唔坐得中睇你運氣
來回都送上過夜包，回程更有支裝水提供

餐飲質素就頗差，一分錢一分貨，唔緊要
ET已停飛HKG<->NRT and ICN，停飛前體驗到一次我覺得都唔錯
起碼知道佢改飛BKK，我都唔會再考慮佢
CP值係高，但係整體體驗我真係覺得差，主要都係來自人為既因素啦
反而如果做Y既空姐仲有d heart，我覺得坐Y應該會比坐J更好

之前坐過UL，今次坐ET，搞到我都唔敢試埋AI
如果論之前坐同樣係第五航權航線既UL HKG-BKK，我覺得UL比ET優勝太多
總之... 坐ET，Y平就坐Y吧...

AI商務我就唔知，經濟普普通通啦，我2010年搭過去關西，回程特登揀印度飯食。

兩間都係前一段由好遠飛來，可能會有delay，我自己就只係回程delay大半個鐘（更好，否則在大阪好趕），但有時睇apps見佢受印度天氣／空管影響大遲到都有。

ET我就因為佢表定時間太遲而未試過，而家想試都冇囉～

我反而好奇個位日本人係咪西客定係睇錯咗個座位牌,咁嘅烏龍都有
不過處理呢類問題都幾撲朔迷離,點解唔查清楚個boarding pass,搵返個正確位置再私下解決,而係由得佢繼續坐

同樓主差不多時間坐, 不過我係農曆前去, 年廿九返香港 (同埋我係坐Y咋)
去程個時間就麻麻, 去到出埋市區都成9點幾, 我之後一日去長野滑雪, 所以都係返酒店瞓, 對於嗰啲要玩到盡嘅人就唔係太適合
整體感覺係同樓主差不多, 二千三一個人包兩件行李, 性價比係高, 但服務好似由得你咁
我坐Y空姐都唔係成日見, 係派餐嘅時候見多D佢地, 我去嗰時冇乜人坐, 可以好舒服咁兩個人坐一行

整體嚟講hardware 冇乜特別要投訴, 係software 會改善多啲, 而家HKG-NRT 冇飛, 今年想再坐都唔得

回程o個隻        ET-ATJ 係頭批787-8, 原先應該係去ANA (ZA105/LN13/JA806A) , 但由於需要長時間去改動先可以交機, 結果ANA 選擇唔要頭批機, 而ET就要o左大部份, 所以ET787機隊係有齊GE同RR引擎
帶住ANA色o既LN13首飛片段

兩年前小弟都坐過一次 ET Y Class 去 NRT，有興趣可以睇下。

不過個 AVOD 應該係舊版來，唔知新版係點樣呢。

機內有無識日文/廣東話的crew? 定全部係非洲人?

ET而家應該冇再飛HKG-NRT

28B 發表於 2018-10-1 17:29
機內有無識日文/廣東話的crew? 定全部係非洲人?

幾乎全部非洲人，冇聽到有人識日文同廣東話