建議234X線增加車輛，全日分拆為34X及234P兩線，34M減班

ATENU135 發表於 2018-10-3 21:24
234X根本有能力加班，係九巴唔理

加班？連埋30x唔脫班已經夠載，要加班咪又係塭30x找數。。。

384047x 發表於 2018-10-2 19:57
3.34m冇左部車係比左234p/34x，但係234p同34x你寫住總車數係1/0>12，應該係13部

4.我住過麗城三年，就算 ...

3. 大綱寫嘅重組後所用車數依然係跟運輸署，上繁7-9會出動嘅車數，12 = 13 (掛牌數)-1 (柯打934)-1 (柯打301/104)+1 (31M柯打)
4. 星期一至五非繁只係個別班次，或某一小時班次間距比較短而已，亦未出到15輛車，只係13輛－234P 7+34X 5-6，純粹方便乘客
星期六及假日中午，似非繁但客流唔會差過星期一至五繁時，當然星期日下午你或者覺得234X唔算好客，但個人見到假日234X做到大部分班次半滿以上出九龍，入荃灣同樣，加到14-15輛車好合理，亦值得
5. 我就日日見到08:30後開嘅234X唔算多客，尤其08:54-09:30通常大半滿已經算多
當中油尖旺8點後相對多客，所以俾盡少少安排15分時段至09:25先完，深水埗區早啲，08:15/08:35後20差唔多
6. 234X一線分拆兩線34X+234P，除非可以加一倍車數，否則兩線各自班次一定比而家234X少。但要留意34X, 234P各自九龍段服務範圍只係234X一半，唔可能期望兩線字面上仲有得加班
夾硬揸住非繁15變20拗冇意思，因為係拆線嘅必然結果，加一輛車拆完只係15變20，油尖旺平均加埋多等時間都快7分鐘，效率已經大大提升
如果想一條15拆完都可以各自15，我只可以講，資源有限，唔會有咁便宜嘅事

Ricky403 發表於 2018-10-6 20:44
3. 大綱寫嘅重組後所用車數依然係跟運輸署，上繁7-9會出動嘅車數，12 = 13 (掛牌數)-1 (柯打934)-1 (柯打 ...

可能我表達得唔清楚，講野1999，先道歉！

班次問題我唔係要2線15，係基本慢線15/1先，因為而家234x去油尖旺好耐，其實深長荔客係超過1/2，車程冇快而減左班唔合理，咁所以呢個case我會寧願拉疏貴線去20/25/30，慢線起碼有本來班次先

油尖旺客方面去睇，其實等耐左既時間都等於甚至快過原本車程，其實某程度上有 eta唔洗特登等咁耐係會吸到更多客，又可以掠水，對九巴黎講絕對值得做

而且九巴唔搞，估計某程度上除左因為呢堆線好煩之外，如果咁樣每線拆快慢線，遲早西廊都塞車，咁就唔洗玩特快，所以最好係用現有既全日線改，如30x+234x一組，分別行荃威-麗城-大涌道，一快一慢，咁起碼冇咁易有塞車情況

384047x 發表於 2018-10-11 01:11
可能我表達得唔清楚，講野1999，先道歉！

班次問題我唔係要2線15，係基本慢線15/1先，因為而家234x去油 ...

咁我好奇點解你之前又話我加車落去太睇得起234X

如果要34X繼續開到基本15，就需要大約6部車，咁就只剩4-5部俾234P，234P班次就平均只係做到25-30
但係我認為34X強行維持大部分時間15分鐘一班係極不可取
唔好忘記34X係大半程都有30X搶佢客，冇咗往荃灣尖沙咀上、出九龍旺角落一堆捧場客都繼續開15，日間非繁真係等吉車遊街

30X/234X相比35A, 42A又或者大西北X呢一堆，明顯深水埗市佔係比較差
後者好容易喺北河街/欽州街站見到排到亂亂地嘅人龍，唯獨30X/234X呢組通常都係得幾個人等，唯一一段我認為人會多啲嘅時間係大約四點左右放學（但都唔係北河街站多人），而呢段時間34X我係建議開15分一班
講真，如果30X/234X深水埗非繁使用率都高，大家有目共睹，就唔會咩美孚轉6建議都彈埋出黎啦

234X喺油尖旺區面對嘅競爭對手比較多，除咗30X分荃灣市外多咗紅小同西鐵線，做好油尖旺段嘅234P我認為更加重要，而佢早繁都交到好成績，點解唔嘗試做大？最後講會更加塞車嗰度，你都係搞清楚啲concept先啦

Ricky403 發表於 2018-10-11 16:11
咁我好奇點解你之前又話我加車落去太睇得起234X

如果要34X繼續開到基本15，就需要大約6部車，咁就只剩4-5 ...

因為我心目中從來都係諗住慢線 keep住15快線疏啲
咁同加唔加車係兩回事，其實你可以唔加車拆線都得架
如果話30x同34x有互相搶客，咁就算減到20咪又係互相搶客，倒不如係30x同234x進行重組

更加塞車果度，concept 係30x+234x做快慢線比兩線各拆快線會慳更多車，唔糸咩？

384047x 發表於 2018-10-12 23:44
因為我心目中從來都係諗住慢線 keep住15快線疏啲
咁同加唔加車係兩回事，其實你可以唔加車拆線都得架
如 ...

咁我只可以同你講深水埗線有唔少時段真係唔抵開15分鐘一班
如果由得油尖旺線疏車到好極端，例如得而家一半班次，乘客一定有反應
冇錯油尖旺線轉行西廊平均係快到9分鐘，但都要等到車先享受到㗎，15變20，可以，25，就睇下有冇車到，30，就一開始出/返去已經想走去鐵路/紅小

30X同234X一齊執嘅建議我有出過，但兩條線個山頭係各自為政，亦無直接道路串連兩個山頭加市中心
總站區出九龍一定會兜遠路，入荃灣如果堅持要繼續做路德圍就兜得再犀利少少
雖則荃威30X而家都兜，但唔代表改完30X荃威都要繼續兜㗎......除非出油尖旺行西廊快番少少
灣景234X執完後都兜唔到荃景圍，半個勉強，上埋荃威肯定嚇走唔少人
30X更有QE問題，基本上唔再容許縮線拆全日230X，只可以兩繁抽車去230X，更加唔好講九巴覺得呢組線6正4蛇夠

俾你盡量合併到30X+234X，都冇可能一快一慢咁拆，定多一快兩慢
但如果你想慢線非繁15分鐘一班，當兩條中段都可以90分鐘行完，90/15*2=12，只剩5個正字軌加6個蛇軌，可以俾快線做到咩班次？30分鐘一班啦，荃威加麗城30喎
仲想減車？一定拉倒你

Ricky403 發表於 2018-10-13 01:41
咁我只可以同你講深水埗線有唔少時段真係唔抵開15分鐘一班
如果由得油尖旺線疏車到好極端，例如得而家一半 ...

你冇錯，但咁改一定過唔到深水埗區議會！
真係唔夠車加30x同234p bbi，減30x班（以客量唔達標為由）

30x+234x走線可以快線荃景圍-麗城-公路，慢線麗城-荃威-84小巴走線至大涌道-公路

384047x 發表於 2018-10-14 00:23
你冇錯，但咁改一定過唔到深水埗區議會！
真係唔夠車加30x同234p bbi，減30x班（以客量唔達標為由）

無論30X定234X，深水埗區只係中途經過嘅區份
重要程度一定唔及兩邊總站
況且深水埗區入荃灣市有紅線競爭，唔見得好支持30X/234X，頂多只係兩繁來回較遠離荃灣站嘅柴灣角先比較多人用
深水埗區兩條線非繁有大概290系嗰種班次已經足夠

油尖旺線始終行西九龍走廊快9分鐘，荃威+麗城+大涌道係可以
但深水埗線完全冇加密或者改快，要西約兜多10分鐘荃威講唔通，兜哂三區再太子循環，行車時間亦偏長，唔太適合
不過而家最需要搞嘅934非繁拉上荃威都唔做，似乎九巴係驚兩區一齊重組會出現爭奪資源問題
當然，30X而家都仲未可以拉埋34X+230X+234P拆30X+34X+油尖旺快線，原因之一係南段有QE問題尚待處理，亦關乎6F喺屯馬線通車後存亡

gu9434@24 發表於 2018-10-3 19:47
我同意整體重組方針
最大問題係 假設今日234X真係改左特快

咁之前都提過104改道，相信處方同巴士公司都知道個路口都開始飽和
104無法改道，都仲有其他辦法分流個路口
以路口大小，其實改改個劃線，係可以好似左軚地區咁，彌敦道左轉同亞皆老街右轉一齊放車，從而縮短亞皆老街西行放車時間，可以：
25秒行人燈
40秒彌敦道直行+彌敦道以西過亞皆老街行人燈
30秒彌敦道左轉+亞皆老街右轉
35秒亞皆老街西行
又或者改彌敦道左轉亞皆老街做巴士線，其他車踢哂去山東街西行都可以考慮 (當然有機會山東街食唔哂塞番出去)
如果方法係將部分路線分流到山東街，工作會多咗咁囉

長沙灣道+美孚路況一日未顯著改善，紅線彌敦道走廊一日仍然接近飽和，相信一日都會有建議加強行西九龍走廊路線服務
(稍後將修改234P荃灣方向走線)

其實講黎講去都係資源平唔均搞到而家呢個亂局出現。如果比我建議呢，而家就索性玩大佢。
大型轉車站方案。但係我個轉車站方案又唔似得而家所謂屯門公路果個咁雞，成堆線到最後未又係疊埋一齊。（其實起我眼中，成個香港得城隧個轉車站先係最成熟同埋最有效率）。

我有個好初步嘅 idea 大約係每一個細區都留返一條對外路線，而呢條對外路線同時都係該區唯一一條出市區嘅路線。（非繁時）。繁忙時間就各細區設有繁忙特別路線直接出市區。

例如，而家荃灣區有三條對外路線出去九龍西，包括 30X、234X、238X。比我就一次過將呢三條線合併就返一條算數。
例如留 238X。總之非繁時嘅時候，西約又好、荃景圍都好，都要去轉 238X。

好啦，去九龍東又係留返一條，例如 234D 全日化後，灣景花園做總站先算。呢條線行完西約之後就會直接去轉車站，之後就再去九龍東。
過海又係，例如 934A 全日化後就放荃威花園。同上面一樣，一行哂荃景圍就會去轉車站，之後就會去港島。
石圍角例如整條線去九龍中部（九龍城先算）。例如整條「32X」比佢啦又。

其次就係呢三條線都必會經轉車站，是旦我求其 up 個位，就德士古道先算。
如果海濱想過海，可以先坐 238X > 轉車站 > 934A
荃景圍要去九龍東可以 934A > 234D
西約要去九龍城可以揀 234D > 32X

當然到時會有個 price grid 出黎，例如荃灣去港島收 $ 18，荃灣去九龍城收 $ 8，去九龍南收 $ 10 … 總之就邊個區都係呢個價。
一句到尾，非繁時玩轉車站可以做大成個 pool ，咁就每條線可以做到 8-10 分鐘一班車，同時可以有效去同港鐵匹敵。

當然繁忙時間，230X、234P、238P 呢堆特別線將會繼續保留。

不過我都好明白起地區利益立場黎講，轉車站呢樣野係好難成事。除非政府出手架姐 ……