梨木樹巴士不便利居民 區議員：多年無車出尖沙咀

castanopsis 發表於 2018-12-9 11:59
留意到上面有人提出尖沙咀同紅磡group埋一齊做
我唔覺得理想

講起紅磡，我會覺得紅磡只係 bonus，叫做令條線多一個客源咁解。
講真依家荃灣來往紅磡都係得條 30X，本身對紅磡都算慢。
如果用紅磡 -> 尖沙咀 -> 佐敦 -> 荃灣同依家 30X 走線比，前者應該仲會快少少。
而紅磡來往荃灣呢個位點補都係一個問題 (用作 30X 撤出)。你話用 12A 補又唔係唔得，但如果黃埔坐到九龍城再落深水埗先上公路就太慢了，走線學你講都要仔細研究。
當然佐尖線如果真係按我所講開得成，點樣行都係一個問題。如果紅磡經紅磡站按 N241 走線行到佐敦油麻地先上公路，咁對紅磡就真係太慢了。

leo_ku 發表於 2018-12-9 11:54
西廊可以快到10分以上，基於長沙灣道堆車龍太長同站太多已是客觀事實，再矮化西廊優勢無助於討論。 ...

從來無矮化過西廊
如果用九巴行車時間資料（69X/268X欖隧>旺角站）
西廊係快過行長沙灣道9.1分鐘

我唔否認西廊明顯快過長沙灣道
但以梨木樹計，同時下路飛橋亦明顯快過兜石籬行上路
下路飛橋+長沙灣道，根本唔會慢過上路+西廊好多，頂盡差一兩分鐘
但前者可以做10分鐘一班，後者班次注定20分鐘起跳
咁係唔係好明顯前者吸引？

你再唔明我真係要憾頭埋牆

（回程大埔道就更加肯定快唔到9分鐘
長沙灣道+下路飛橋分分鐘仲快過大埔道呈祥道+上路）

tonychow 發表於 2018-12-9 11:48
走線上我唔反對你條新 30 行法，不過有兩個問題。
其一，咁行應該唔會收到 $8.9，特別係你仲要食埋原來荃 ...

30收費問題可以透過分段解決
最簡單，全程$8.9，荃市>何文田分段$5.8，深水埗>荃景圍分段$5.8
中間段路既客，包括36A舊客，可以繼續用$5.8搭車
頭段既荃景圍/何文田就一邊$8.9一邊$5.8，平均$7.35
大家合理價錢

幾乎全個荔景山去荃灣都已經有小巴
頂盡加269M/265M雙向分段補償
亦留意對真係行動不便既乘客而言，條32H亦已經覆蓋30大部分服務範圍

我同意荔景山係需要補償
尤其我打算趁拉30上何文田之後殺埋41/45/46籌車
我個解決方法，係拉6C上麗瑤
變咗荔景山最然無咗兩條30分鐘一班既45/46，但多咗一條10分鐘一班既6C，服務反而會有進步

不過如果搭 234C 落東九，仲要喺石圍角塞燈塞車 (特別係喺石圍角巴總出面排隊) 觀感同樣可以好差。

講真，比起大涌道直出多6分鐘，真係唔算差
當然觀感既嘢好難講
但家陣40兜25分鐘都未上公路，西約仍然有唔少支持者
我相信直出尖咀線就算兜多6分鐘象石梨木樹，都仍然會有吸引力

tonychow 發表於 2018-12-9 12:08
講起紅磡，我會覺得紅磡只係 bonus，叫做令條線多一個客源咁解。
講真依家荃灣來往紅磡都係得條 30X，本 ...

我個12A延長方案對紅磡客而言，肯定係毫無吸引力
只係象徵式作個補償而已
反而條線對九碼/九龍城/富昌南昌會有好大吸引力
尤其12A本身唔疏，速度就算對比未來地鐵都唔慢
只要荃灣段主力做荃灣東/眾安街/愉景新城呢類遠離屯馬線既位
實有得做

如果為咗紅磡客唔好太慢而放棄尖沙咀行彌敦道，我覺得會得不償失
我寧願兩邊分開搞好過

tonychow 發表於 2018-12-9 11:32
同西鐵重疊呢點我本身唔係好認同。
其實西約同荃景圍都唔係好近西鐵站，特別係後者。
識人住灣景，步行來 ...

西鐵要行，但勝在時間真係好穩定
我嘅經驗係由灣景/翠濤閣出發，快者15-16分鐘，慢者都係20分鐘內搞得掂
最近嘅麗城一期/韻濤居就快者10-11分鐘，慢者14-15分鐘
氣溫20度樓下嗰陣，慢行可以一滴汗都唔駛出

西鐵有Next Train/MTR Service Update提供到站時間，係可以自己就速度
通常西鐵出去柯士甸站/尖東站，灣景起計26-36/29-38分鐘到，一期/三期冇平台嗰幾幢起計22-30/24-32分鐘到，識就係好穩定40分鐘內連步行去到尖沙咀西鐵沿線
當然，啱啱計過下數，其實尖沙咀特快喺麗城都可以爭到客，但前提係要麗城尾站 - 一期出匯翔道正常13-17分鐘搞掂，18-27分鐘轉入彌敦道，35分鐘內停到金巴利道
同埋大減30X服務，234X縮短同改跟934出入先有車開

如果係castanopsis站友咁建議，麗城要上山後先出到去，我對於麗城客量會比較悲觀
東九234C客量唔錯，某程度上係因為競爭對手都麻麻，同埋仲有返學客
如果建議索性連埋6F重組，尖沙咀特快匯翔道後跟280X入彌敦道，再跑紅繞擺海逸，30X同234X一齊縮去 (冇廁所嘅) 西九龍站，咁又唔同玩法，但好似兩線聯合班次10分鐘一班係唔夠車比尖沙咀特快嘅
兩線而家用17-18部車，縮短後只用13部，都只係吉到4-5部，尖沙咀特快一個鐘一單嘅話非繁只夠開單向20，反方向30
淨車程黎講，去到紅工都尚算有競爭力嘅 - 始終紅工去黃埔站上就站站樂兼旺角轉車，當然將來可以何文田轉車，唔駛站站樂，但都係三程車，黃埔仲係得一半班次到；紅磡轉就要駁小巴
只要直達，時間要求冇尖沙咀咁高，反而點樣填剩低嘅1-2部車使條線多人方向可以有20以下就係main issue

另外，如果拆尖沙咀特快，現存嘅繁時特班230X同234P就會比較難處理
尤其是230X對尖沙咀吸引力唔高，但縮短減班會得罪旺角客，縮短唔減班/維持現狀就無法善用資源增加尖沙咀紅磡嘅吸引力，陷入兩難境地

castanopsis 發表於 2018-12-9 11:59
留意到上面有人提出尖沙咀同紅磡group埋一齊做
我唔覺得理想

冇爬文純粹搭嘴一句

南行行九龍公園徑，停北京道站位都唔算差
北行可以諗下行疏士巴利道下通道，順手焗住右轉彌敦道，停半島酒店再轉出去九龍公園徑

Ricky403 發表於 2018-12-9 15:03
西鐵要行，但勝在時間真係好穩定
我嘅經驗係由灣景/翠濤閣出發，快者15-16分鐘，慢者都係20分鐘內搞得掂
...

如果西約同梨木樹夾開尖咀線
我會建議尖沙咀走線大致跟260X，但回程唔屈返落佐敦道直接跟280X行
至於條線行西廊定西九龍公路可以再傾

只要唔塞入柯士甸道，我又唔覺得速度上西約尖咀線要上梨木樹就無得同西鐵鬥
234C麗城去梨木樹尾站只係10.2分鐘，去到豐力樓21.7分鐘
去豐力樓同去柯士甸其實時間唔會相差太遠
以呢個速度，25分鐘內到柯士甸站應該唔係問題
呢個時間，同你計出來西約行去西鐵站搭去柯士甸時間相差不遠
當然如果計尖東，巴士會慢過鐵，但都係10分鐘以內
而去廣東道/彌敦道一帶，就更加係巴士稍有優勢
我會覺得，時間相差唔遠既前提下，唔少人會懶行直接搭巴士
我又真係唔覺得西約會無人搭

10598C 發表於 2018-12-9 15:58
冇爬文純粹搭嘴一句

南行行九龍公園徑，停北京道站位都唔算差

停半島行中間道出九龍公園徑，叫做半解決咗尖沙咀
但我覺得行九龍公園徑差，著眼點其實係佐敦
南行喺落車站位唔咁重要既情況底下，尚且可以叫人從渡船街/甘肅街行返入去
北行行九龍公園徑，等同放棄成個佐敦
而佐敦客源本身就唔係少得過尖沙咀好多，有西鐵競爭下就更加重要

如果紅磡荃灣有其他解決辦法
我唔會傾向放棄半個尖沙咀同北行佐敦客去做紅磡