40加停長荔街特車失蹤

小弟一直都係40長荔街特車常客。先講講背景，之前都出過文講呢班特車，長荔街站ETA一直都沒有顯示，就係因為18:17班車無準時開車，或者站長無設架車行支線就會沒有顯示，只係近1個月先好返少少有頭2班顯示。
之前都有講，表面上有17:26同18:17兩班，因為尾班成日都爆棚飛長荔街站，實際上一直都唔跟時間表，實際開17:20, 18:06, 18:20 三班車。

今日小弟睇住有ETA顯示照舊18:55，咁我咁上下時間埋到站等，計埋我有6個人。
點知呢，倒數完無車到，再過一個字7點都唔見車，開始有2個人走咗唔等。
其實呢班客都係見慣見熟就吹兩句水啦，排頭位果個竟然係6:30 40A走咗之後開始埋站等平時18:06果架(約18:44到)，點知等到最後仍然無咗車！


最後我地到19:11，睇APP確定後車過埋美孚都無之後就散水……

究竟今日站長有無睇架？定係班車手玩嘢擅自扮唔係特車？
因為平時尾班特車，間中有個師傅係見假頂閘就專登唔埋站甚至係埋站專登唔開門就走！

我今朝又係冇左架62x 係咪天氣凍就有一堆人”射波”?

呢個個案指控好嚴重， 屬實的話直頭離曬譜。 如果沿途沒有擠塞，一定要投訴。 現在cs部門做得幾好，開了個案，一定會查，然後回覆。 至於假頂閘不埋站/開門，一樣可以投訴， 屯廠因為咁出內部通告叫某些路線的尾站必須要停站上客不能飛站。

lsc04d11 發表於 2018-12-10 22:36
我今朝又係冇左架62x 係咪天氣凍就有一堆人”射波”?

屯門市中心站長以前做得幾好， 如果真的欠人收車，佢會將前後幾班車拉番平均開出，不會由得一個班次完全消失。

不過現在屯門廠力谷263，有多的人/車都畀263加班。有時58M都分到少量廠務柯打，很多時不定期紅橋起載。

據聞呢架 1817 40 特別車有係荃灣開出，不過中途係美孚交通意外。

GG8766 發表於 2018-12-10 22:55
據聞呢架 1817 40 特別車有係荃灣開出，不過中途係美孚交通意外。

不過都解釋唔到前面一班點解都無埋，好彩有排頭位乘客解到畫……如果唔係我都以為架車快咗所以走失

我都曾經係40特車常客，依家等到心淡落地底或者搭42好過

如果呢個特班係獨立編號，好似無咁易博懵無咗車。

1844我坐E21經過美孚見到有出UV1091行特車，唔知係咪樓主提到消失左果班車呢

GZ9464 發表於 2018-12-10 23:51
我都曾經係40特車常客，依家等到心淡落地底或者搭42好過

而家龍翔道日日都塞到蒲崗村道，我其實都搭少咗。
源頭講到爛，啟業交叉位，其實仲有就係牛池灣街巿27個站。
尾車塞硬，中間果班都好D，仲有機會快過落地底。