南港島綫(西段)最新消息

http://www.mtr.com.hk/chi/projects/future_wil_sil_sil_east.html

  11.   現時南港島綫(西段)的進展如何?

    * 雖然政府尚未落實興建南港島綫(西段)，但現時南港島綫(東段)的設計已預留位置作未來興建南港島綫(西段)之用。
    * 黃竹坑站將會是南港島綫(西段)及南港島綫(東段)的轉乘站。該站的設計可擴展以容納未來南港島綫(西段)的月台。
    * 南港島綫(西段)的走綫原計劃設於南港島綫(東段)的兩條鐵路之間，以方便乘客將來橫過對面月台轉乘列車。但為減低南港島綫(東段)對東華三院賽馬會復康中心(復康中心)在景觀及噪音方面的影響，途經復康中心的走綫已作修改，包括合併復康中心對開的一段高架橋、降低高架橋高度，及盡量遠離復康中心。而南港島綫(西段)的走綫設計則作出修訂，乘客將來將未能橫過月台轉乘列車。
    * 在黃竹坑與香港仔之間的一段南港島綫(西段)有一些可行的走綫方案。然而，有關走綫的細節需待政府落實興建南港島綫(西段)後再進行詳細設計。

唔知港鐵係咪已經留意到小弟份建議書,不論如何,呢段說話證明接駁香港仔站係有技術可行性
而南港島綫(西段)更可能已經降格為一條接駁香港仔同黃竹坑既穿梭線..

[ 本帖最後由 jimmy_lam 於 2010-2-25 15:45 編輯 ]

以我呢個外行來看，樓主的建議書，指明對象、措詞中肯、圖文並茂，
並提出多個可行方案及各家利弊，我實在非常敬佩。

這令我想起與我切身有關的沙中綫，受樓主啟發，我打算今晚就草擬一份關於鑽石山站的計劃書。
樓下區議員banner話星期六有諮詢會，即係諮詢期未完啦，即係我仍然可以提意見啦，
先前在forum天馬行空過，大抵我也不應該試都唔試就全盤接受港鐵的解釋。

讚!
建議書好詳盡呀! 我就未諗過可以寫到咁仔細!
如果多d 交通迷會仔細研究下d 問題就好了!

不過講返轉頭, 由黃竹坑加一個站去香港仔呢個咁常識o既建議, 香港鐵路無理由諗唔到, 點解唔做呢?

原帖由 leochill 於 2010-2-25 16:43 發表
讚!
建議書好詳盡呀! 我就未諗過可以寫到咁仔細!
如果多d 交通迷會仔細研究下d 問題就好了!

不過講返轉頭, 由黃竹坑加一個站去香港仔呢個咁常識o既建議, 香港鐵路無理由諗唔到, 點解唔做呢? ...

「Topless」......我意思係「無上蓋」......
純粹個人推測。
原有方案，香港仔站在山內，施工難度高開支大，如果沒有物業，
又沒有延伸鐵路增加效益的話，的確冇乜推動力去起。

[ 本帖最後由 DIH 於 2010-2-25 16:47 編輯 ]

原帖由 DIH 於 2010-2-25 16:42 發表
以我呢個外行來看，樓主的建議書，指明對象、措詞中肯、圖文並茂，
並提出多個可行方案及各家利弊，我實在非常敬佩。

這令我想起與我切身有關的沙中綫，受樓主啟發，我打算今晚就草擬一份關於鑽石山站的計劃書。
樓下 ...

樓主的建議書真係好詳細, 有多個方案給政府考慮, , 而且樓主的方案我都很認同, 不過睇完政府的回應真係令人心灰。
我都好想寫一份建議書關於鑽石山站, 我心中都有很多方案, 希望政府考慮, 不過因要考會考, 沒有時間, 不知到5月還會唔會有機會??

原帖由 DIH 於 2010-2-25 16:45 發表

「Topless」......我意思係「無上蓋」......
純粹個人推測。
原有方案，香港仔站在山內，施工難度高開支大，如果沒有物業，
又沒有延伸鐵路增加效益的話，的確冇乜推動力去起。 ...

我總係覺得，港鐵分開東西段來起，
就係想兩條線分開要地

要令到南港島線西段「財務上可行」，
最簡單做法就係送左華富邨一部份地皮俾港鐵，
去起華富站的上蓋物業

現時港鐵手上仲有唔少地，
等過多幾年樓賣得七七八八、想搵新地盤之時，
我諗起西段就有望了

以西港島線o既例子, 就算無地, 而有實際交通需要, 都可以由政府出錢補貼了事,
而南線西段如果可以由政府出錢只起兩站兩區間(假設黃竹坑 -- 香港仔 -- 華富),
整體利益係咪好過畀塊地香港鐵路, 然後要佢起多一大截客量唔太高o既路段呢?

剛剛回來睇睇篇文,竟然有三個評分,都好感謝大家既支持
其實南區鐵路拖延多年,差唔多身邊每一個人,都有同我講過"南區幾時有地鐵?"
交通擠塞,引致人口老化,地區發展緩慢,南區已經比交通問題玩謝
政府係時候去還我地呢一個公道

至於南港島線香港仔站既計劃,係有一次去補習塞車個半鐘有感而發的
小弟不是什麼高人,只是認為鐵路計劃是要經過長遠考慮,因此找了很多資料去做這份報告書,還加入了很多不同人的意見(其實內在有不少方案都不是小弟想的,集思廣益)
務求達到合情合理,看上去都叫人能夠接受,就是這樣而已