交通投訴組對綠小「有線無車」的回覆

我覺得運輸署應該跟營辦「有線無車」的營辦商作以下警告︰
1. 必須根據申請營辦時的要求/計劃書進行
2. 如有任何減班或取消需要，歡迎提出改線或取消要求，不應自行更改路線或取消路線
3. 如再犯，可能沒收所有路線的營辦權

而唔係運輸署查完話「呀..呢架線無車呀..咁就從資料庫取消啦」或者「根據觀察，本線60分鐘一班」就算...都要追究一下啦...

原帖由 lsc04d11 於 2010-8-31 11:47 發表
我覺得運輸署應該跟營辦「有線無車」的營辦商作以下警告︰
2. 如有任何減班或取消需要，歡迎提出改線或取消要求，不應自行更改路線或取消路線
3. 如再犯，可能沒收所有路線的營辦權
...

唔再講多一次上面一堆論點，咁加班呢？車從那裡來？

警告一直都有做喎。如果要咁樣行，不如將所有路線收歸兩三間營辦商做，實行類似巴士專營權制度，
咪可以做到中巴咁嘅效果同下場囉。

回歸原點 當年小巴(九座位)誕生緣於香港人對公共交通需求之殷切
事隔卅多年0既今日仍然存在呢個問題
除非政府諗到好辦法 唔係公共小巴0既生存空間其實需要不減反加

原帖由 KC3555 於 31-8-2010 02:40 PM 發表

唔再講多一次上面一堆論點，咁加班呢？車從那裡來？

呢D並唔係叫做加班...只不過要恢復你招標書所訂出的...根本一直都有車..

例如，你間公司有20車..
條路線開辦A線是有10車的話，

就算你之後少客到減成5車..
而另一B線因為好客由10車加到15車

你都應該是有車作回原有的車輛數目，只不過是你公司私自調部分車輛去多客的路線..

如果你真係覺得B線真係有需要用15車，就真係申請A線減班及B線加班，並唔係私自將車調去B線..而搞到A線冇資源做番原本應有既班次

原帖由 JN6854 於 2010-8-31 19:42 發表
回歸原點 當年小巴(九座位)誕生緣於香港人對公共交通需求之殷切
事隔卅多年0既今日仍然存在呢個問題
除非政府諗到好辦法 唔係公共小巴0既生存空間其實需要不減反加 ...

只要九巴參考新城的營運模式
- 點到點特快路綫 (e.g. 2X/8P)
- 慢性陰乾虧本綫 (e.g. 23B/46X)
- 長途綫做埋短途 (e.g. 77/99)
- 雙向八達通分段 (e.g. 6系列)

相信競爭力定當提高，從而平衡公交需求。

原帖由 lsc04d11 於 2010-8-31 20:04 發表


呢D並唔係叫做加班...只不過要恢復你招標書所訂出的...根本一直都有車..

例如，你間公司有20車..
條路線開辦A線是有10車的話，

就算你之後少客到減成5車..
而另一B線因為好客由10車加到15車

你都應該是有車作回原有 ...

我唔想又重覆前文的理據，而且你舉的例子根本都未表達到問題所在。
當係你A線18部車，B線得2部車，你郁B線就出現班次減少50%，
但唔郁又唔得，這個情況才能逼使你諗咁樣去申請取消一條線先，定係加左班先。
問題係，營辦商可以有這個值搏率去加強賺錢線的服務，增加自己收入後，
收購一個牌搵到一部小巴填返個窿。
現時有線無車的情況就係近乎這個現狀。呢個時候，就算同運輸署提出減班，運輸署多數都唔會批你，
另一邊廂供不應求又要被投訴才是問題關鍵。

如果問題發生在A線（運輸署提出開的輔助路線），取消還比較易話為，因為係運輸署要求原有營辦商營運。
比如新界406A，雖然少客，但都比主線406還好，同公司407要車就容易向406A開刀。
如果發生在M線或主線，取消就難得多，在Ｍ線而言對原有市民實在係有影響，主線卻是係營辦商自願認投。
正如油塘24M都係有線無車好耐先取消到。

又講多個實例，之前講過九龍44M小巴商想取消44M，將所有資源調哂去44A，事實上兩個組合現時加埋係蝕錢，
44A服務又俾人投訴，非繁忙時間一部44M都過去幫44A手，營辦商指出長此落去無能力營辦呢兩條線，
折衷辦法唯有取消44M，令營辦商可以收支情況改善。結果44M經區議會討論後，只同意縮減做一部車只走繁忙時間，
一部車全日做都可以做44M，差過私下減班的情況。正正反映左小型營辦商的經營環境同埋修改服務的痛苦。

原帖由 nwfb1601 於 2010-8-28 20:48 發表

講真，11 沿線0既替代服務實在太多。

田灣已經有同一目的地0既31，唔鍾意小巴0既，更加有
城記 77 去銅鑼灣；大口環就可以搭 10 號；華富有新記
42；半山更加有新記 ...

其實大家唔講，我住咁耐南區都唔知有條11，一路都係搭31來往…

11係咪兩味車？係銅鑼灣總站真係只見過10/31有車…
回程去田灣，會經邊落大口環？摩星嶺？

原帖由 fm1234 於 2010-9-1 19:42 發表
其實大家唔講，我住咁耐南區都唔知有條11，一路都係搭31來往…

11係咪兩味車？係銅鑼灣總站真係只見過10/31有車…
回程去田灣，會經邊落大口環？摩星嶺？ ...

正規路線...

田灣─華富─域多利道─大口環─薄扶林道─堅道─藝穗會─中區政府合署─金鐘─灣仔─銅鑼灣
(回程金鐘直上堅道)

60分鐘一班 撞得到就真係超好運(計準時間除外)

[ 本帖最後由 JN6854 於 2010-9-1 20:08 編輯 ]

原帖由 JN6854 於 2010-9-1 20:05 發表

正規路線...

田灣─華富─域多利道─大口環─薄扶林道─堅道─藝穗會─中區政府合署─金鐘─灣仔─銅鑼灣
(回程金鐘直上堅道)

60分鐘一班 撞得到就真係超好運(計準時間除外) ...

回程唔經大口環？

原帖由 fm1234 於 2010-9-1 20:17 發表
回程唔經大口環？

沙宣道番大口環(跟10)