引用:
原帖由 GL3789 於 2012-1-28 09:49 發表 
彩福開，如果要行彩霞道天橋落山，點樣可以經彩盈 ?
除非經盈安樓，否則係食唔到彩盈既客
咁行咪食到彩盈囉：
http://g.co/maps/633j5
當然，如果係由9號果堆線抽車做，就要行返新清水落山，無得咁行。
引用:
彩霞道天橋落，停啟業邨個站，係咪代表做番原本24既客，甚至更多 ?
(唔計13D呢d班次疏既線)該站有1A/2A/16出旺角，你認為你果條25憑甚麼會食埋啟業?
只係得彩福係比較獨市
你睇番彩賢樓、彩仁樓呢兩個分站，對於彩德邨都係唔方便
食唔食到d客，都係未知之數，更遑論話開到7-8分鐘一班
你話我個方案係「對彩福彩德太兜，吸引力係零」，咁係咪代表彩福彩德根本有其他選擇，係唔一定要開巴士線 ?
彩福開兜一兜啟業都係多10分鐘，但因為呢10分鐘令呢條線吸引力係零(無存在價值)，咁我會諗彩福彩德係咪有需要開巴士線
啟業、啟泰苑出發，你估啟業總站搭24比較快，定係行出去觀塘道等車叫多飛比較快？
果條25行彩霞道天橋出、停啟業的話，純粹係將成條24搬上山之後的補償，
因為而家24平過1A/2A/13D/16等線，有必要用呢種方式補償返。
到時居民唔使由總站慢慢等車/行出觀塘道之間選擇，
而係行出觀塘道已經可以有平車揀，一次過叫幾飛，仲好。
如果學你建議果種行法，落到淘大，本來好地地可以直出，變左要入九龍灣轉一圈
（仲有提提你，宏照道北行係唔可以直接右轉出啟東道的，要經宏光道落到宏天廣場，
經啟信道、啟成街、啟華街，宏光道，先可以轉返出啟東道，即係兜遠左好多），你估會唔會有人陪你遊車河？
仲未計九龍灣可以好塞。
彩福彩德而家係好唔方便，山上人口有成三萬人，無可能支持唔到一條10分鐘一班出旺角的巴士線。
但係你咁兜既話，行一大餐落山叫多飛仲快過遊車河，
即係同而家條兜完彩虹道、黃大仙先至出到去的9號仔特車無分別，
居民只會繼續行一大餐出去搭車。
請唔好漠視交通不便地區的需求。
