[請教]香港坐飞機去廣州

原帖由 syp 於 2013-5-16 16:15 發表
講「體驗」我覺得點都要有個半至兩個鐘先夠, 否則隨時全程只係坐喺個位度, 廁所都冇機會去。

同埋可以揀個後排啲嘅位 ~ 一來「視野」廣闊口啲 (不論窗內窗外), 二來上機落機時多啲機會行勻成架機, 如果坐廣體機, 可 ...

坐55分鐘都想死，在空中都唔知道會唔會有事出，好惊好惊

完全唔想去外國及遠一點地方，即使去北京都搭G79/80次動車、去廈門等廈深動車起好先去、去西藏坐T264啦。

廣州一天游，順便探下大伯父，冇其他事，可以試下搭飞機

[ 本帖最後由 hkcnbus 於 2013-5-16 16:31 編輯 ]

講到尾我有點驚, 樓主係咪瞞著家人自己去遊機河, 若旅程中有咩事, 邊個幫到你.
(看來真的是內地或者台灣會比較適合, 始終是講中文的地方)
去廣州都係搭番和諧號或者高鐵好了, 計番時間, 一般由市區搭車去機場要45分鐘至1小時, 登機手續, 安檢, 過關, 行去登機閘要1小時, 航程要1小時, 到步由花都返廣州市區又要45分鐘, 咁最少都要2小時45分至3小時才完成整個航程, 但你搭和諧號, 計你由紅磡坐東鐵去羅湖, 過埋關用1小時, 和諧號的車程是1小時20分鐘, 咁都係2小時30分鐘, 就可以完成整個行程, 而車費又只是搭飛機的十分之一, 就算你由紅磡坐直通車去廣州東都係2小時鬆少少, 所以搭飛機留番下一次啦(總有機會的)

其實最好的飛行體驗又真係1小時30分至大約3小時的航班, 一來呢個航程應該有一餐飛機餐(視乎時間給予的是早, 午, 晚定佐膳), 二來用機上椅背的AVOD, 應該可以睇到一套電影.
坐50分鐘, 真係可能只有一杯飲品加一包花生, 椅都未坐暖就要落機

[ 本帖最後由 gordon 於 2013-5-16 16:50 編輯 ]

咁又唔同講法, 各位, 佢係有目的去廣州探伯父, 同埋佢係貪近, 唔係貪平, 咁大家都係圍繞返佢嘅需求提建議啦 ~~ 唔駛同佢慳錢噃

http://www.hkitalk.net/HKiTalk2/thread-536242-1-17.html

其實樓主可以參考

提一提樓主, 去大陸既航班小心delay, 特別係夏天天氣吾穩定

空中會出事.......搭鐵路,搭直巴就唔會出事嗎?
以香港<>廣州,我覺得廣深高速公路比空中危險好好好好多.....
如果你真係驚,我就建議你唔好搭了,萬一架飛機飛左上天,你驚起上黎冇人救到你

[ 本帖最後由 barca_399 於 2013-5-16 18:38 編輯 ]

原帖由 hkcnbus 於 2013-5-16 16:29 發表

坐55分鐘都想死，在空中都唔知道會唔會有事出，好惊好惊

完全唔想去外國及遠一點地方，即使去北京都搭G79/80次動車、去廈門等廈深動車起好先去、去西藏坐T264啦。

廣州一天游，順便探下大伯父，冇其他事，可以試下搭飞機 ...

與其係咁, 點解唔索性坐返直通巴或者直通火車 ?
又想試又要驚, 反而我會諗起某著名 o既壇 o既一句金句 - 又要威又要帶頭盔

原帖由 barca_399 於 2013-5-16 18:32 發表
空中會出事.......搭鐵路,搭直巴就唔會出事嗎?
以香港廣州,我覺得廣深高速公路比空中危險好好好好多.....
如果你真係驚,我就建議你唔好搭了,萬一架飛機飛左上天,你驚起上黎冇人救到你 ...

一日咁多架飛機

飛上天, 偏偏就係搭中出事果班

咁真係認命囉

如果樓主真係驚得咁緊要既話, 我諗你最好唔出街
地球真的很危險

如果樓主未坐過飛機, 覺得驚都係人之常情, 唔知樓主平時有冇畏高, 又或者好怕啲離心力咁嘅呢?

都唔明佢咩心態,坐1hr機都要驚,但又要坐