電車公司啟德現代化電車建議

其實想再講, 似乎大家都好似被現時開源道情況局限左....

但如果政府真係有心搞起動東九龍, 將觀塘變身, 無論用單軌定電車,
其實都要諗下點樣改變觀塘交通情況

開源道本身位置太好, 直接由跑道尾直到觀塘站...我自己睇係, 將來開源道
一定唔可以好似依家咁多車, 甚至應該大幅限制車輛進入, 除左用單軌定電
車連接, 長遠開源道亦應該美化, 綠化及商業化, 以行人及單軌/電車為主, 為觀
塘連接啟德提供主要綠化大道, 配合2地方融合....

而車流可以考慮轉到敬業街, 及將敬業里加闊到行車, 將D車轉移....(那邊渠面
空間大好多)

直D講, 高架應該是最後選擇, 交通高架, 對成本, 人流, 景觀都唔係好事, 觀塘
D街本身都唔係闊, 再整多條橋係頂, 都幾影響, 而且高架橋墩都會影響地面...
我地唔應該只考慮加入新鐵路的情況, 而是要考慮改變整個東九龍交通....

只要開源道情況改變左, 諗新鐵路空間就會大得多

[ 本帖最後由 3ASV196 於 2013-6-7 08:25 編輯 ]

原帖由 LF5502 於 6/6/2013 19:35 發表
大家都講緊路面電車起觀塘唔可行

至少我無話過唔可行，唔好屈得就屈。

其實我比較Buy電車公司的構想, 但問題係個收費架構, 若果政府計劃的單軌系統起得成, 肯定係同港鐵收費同一架構(我估會好似西鐵線同輕鐵間的關係咁), 但如果係電車公司的方案, 兩個鐵路系統的收費架構就不同了, 除非兩者甚至全香港的交通系統都可以好似外國咁出日票, 周票及年票就不同.

同埋政府的方案去不到土瓜灣, 但電車公司果個可以去到馬頭圍站, 雖然係20年後的事.

原帖由 3ASV196 於 2013-6-7 08:08 發表
其實想再講, 似乎大家都好似被現時開源道情況局限左....

但如果政府真係有心搞起動東九龍, 將觀塘變身, 無論用單軌定電車,
其實都要諗下點樣改變觀塘交通情況

開源道本身位置太好, 直接由跑道尾直到觀塘站...我自 ...

開源道兩邊已一早發展好晒，而且亦係進入巧明街、興業街主要方法，無乜可能再攪到開源道

原帖由 3ASV196 於 2013/6/7 08:08 發表
而車流可以考慮轉到敬業街, 及將敬業里加闊到行車, 將D車轉移....(那邊渠面
空間大好多)

將車路繞道敬業里, 倒不如將鐵路繞道會唔會來得方便呢 (但可能要架空), 馬路始終都有好多路口或大廈出入口要照顧, 但鐵路就只係一條, 佢好似又唔係想話必須在開源道中段設站, 由郵輪碼頭去, 兜個圈仔去觀塘港鐵站同直達, 時間上又唔似會相差太遠。

(當然, 咁兜法能不能把鐵路車站靠近觀塘港鐵站係一個問題。)

原帖由 rickywk 於 2013-6-7 10:13 發表

開源道兩邊已一早發展好晒，而且亦係進入巧明街、興業街主要方法，無乜可能再攪到開源道

同意樓上 3ASV196 朋友既睇法

另回呢位朋友, 觀塘區內交通同路網係有需要整頓, 如果整頓開源道附近甚至觀塘站迴旋處附近
交通流向係有助解決塞車, 同時可以將電車 / 單軌深入觀塘站作轉乘, 何樂而不為?

仲有一點, 有朋友提到單軌雙程亦有得諗, 皆因電車公司提議用既路面電車亦可以雙向駕駛,
真係有需要喺總站一段用到單軌雙程, 問題亦不大, 只係往觀塘站既列車班次會有所限制

另至於路面電車可否在冇護欄底下行駛, 呢個同行人安全意識有關... 雖知大西北既輕鐵當年設計
都係唔打算在沿綫欄桿, 只係因為輕鐵太高速之故; 但路面電車如果只係用 20kph 左右行, 只要
路面指示及警告字眼清晰, 問題亦不大

[ 本帖最後由 拾顓豭 於 2013-6-7 14:13 編輯 ]

原帖由 拾顓豭 於 2013-6-7 14:06 發表


同意樓上 3ASV196 朋友既睇法

另回呢位朋友, 觀塘區內交通同路網係有需要整頓, 如果整頓開源道附近甚至觀塘站迴旋處附近
交通流向係有助解決塞車, 同時可以將電車 / 單軌深入觀塘站作轉乘, 何樂而不為?

仲有一點 ...

除非電車可以載貨，否則一定會出大問題...

而家觀塘唔係巴士多，係貨車上落貨阻塞路面問題嚴重，咁樣加路面電車落去，真係一鑊熟...

觀塘總站設在消防局旁一段開源道第三線, 列車長度避免頂住鱷魚恤中心車輛出入口, 南行用開源道最右線行,
而北行則用敬業街(快線)和成業街進入, 班次可以提供到3分鐘一班, 兼且直接駁到觀塘站B3出口, 行人往返市中心
亦相當方便.

路面不設高架設施, 開源道, 敬業街, 成業街路面在沒有列車行駛時可供其他車輛使用, 最重要係開源道近消防局
的行車線長期荒廢(自從改為南行後極少車輛使用), 以此作為列車總站有效善用路面.

至於觀塘碼頭至啟德一段, 如果可以用番以前汽車渡海小輪概念改頭換面, 於觀塘和啟德兩地設置電車渡輪碼頭,
列車沿路軌駛上渡輪, 固定後改由渡輪航行, 泊岸後隨即讓列車繼續行駛, 新舊概念同時融合, 無需興建跨海橋,
減低建造成本, 而渡海鐵路則同時成為市民通勤和遊客觀光的賣點.

作為觀塘市民, 實在唔希望再出現建設在高架天橋上的交通工具, 大廈已經越起越高, 行車天橋和地鐵橋阻擋
觀塘道景觀已經三十多年, 橋下的行人想望望個天都有難度, 開源道現時上下班時間人潮有如萬馬奔騰,
起動九龍東其中一項係改善駿業街遊樂場設施, 令行人可以無需繞路, 直接穿過遊樂場往返商貿區和市中心,
希望此工程有的有效改善步行的便捷程度, 盡量減少行人使用開源道, 避免再起行人天橋/鐵路系統在其之上.

原帖由 rickywk 於 2013-6-7 20:35 發表

除非電車可以載貨，否則一定會出大問題...

而家觀塘唔係巴士多，係貨車上落貨阻塞路面問題嚴重，咁樣加路面電車落去，真係一鑊熟...

到時上落貨應該只會在內街, 或者大廈內的停車場進行, 現時敬業街幾座甲級商廈俾到我睇,
相較近成業街未重建的工廈, 上落貨情況已大大減少, 而觀塘商貿區將來要面對唔係上落貨問題,
而係車輛胡亂上落客問題.

原帖由 syp 於 2013-6-7 11:14 發表


將車路繞道敬業里, 倒不如將鐵路繞道會唔會來得方便呢 (但可能要架空), 馬路始終都有好多路口或大廈出入口要照顧, 但鐵路就只係一條, 佢好似又唔係想話必須在開源道中段設站, 由郵輪碼頭去, 兜個圈仔去觀塘港鐵站 ...

對的, 敬業里近觀塘道一端有行人天橋直駁翠屏道, 在不影響行人天橋的情況下, 敬業里擴闊亦只容納到電單車行走.