電車公司啟德現代化電車建議

原帖由 053h4 於 2013-6-10 11:55 發表


頭痛醫頭腳痛醫腳, 整個"景點"又無配套, 有錢都亂咁用, 真係晒氣

唔好介意, 其實唔只一次同你討論, 但唔少情況都係咁, 你將個話題
講到無限遠, 樣樣都鬧一輪, 但我卻見唔到任何有效建議, 除左鬧依
家唔掂, 我都唔明你想講咩

不如返返主題, 其實依家正正就係討論緊將來點配套, 由更有效的
交通配套(電車/單軌), 改變行人環境連接, 同改變周邊用途去融合...
如果唔做呢d就真係無配套了...

但你又話唔認為需要洗咁多錢起呢條單軌, 又話轉用途假大空,
旅遊你又話唔ok, 本土銷(消)費又話無人有本事, 咁敢問一句,
其實你想點樣呢? 好d咁講, 講真, 你認為應該點做先叫好?

啟德又再重新規劃? 起左ga la wor...碼頭都好快用ga la wor
基本上最緊要做到啟德與周邊有連接, 有交流, 而講返正題,
正是需要有效, 環保, 地標式的交通網絡...

[ 本帖最後由 3ASV196 於 2013-6-11 08:07 編輯 ]

原帖由 3ASV196 於 2013-6-10 23:02 發表


唔好介意, 其實唔只一次同你討論, 但唔少情況都係咁, 你將個話題
講到無限遠, 樣樣都鬧一輪, 但我卻見唔到任何有效建議, 除左鬧依
家唔掂, 我都唔明你想講咩

不如返返主題, 其實依家正正就係討論將來緊點配套, 由 ...

(今次)我都費事理佢

觀塘工業區轉型, 早在1990年代初工業大量北移後, 政府認為觀塘需要轉型, 配合香港未來發展,
先會出現工轉商的環境變遷, 最先係創紀之城的發展商新鴻基地產, 早於20年前已經開展工業區轉型項目,
當年巴士廠(即現今創紀之城1期)地盤圍板已經明言.

直至近年曾特首年代正式宣佈「起動九龍東」, 其實只係個名來, 生活在觀塘的市民一直知道觀塘將會發生咩事,
而啟德呢塊屬於九龍城區o既地本來連同觀塘重建一齊搞, 但係維港唔能夠再填海, 啟德計劃要從頭做起,
然後要配合環保搞什麼單軌出來, 用來方便往返兩區的市民, 如果當初填海計劃落實, 觀塘和紅磡之間係一條直線,
市民可以步行/踩單車往返, 慳錢慳時間, 填海得來的地皮可以用來起多d香港本身冇o既設施, 或者用來解決住屋問題,
起到天水圍咁密都仲得, 就算唔填晒成個九龍灣(海), 冇可能連d岩岩巉巉角位都唔填得o卦, 呢d野係咩人爭取返來?
(當年反對填海的理由係要保留啟德機場跑道鳥瞰外形這個香港人的集體回憶) 若果當年真的有填海, 新填地上的
人口一定支持到重鐵, 什麼單軌/電車根本無需要起!

至於話工業區變身商貿區, 起咁多寫字樓需求有冇咁大, 打開財經版, 或者發展商廈的地產商年報, 看看出租率,
租金升幅有冇放緩, 環球經濟展望如何, 環球金融業如何看待香港, 香港和鄰近不同地區發展金融業之優劣等等,
再經自己分析, 答案唔難知道!

香港物流海.陸.空三方面都有發展, 海有葵青貨櫃碼頭, 陸有深圳灣.落馬洲.文錦渡.沙頭角等關卡, 空有赤鱲角機場,
如果連不同區域的貨物裝卸區都計算在內, 觀塘似乎已沒有物流的優勢, 就算俾你有貨放在觀塘, 都要搵車運去口岸,
運送時間和成本毫不吸引, 觀塘卸貨區亦已完全關閉, 冇物流優勢, 除非那些貨是垃圾, 運往將軍澳新界東南堆填區
就會比放在其他地區優勝.

原帖由 EX-TL 於 2013/6/11 01:20 發表
如果當初填海計劃落實, 觀塘和紅磡之間係一條直線, 市民可以步行/踩單車往返, 慳錢慳時間, 填海得來的地皮可以用來起多d香港本身冇o既設施, 或者用來解決住屋問題, 起到天水圍咁密都仲得, 就算唔填晒成個九龍灣(海), 冇可能連d岩岩巉巉角位都唔填得o卦, 呢d野係咩人爭取返來? (當年反對填海的理由係要保留啟德機場跑道鳥瞰外形這個香港人的集體回憶) 若果當年真的有填海, 新填地上的人口一定支持到重鐵, 什麼單軌/電車根本無需要起!

「呢d野係咩人爭取返來」? 呢啲咪係香港人爭取返來囉, 就係香港人覺得要保護維港, 就係香港人覺得今時今日啲發展唔可以咁密, 就係香港人唔想處處發展到天水圍咁, 就係香港人唔想再有第二個第三個悲情城市, OK? 時代要進步, 正如久不久有人仲話要學八十年代用 3+2 位去打爆一架 12 米巴士, 又或以前一個包租婆陶三姑將一千幾百呎分租十伙八伙大家都覺得冇嘢, 而家劏房就係罪犯滔天, 時代洪流係咪可以視而不見?

要「起到天水圍咁密」而家都得o架, 而家啟德發展區啲密度仲係好低, 啲樓都好矮, 成個啟德發展區通通起到啟晴德郎邨咁高咁密, 乜嘢公園運動場變晒起樓, 包你人口夠起所謂重鐵, 歡迎去城規會入紙申請改大綱圖啊。

同埋乜重鐵和單軌/電車的選擇係決定於人口多少咩, 乜二者可以互相代替嘅咩, 重鐵可以學單軌/電車咁穿街過巷咩? 「天水圍咁密」又唔見佢兜條重鐵去穿街過巷而要起輕鐵? 就算「觀塘和紅磡之間係一條直線」規劃成事, 大不了起多一條重鐵由紅磡連去觀塘又或者連去沙中線, 中間在啟德整三幾個站, 可唔可以起到好似單軌/電車咁兜勻成個啟德, 9 公里 12 個站咁嘅密度?

單軌/電車建議唔係用來代替不夠環保的路面交通的嗎? 另外單軌建議唔係有地標特色用途的嗎? 120 億 9 公里一啲都唔平個噃。「若果當年真的有填海, 新填地上的人口一定支持到重鐵」聽落好似話為咗要起重鐵, 所以要塞啲人口入去, 呢個係咪本末倒置?

[ 本帖最後由 syp 於 2013-6-11 15:11 編輯 ]

唔駛咁激動, 我就係話港人咋嘛, 而我打咁長篇大論,  唔係想帶出你所講的事情,

至於話起到好似天水圍咁密, 人口支持到起重鐵云云, 都只係假設性,

我唔知原先計劃填晒成個九龍灣(海)之後會起乜野設施? 只怕當年真係填晒海發展緊,

出現住屋緊張問題時, 港人又再爭取啟德呢塊市區靚地唔應該做特別用途,

應該先照顧港人住屋問題去起樓, 增加房屋供應遮! 況且係回緊上面053h4兄

關於好多已經落實做緊嘅事情, 同本主題可以話完全無關, 再引申到好多歷史因素造成而家景況,

反被你咁樣回覆話我, 真係無言!

原帖由 053h4 於 2013-6-11 16:48 發表


其實, 台場都有重鐵同埼京線直通運轉
我觀察過, 根本人流重過過條單軌

如果該地區規劃工作人口, 旅客及常住人口夠, 可能重鐵更合適

講得核突啲, 而家啟德發展區個地形真係同男性性器官冇分別, 仲要唔係粗果隻,
響咁窄嘅地形上, 除左屏風樓仲有咩建設可以有穩定而又足夠嘅人口支持重鐵呢?

而家睇康城站, 日出康城在密度上一定比在啟德跑道上高, 但康城站將來效益如何呢?!
小弟睇唔透.

原帖由 EX-TL 於 2013/6/11 17:37 發表
講得核突啲, 而家啟德發展區個地形真係同男性性器官冇分別, 仲要唔係粗果隻,
響咁窄嘅地形上, 除左屏風樓仲有咩建設可以有穩定而又足夠嘅人口支持重鐵呢?

而家睇康城站, 日出康城在密度上一定比在啟德跑道上高, 但 ...

跑道區的「男性性器官」地帶並不是主要用來住人的, 郵輪碼頭/直升機場/大小公園/飛躍啟德/酒店 ... 都係唔會有「長住人口」, 但冇「穩定而又足夠嘅人口」又唔必然代表起唔到重鐵, 迪士尼和機場夠冇「穩定而又足夠嘅人口」啦, 商業中心區一樣冇, 咪又係有重鐵?

另外如果我之前誤會你的意思我說聲抱歉, 我回文除看背後意思也看字面意思, 字面意思上有我認為要回應的我也會回, 不過 053h4 的文章我也捉不到重點, 所以也根本沒法回應, 因而混淆了大家的意思也不足為奇, 只能再說聲抱歉。

原帖由 syp 於 2013-6-11 18:22 發表
跑道區的「男性性器官」地帶並不是主要用來住人的, 郵輪碼頭/直升機場/大小公園/飛躍啟德/酒店 ... 都係唔會有「長住人口」, 但冇「穩定而又足夠嘅人口」又唔必然代表起唔到重鐵, 迪士尼和機場夠冇「穩定而又足夠 ...

冇錯丫, 迪士尼.機場.中環有重鐵並非以住宅人口計算, 但呢三個地方每日可以有數以萬計人次往返, 足夠俾重鐵佢,
中環自從有香港站, 中環站仲多左一種角色, 迪士尼線只會在樂園開放期間前後運作, 至於機鐵以服務旅客為主.

啟德咁「幼」o既土地, 用途真係好有限, 大家可以諗下屏風樓之外, 有咩建設可以每日有過萬穩定客源, 足夠支持起重鐵?