首部空調雙層巴士的迷思 : 九巴AL1 vs 城巴102

有不少人都會認為1988年出牌的九巴AL1是首部空調雙層巴士，
但事實上AL1只是首部由主引擎推動並取得成功的雙層巴士！
1980年出牌的N364才是真正首部空調雙層巴士，只是後來因試驗
失敗而改回非空調巴士而已！

其實1985年出牌的城巴102，由獨立引擎推動空調，
那麽102也算是"首部xyz空調雙層巴士"嗎？
102在90年代初退出載客行列前，更曾經行走對巴士損耗較大的過境路線直至1989年，102有至少7年之載客的時光, 理論上應該算得上成功吧！？
有冇板友可以分享當年城巴102之空調和行車性能等表現呢？

真是想了解為何比AL1早3年面世的城巴102會一直被忽略為
"首部乜乜乜空調雙層巴士"這個名銜。。。

先謝各板友解答和討論！

[ 本帖最後由 volvo_chan 於 2014-4-20 22:02 編輯 ]

因當時獨立引擎驅動空調系統尚未成熟,耗油量較高
直至AL1試驗成功才開始萌芽

[ 本帖最後由 4eyesryo 於 2014-4-20 23:10 編輯 ]

1.只計成功例子，而且佢係呢種技術第一個成功例子
2.人地公司公關技巧姐，何必認真

因為後來空調巴士ge設計由佢演變出嚟,所以佢咪第一囉~
如果係跟102 ge話咪102第一囉
(講錯唔好打我XD)

其實睇下業界有無訂立標準或者有人出聲 (雖然都無必要)，否則都有幾多意想不到既定義出黎



香港而家個 d 巴士當然算冷氣/空調 (air-cond)，不過我諗唔係度度都有標準講定咩叫"冷氣巴士"
蘇格蘭 Glasgow 個批幾乎同新巴 550x 一樣既 E500 車尾大大舊空調機組當然都係叫冷氣車
當地之前有批 12 米雙層 B7LT 裝冷風機，車尾雪白一片完全無蒸發器之類既機器，新車時亦以"空調"字眼形容
近少少講下 London 近年既新巴士包括 Borismaster 都係叫自己做"空調巴士" (若以英國氣候黎講都講得過去既)
以前九巴部分雞 (唔知鴨有無) 同埋聽聞中巴 AL 都裝過"駕駛室空調設備"，以前重諗左好耐到底部冷氣原本可以擺邊度
而家諗諗下應該都係抽風系統之類既物體，分分鐘同 80 年代尾兩巴 11 12 米車個 d 抽風機差唔多
(雖然呢個例子同樓主既有少少出入，就算香港要為冷氣巴士落定義，九巴一樣可以針著個"接近現代冷馬規格"之類繼續洗腦)



印象中細個睇報紙見過城巴用過"客車"字眼宣傳 A 線，不過如果跟現時英國標準，城巴派 80xx 行 A 線唔算客車，就算 200x 返生行都唔算係，只係普通巴士
但龍運個 d 派去行 A 線會俾人話降級服務既 1xx (車速鎖 100kph 以下、全車有安全帶) 反而就可以符合"客車"既定義



低地台巴士，以前有一段時間大家會叫雞鴨個類做高地台，Olympian 之類為低地台，蠆之類為超低地台，某程度上係受英國影響
以往個年代英國巴士雜誌報導 Atlantean、Fleetline 之類車 (不過不限於英國牌子) 的確用到類似字眼黎形容無梯級或者只需上落一級既車，而且 70 年代的確有一個"低地台"標準，
當年英國政府為求管理好資助各地區經營者買車既細節，同埋等車身制造商可以照著同一標準黎整 d 可以適用於唔同型號既車身
於是將市場上既巴士型號分門別類，分清楚邊隻型號屬於 標準高度 / 矮身雙層、高 / 低地台 (上落車都有一級) 單層之中既邊一類
結果 70年代尾開始個 d 德國全低地台巴士係英國既語境裡面往往會以 "超/特低地台" 字眼黎分清楚，輾轉到 90年代呢個 term 又俾 Dennis 炒返起玩左一段時間
去到今時今日，上 Volvo/Scania 官網人地介紹 B_RLE / K系人地都會講清楚 low-entry，反而 ADL 由 E400/E500 到車尾上一級既 E300
到上兩級既 E200 同埋幫 Scania 砌既 E300 K 系，全部都叫 low floor，Optare 官網介紹自己 d 車都係咁
事實上跟業界標準又唔可以話佢錯，始終係出入口之間通道無任何梯級，又容許輪椅上落，不過多少反映出英國咬文嚼字既性格咁解



有時公關手段就係有意無意想引人諗去某一邊，而家九巴應該都成功洗到唔少人腦，字眼上的確引到人覺得係九巴成功引入先
講冷馬其實唔計過境城巴，相信住南區唔係成日過海既人當年相信會覺得城巴 R 線或者中巴 5xx 線更早有普及既冷氣化服務，爭在好地地無人會出聲姐
比較似既例子應該重有電動巴士，分分鐘呢個板會有唔少師兄以為電動巴士係 BYD 或者某 d 強國車廠近年發明出黎，或者以為以前未曾有過試驗成功可以派去恆常運作既電動巴士
其實差唔多 40 年前 Seddon 已試驗過兩種電池巴士，其中一款平均續航力高達 12小時/64 公里，重創出過叉電後連續行駛 147 公里既世界紀錄
不過似乎個堆廠 (甚至傳媒都被利用左) 近年既宣傳同新聞稿，感覺上想暗示俾一般人聽電動巴士係佢地第一個成功咁濟
(雖然睇真 d 例如 BYD 官網其實只係夾硬話自己係首間又整電動巴士又整電動車既車廠咁上下，唔夠膽係個 d 位亂吹)


[ 本帖最後由 HW8373 於 2014-4-20 21:14 編輯 ]

其實計實既話
早於AL1既年代已經有唔少雙層COACH有冷氣供應
冇記錯都係由主引擎帶動
廣義黎計AL1點都唔叫第一部雙層冷馬