巴士八達通收費器技術問題

有關於巴士八達通收費器問題想請教各位朋友

一、九巴新收費器
a) 對比起舊機, 新機好似冇設有 "SHIFT/轉換" 掣, 如果選擇路綫有英文字, 例如 C48X, 點樣撳出嚟?
b) 聽聞轉咗新機, 車長行完每單到總站後, 係咪只需要按 "終點" 就可轉方向? 只限第一次著車, 先需要選擇正確方向再確認?
c) 新機嘅 "功能表" 有咩功用?
d) 如果車長按錯分段, 例如全程 $12.3, 次段 $4.1, 唔小心提早咗按 $4.1, 可否撳多一次 "上 / 下" 返轉頭?
e) 新機其實有冇 GPS 功能?
f) 本身新版收費器有冇話大概內置有幾大 memory?

二、第一代收費器
a) 大約係幾時開始將 "現在時間" 字體加大?
b) 適用於城/新: 曾經有段時間係做八達通付款直接九折優惠, 當時八達通機顯示價錢做唔做到同電子價錢牌不一樣?
c) 加四粒掣之後, 例如乘客使用即日來回, 係咪有設定 6 秒內完成交易, 否則會自動 reset 返正常價錢?
d) 同一張八達通 5 分鐘唔可返拍大家都知, 但如果喺設有雙向分段路綫上使用, 係咪冇 5 分鐘限制, 改咗同一程同一張八達通直接 rebate?
e) 第一代收費器有冇話大概內置有幾大 memory?

三、轉乘編程問題
a) 簡單講, 係咪以每一組別去寫? 例如西隧綫往港島 $5 優惠為之一組, IF(首程為西隧綫),THEN(次程為不同西隧綫), 之後提供 $5 優惠?
b) 一般 load 新轉乘優惠落機, 係咪主要靠車廠內 "輸出" 資料來做?
c) 跨公司轉乘個程式點樣去寫? 係咪編程會同時做埋拆帳 mark 數功能?
d) 大約幾時開始提供負值仍可作 "零蚊轉乘" 俾乘客?

[ 本帖最後由 拾顓豭 於 2014-7-2 21:33 編輯 ]

呢D問題我諗只有公司入面既programmer 同搞開八達通既師傅先答到你

原帖由 拾顓豭 於 2/7/2014 21:25 發表
有關於巴士八達通收費器問題想請教各位朋友

一、九巴新收費器
a) 對比起舊機, 新機好似冇設有 "SHIFT/轉換" 掣, 如果選擇路綫有英文字, 例如 C48X, 點樣撳出嚟?
b) 聽聞轉咗新機, 車長行完每單到總站後, 係咪只需要按 "終點" 就可轉方向? 只限第一次著車, 先需要選擇正確方向再確認?
c) 新機嘅 "功能表" 有咩功用?
d) 如果車長按錯分段, 例如全程 $12.3, 次段 $4.1, 唔小心提早咗按 $4.1, 可否撳多一次 "上 / 下" 返轉頭?
e) 新機其實有冇 GPS 功能?
f) 本身新版收費器有冇話大概內置有幾大 memory?

a) 一，側邊有三個箭咀，分別指住 C、E、N，方便車長撳前綴；二，可以多次按同一個數字去撳英文字出嚟，例如撳一次「1」掣會出「1」，撳兩次「1」掣會出「A」，如此類推。
b) 新機同舊機一樣，九巴都係會叫你行完一單，撳「起點 / 終點」「輸入」，循環線到循環點就撳「方向」，不過都係有唔少車長有理無理都係只撳「方向」就算。
c) 功能表可以去 set 返主機同拍卡機既聲量呀諸如此類既野…
d) 撳多左一下「上」掣去左下一個分段，可以撳返「下」掣去返之前一個分段。

[ 本帖最後由 5504-NK3640 於 2014-7-3 00:51 編輯 ]

新八達通機可以比司機暫時熄機 , 好似城隧呢 D 咁就可以避免乘客唔小心拍卡

另外轉乘其實係睇 bit 既姐 , 唔係睇線 , 只要 2 個 bit 咁就可以比轉 , 當然可以一組解決
所以城巴 10 仔就算無 $3.4 分段 , 都可以限死邊到轉車 , 就係靠個 bit 解決 (當然 , 10 仔個司機一程都要禁好多次八達通 ...)
西隧轉乘都係一堆過 , 不過九巴既話應該煩到九彩 , 因為 373A 960 961 968 自己又有轉乘 , 寫轉乘又要花一大輪功夫

原帖由 樂仔〞 於 2014-7-3 10:49 發表
新八達通機可以比司機暫時熄機 , 好似城隧呢 D 咁就可以避免乘客唔小心拍卡

另外轉乘其實係睇 bit 既姐 , 唔係睇線 , 只要 2 個 bit 咁就可以比轉 , 當然可以一組解決
所以城巴 10 仔就算無 $3.4 分段 , 都可以限死 ...

轉乘其實唔係想像中咁簡單，佢都要讀返張咭十次交易記錄入面碌返有無搭過邊程車。
跨公司轉乘，交易記錄入面有公司同路線號，已經足夠部機辨別跨公司路線決定是否提供轉乘。