問九巴珍寶服役年期

請問九巴的珍寶其實係咪通常14年就退,唔夠一半行到17年?
九巴邊年開始大規摸退珍寶?
記得80年代尾,荔廠不少路線以11米代珍寶,咁珍寶係調入沙廠做開荒牛定賣左上大陸?
K廠最後用珍寶係5K定13D? 而該兩線珍寶幾時由鴨取代?

According to Mr Mike Davis的天書, 87年有多過十架sold to China或肢解, 嗰批最短命, 得12至13車齡; 而大部份都係89至90期間退, 16年都唔夠, 但根据天書, 截至94年, 仍有約110架, 當中更有75年登記嘅

[ 本帖最後由 夕陽巴士 於 2014-8-4 11:54 編輯 ]

其實可能係因為九巴對佢地攀斜的性能不感滿意, 以致有很多路線不能行走, 可能呢個都係早死的原因.

在80年代:
北區: 半駕駛艙巴士換入雞車
大埔: 半駕駛艙巴士換入雞車
屯門: 70年代用珍寶, 雞車出牌就換雞車, 11米出牌就換11米
元朗: 70年代用珍寶, 雞車出牌就換雞車, 平治出牌就換平治, 剩下的雞車都換埋11米
荃灣葵涌: 本土線或30, 30X, 33A, 35A呢類當年的頹線就用珍寶
沙田: 珍寶在80年代當作後備車, 除了行87B.
九龍灣/觀塘廠市區線: 珍寶在80年代只行走1K, 2K, 11B, 13, 13B, 13C, 13D, 14, 14X, 15X, 23, 24K, 另外11D, 15直至90年代仍有長牛行走, 11D在90年代換珍寶掛牌
荔枝角廠市區線: 珍寶在80年代只行走2E, 5A, 8A, 12, 12A

其可用路線可謂少之又少, 主要都是作為後備車, 而1994年剩下的110部, 行走的路線都不算太多, 計有2E, 5A, 11D, 12, 12A, 13D, 33A, 35A, 87B......而當中13D, 33A都已經不是全線珍寶, 當中有雞鴨掛牌......
加上九巴珍寶沒有風油軑, 其軑重的情況比半駕駛艙車輛嚴重(有睇過巴士年鑑2014的會知道, 長牛堂軑要承受的重量是前軸, 引擎, 司機本身及上層車頭四名乘客, 而沒有風油軑的珍寶承受的重量, 是司機本身, 下層企在車頭的乘客(可以是10-20位), 上層車頭4名乘客, 再加上前軸, 若下層前軸周圍企滿乘客, 乘客的重量就由前軸承受, 所以珍寶比長牛的軑更重)

[ 本帖最後由 gordon 於 2014-8-4 14:09 編輯 ]

珍寶上斜唔掂，要成日轉彎又多客的線又唔掂。路窄多灣又唔夠靈活。例如36，長牛退後，用左珍寶唔夠半年就要用雞。入國瑞路，梨木樹總站咁攞呔，真花氣力。難怪在80年代後期行客少的線，而且多數直路少急彎，應該要減輕車長的攞呔的困難。
31及35A好在少客，否則入北葵涌街市攞呔吃力。
35A以BM牌圖頂寶為主，1993年才轉雞。其實用到17年。
同樣係斜路，珍寶上得秀茂坪但唔上得藍田？唔通因為將軍澳道長命斜？
34在1992年暑假由早期CA牌雞車代，或反映有平頂寶行14年就退。
沙田廠方面，除左87B及86A,珍寶係馬鞍山就開荒牛。當86A轉雞，攪到87B成為當時派車最差的線。

當年66用珍寶行屯公，是否慢過雞車？

原帖由 HR9710+KU1391 於 2014-8-4 19:29 發表
珍寶上斜唔掂，要成日轉彎又多客的線又唔掂。路窄多灣又唔夠靈活。例如36，長牛退後，用左珍寶唔夠半年就要用雞。入國瑞路，梨木樹總站咁攞呔，真花氣力。難怪在80年代後期行客少的線，而且多數直路少急彎，應該要減輕車長的攞呔的 ...

愚問
成日聽人講珍寶上斜唔掂
但點解對面岸可以用佢黎上山頂呢?

原帖由 dennisung 於 2014-8-5 06:47 發表


愚問
成日聽人講珍寶上斜唔掂
但點解對面岸可以用佢黎上山頂呢?

請問山頂道,司徒拔道斜度?

[ 本帖最後由 DW8306 於 2014-8-5 07:30 編輯 ]

原帖由 DW8306 於 2014-8-5 07:27 發表

請問山頂道,司徒拔道斜度?

以前中巴珍寶經常行柴灣道長命斜，其斜度比司徒拔道更斜，沒有什麼大問題。
最大問題：九巴珍寶不設風油軚。

愚問﹐那個年代是否已經有 18 年使用期限的行政措施?

如果當年未有﹐這個行政措施又在那一年加入?

七十年代之前，中巴係一款Guy Arab走天涯，到七十年代隧道線、海傍大道快線大受乘客歡迎，而Guy車廠早已封笠，要買英製高載巴士，就只有Fleetline同Atlantean，而當中又只有珍寶可以用可靠嘅吉拿引擎。

101、102開線後，由總站開出幾個站就爆滿，要不斷加車同安排中途特別車，好比無底深潭，奈何正值英國工潮不斷，只好引入二手巴士應急，但本土設計水肚不服，呢個問題大家都知。

此時中巴率先引入珍寶，既係創舉亦係無奈。早期珍寶絕對唔可靠，經常水滾裂大陣，但有一個無可取代嘅優點就係載客量超高，呢個優點對於無34呎長雙層巴士嘅中巴尤其明顯，因為對比珍寶對落一級嘅30呎長PD3同Arab V，珍寶載客量多三成，就算十班車壞一班，總容量都仲係高D。

到七十年代尾八十年代初MB、ML、LV投入隧道線，珍寶只好退居本土，而港島本土線多數要爬山，所以中巴根本無得選擇，除非將批車提早退役，否則點都要整到佢識爬山。搞吓搞吓累積十年八年維修經驗，先叫做整到批車有高度可靠性。

八十年代決定起地鐵港島線，因為同中巴主幹線平衡，連運輸署都睇淡中巴同電車前景，除一度考慮拆除電車，亦叫中巴唔好再買新車，唔夠車用的話搵批舊車翻新頂到地鐵通車睇吓點先啦，所以中巴先將批PD翻新，將餘下嘅LX換殼，同埋買大量二手DMS。

好多人話中巴八十年代保守，其實講到尾都係政府政策問題，老實講中巴當年有15%利潤保證，買一億新車政府就保證一年賺千五萬，賺唔夠保證可以加價，如果唔係政府打壓，一定係買新車先大賺，駛咩花咁多無謂錢翻新舊車又只係行幾年(你咪睇LX好長命，好多換殻後只係行多幾年)。

當年中巴又試DD又試BR，其實都係想搵一種可以取代珍寶嘅巴士。我知歷史無如果，但如果無政府打壓，中巴好可能會繼續每年買50至100架新車，根本珍寶好快就無生存空間。