九巴86A和87B改路消息

原帖由 mckhgc 於 2014-8-13 20:50 發表
此言差矣，首先根本唔應該話係「補償」。如果對新田圍城仲有返少少少少少少公平既，根本47X第一日開線就應該咁行。多年以來，沙田每個公屋屋村也有城隧線，有D仲唔止一條，唯獨新田圍城完全冇，老九完全無視，將來青沙又係咁。青沙線甚至更偏僻既水泉澳、穗禾苑都有。

原來美田邨/美城苑/美松苑有全日城隧線?
原來穗禾苑有全日城隧線?

仲有新田圍行去秦石搭車係咪好辛苦?

原帖由 mckhgc 於 2014-8-13 20:50 發表
離題一講，今天在新田圍城，睇到287X傳單，真係睇見都眼火爆兼拆蝦炒蟹，287X關新田圍城乜事？唔好似D大帝咁巴閉要你兜入黎了，連BBI都冇(傳單冇提、現時網上亦找不到相關資料)，反而因為呢條線，間接要87B兜上兜上去「補償」D行兩多步都唔得既大帝，呢D就要新田圍城人去啃。

o係度宣傳287X，贈慶嗎？

你睇唔到287X單張上面有87B轉乘資料?
87B邊度開?
睇完至鬧, 唔係就貽笑大方

而家係咪要全沙田區每一個角落都要有青沙線都要有城隧線?
大埔上水好多地方都無青沙線無城隧線
咁佢地係咪都要嘈埋一份投訴埋一份?

獅隧公路又有74A/80M/85A/86/89
下面秦石又47X又80X又85B
新田圍本身又有81K/82K/87B/282
交通仲唔夠方便?
好多地方恨都恨唔到有咁多路線選擇
不如搵晒D路線上晒新田圍兜個圈再出番去啦好無?

快D返去做暑期作業啦

[ 本帖最後由 kmb71k 於 2014-8-14 12:22 編輯 ]

[FF]
新田圍隔離座山應該開一半出嚟做巴士總站, 將秦石同新田圍路線擺晒上去,
然後響上蓋起一兩幢公屋增加人口, 秦石總站拆左佢起樓, 新田圍上蓋起商場,
所有路線繞經新田圍總站, 同美林.美田差唔多, 共用資源唔駛再嘈新田圍乜都冇!
[/FF]

原帖由 EX-TL 於 2014-8-14 16:10 發表
[FF]
新田圍隔離座山應該開一半出嚟做巴士總站, 將秦石同新田圍路線擺晒上去,
然後響上蓋起一兩幢公屋增加人口, 秦石總站拆左佢起樓, 新田圍上蓋起商場,
所有路線繞經新田圍總站, 同美林.美田差唔多, 共用資源唔駛再 ...

[FF]咁講落去
不如剷左新田圍最近公路座樓, 起個巴士站, 所有行獅子山的巴士都要停~
到時281A 270A 271 任你坐
[/FF]

86A 博康邨站會停85A 個站

睇左咁多年交通論壇，沙田公屋黎講(強調「公屋」，廢事又有人好似上面咁，一早講左公屋又扯埋D美松美城穗禾黎講，唔聽書仲大大聲)，最多人不滿交通既，係顯徑，也許顯徑也不是很理想，但同新田圍比較一下

全日線，
顯徑：46X,80,85B,87B,88K,281M,286X,803,803K,804 7大3細
新田圍：74A,80M,81K,281M,82K,85A,86,87B,89,282 10大0細，也是沙田區唯一無全日小巴既公屋(除冇城隧線冇青沙線外，另一唯一)

比較路線質素，顯徑無明顯廢線、無兜路之苦(犧牲人地，兜畀佢就有4條)。小巴車殘，班次疏(次次中途站等803/4，梗係同站其它小巴線黎左N架空了了，至一架冇位/接近冇位既803/4)，但顯徑勝在總站上車，算比較易上到。

新田圍有2條明顯廢線，74A,82K。74A本來仲有九龍方向幫輕一下89既存在價值，但老九卻玩轉單層、削至九龍灣，連幫輕下89既能力都冇左一大半。82K，著名垃圾之王，除新田圍人外，基本上冇人會搭，亦係因為新田圍，所以拖咁多年都無法取消。攬著件咁既垃圾之王當成寶，真係好多人恨都恨唔到。

用排除法，兩者皆有的不計，只計一個有另一個冇

顯徑優勢：城隧線、青沙線、石門至馬鞍山
新田圍優勢：名義上有大埔，但74A既班次同收費.....

比較非全日線，
顯徑：上繁80P,81S,305。通宵N281,63S
新田圍：上繁280P。通宵N271,61S

兩者幾乎一樣，但顯徑多條305過海，本來新田圍都有村巴，但不知為何取消了。

前景，
顯徑挨埋呢幾年，有港鐵顯徑站，屆時基本甩難，好多地方都唔使再受老九氣。
新田圍？沙中線落成後，我只看到僅有的巴士服務繼續削減。

總結，顯徑整體好過新田圍，勝在全日線有城隧、青沙線、石門至馬鞍山，上繁有過海，未來仲有港鐵。

但唔知點解，顯徑人鬧交通差鬧孤島，就一呼百應。

新田圍人鬧呢？就梗係有人拎o個小貓幾條區外線黎講話「好多」，跟著拎秦石黎撻，話秦石大把車搭啦，行去秦石好遠好辛苦咩？
我只係知，一定遠過沙角街行去大涌橋路搭86A，更加遠過顯徑巴總行去顯徑商場/顯田遊樂場搭281M，又遠過新翠村新月樓行去新明樓搭87B囉唔該，但o個D就唔行得，一定要兜入去喎。

同樣理論放落顯徑，又唔見有人叫顯徑人行去大圍/新翠搭車喎，至少平路一條，又可踩單車。

公道D講
顯徑 美田 係要行出d先有更多車搭
但全部都係平路

新田圍係斜路同樓梯
落秦石大約10分鐘
落新翠大約10分鐘
上山搭車大約10分鐘

調返轉就係上樓梯同行斜路
大約全部加多5分鐘

大家或者咁講, 有282咪得囉
如果唔駛等車, 3分鐘內就可以落車, 但行就10分鐘
住頂果幾座就更耐, 282最耐係上落時間比較長, 真係太多人搭, 無其他路線可以分流到客量
朝早我由總站上282, 經富圍樓, 經秦石到市中心落車, 都要成20分鐘, 都未計搭第二程車要幾耐

但真係無辦法
邨內d車一係太疏, 一係車程過長, 一係要轉幾程車, 一係慣常收車
我都要接受現實去其他地方搭車, 或者用車代步

其實我只係想條邨有小巴駁去大圍, 咁咩問題都可以解決到
無奈地無小巴肯做

新田圍比較有價值既路線真係得282, 80M, 86, 89
其他果D等得閒既人搭就算喇
遲D 86可能無埋, 80M又減埋班
唯有寄望搵多D錢去養車喇

月經post又出現

魚蛋論成日出現
又唔睇下其實自己新田圍需求係點
服務不斷地削減
除左可以鬧老九縮骨
唔該都可以睇下自己條村真係有幾多人出出入入

當然有D野係相輔相成
總站兩條對外線又疏又兜
當然引晒D人上上面搭同下面搭
但望返轉頭兩線都有過唔錯既服務
咁其實究竟係完全老九衰格定係本身需求有問題?

拉遠D講
以前仲有大家樂,大排檔都有幾間
又使唔使去投訴一下成個新田圍而家得返一間垃圾茶記同一間大排檔?

當然,新田圍既交通有改善既地方
但都唔好無視先天性既因素
而家望就望82K快D轉得成82A其實就已經方便唔少

其實作為一條細村，新田圍交通都算係咁，

人口不斷減少，你叫九巴點加車加路線比你？

新田圍總站真係擺到47X既車隊？


再講，新田圍條路設計得唔好，富圍樓個站連巴士彎都無，

擺多幾條線上去，到時大家齊齊排隊塞在巴士站度，

班新田圍人又會怨做咩掟咁多條線上去攪到塞車云云 ……

原帖由 石頭 於 2014-8-18 03:14 發表
其實作為一條細村，新田圍交通都算係咁，

人口不斷減少，你叫九巴點加車加路線比你？

新田圍總站真係擺到47X既車隊？


再講，新田圍條路設計得唔好，富圍樓個站連巴士彎都無，

擺多幾條線上去，到時大家齊齊排隊塞在巴士站度，

班新 ...

47X可以係秦石做總站，就咁兜一兜新田圍邨加個站就得。
當然，長遠計加建升降機上落秦石會更加好。