hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (B) Bus 巴士討論區 香港巴士討論 (B2) 美食博覽, 巴士總是不加班!
開啟左側

[經歷分享/報告] 美食博覽, 巴士總是不加班!

[複製鏈接]
miklcct 發表於 2014-8-17 22:02 | 顯示全部樓層

                                    Advertisement



原帖由 EX-TL 於 2014-8-17 20:08 發表

如果你係住樂華, 咁你應該只係行樂華商場; 住秀茂坪, 應該只會行寶達商場或秀茂坪商場.

我住觀塘要去行街, 應該只行apm? 德福? 淘大? 匯景?

我只想講, 社交圈子係會隨著年紀增長而逐步擴大,
學似你咁講, 香港人去 ...

是的,完全正確。住觀塘的一般會去apm行街,住旺角會去朗豪坊,住屯門會去屯門市廣場。

去烏溪沙已經叫做去旅行。
BlackBird 發表於 2014-8-18 00:08 | 顯示全部樓層
原帖由 miklcct 於 2014-8-17 22:02 發表

是的,完全正確。住觀塘的一般會去apm行街,住旺角會去朗豪坊,住屯門會去屯門市廣場。

去烏溪沙已經叫做去旅行。

拿,我住屯門,但係上次去屯市行街已經係4年前
如果一般人只會去同區行街,D跨區線假日客由邊度泥?
P960早日摺線
^tamago^ 發表於 2014-8-18 00:33 | 顯示全部樓層
原帖由 miklcct 於 2014-8-17 19:34 發表

至於九巴方面,雖然2號及6號的全程收費為4.9及5.1,但其定線根本不適合乘客乘搭全程,效率極低而且沿途大量上落,反而適合用作流水線,搭兩三個站就落車。不過,相若車程若乘搭港鐵普遍只需4.2或5.0,比垃圾九巴服務更平,而港鐵站方方正正,便利程度極高,而且班次頻密,為乘客的首選。
如果要直達美孚,因為原點於目的地的組合於港鐵重疊而會偏少,載客量因此會大大減少,車資也須調高以取得收支平衡。便利是要付出代價的,港鐵早知道自己在市場的價位是什麼。

要以5.1元跑到美孚須多載一些客,而不走長沙灣路才能為6號線爭取更多搭客來抵消你的5.1元收費。流水線靠的就是薄利多銷。

[ 本帖最後由 ^tamago^ 於 2014-8-18 00:35 編輯 ]
3ASV174 發表於 2014-8-18 00:43 | 顯示全部樓層

                                    Advertisement



原帖由 EX-TL 於 2014-8-16 11:21 發表
唔止呢晚, 基本上6字頭中區東隧線(包括601 680)個個星期五.六都要加班,
690要轉大車行才對, 何況有活動

690 其實星期六日夜晚多數都會同 296M 交換返大車黎行,
依家 296M 出單層的日子,690 星期六日直情多數出大車唔出掛牌。

早兩三年試過美食節期間 690 兩巴齊齊出單層,
結果下晝五六點行完會展搭 690 黎架城巴 MAN 係要企,銅鑼灣都上唔晒,又試過唔係美食節但係夜晚九巴無換返大車,結果中 AVC 又係未到天后就飛站……

[ 本帖最後由 3ASV174 於 2014-8-18 00:46 編輯 ]
 樓主| EX-TL 發表於 2014-8-18 03:52 | 顯示全部樓層

回復 41# 的帖子

入番正題, 話說今晚專登早少少出維園巴士站等車返屋企, 順便收集多d數據上黎討論/搞事.

今日港島有大型遊行, 據稱有十一萬人由維園出發, 預計封路時間達到十六個鐘頭, 最終只係
封十二至十三個鐘頭, 大約七點左右, 灣仔.銅鑼灣解封左, 中環就晏D. 遊行我本人完全無興趣,
有冇影響到日常返工放工人士先係我最關注, 遇著同時舉行公交機構毫不在意的美食博覽,
究竟交通可以有幾混亂?

小弟沿住電車路行出「維多利亞公園」巴士站, 先在轉入興發街路口見到部頂閘6xx行681,
接住見到部ATSE行690下層企左幾個, 一部10xx行2X頂閘, 繼而一部10xx行2A企到黃綫,
一部ATENU行681上緊客要企, 603(百達全廣)頂閘, 呢D通通好閒, 美食博覽完左搭得車來
到維園剛好十點半左右, 中環遊行班人搞到塞車脫班, 班班車頂閘/企滿有乜出奇.

當我行到601站牌下面, 另一班2X亦剛好上到頂閘開出, 另有一班2A上完客要企幾個,
咁幾好丫, 學某人話齋灣仔北大型活動大塞車又脫班, 都可以兩分鐘內「變到」兩班2A出來,
係咪值得鼓勵先... 不過, 唔駛咁快開心住, 因為2A 2X今晚大幅加班, 等車期間30分鐘內
竟然見到兩線各自開左六七班車出來, 平均4-5分鐘一班, 比僅供參考的時間表2A 5-7分鐘,
2X 6-8分鐘一班都要密, 東區人今晚有福了!

其中一班2A係維園起載(雅培全廣), 維園上車只有三人, 而當呢班中途起載車開走後一分鐘,
另一部殺到o黎的2A亦係企人, 咁起碼做到分流維園打後班客, 唔駛企緊人的下班車再塞人上車,
而之前企人可能會在天后.炮台山上到頂閘的車, 北角班人都有車坐, 最重要係兩線所有派車,
只有一部55xx(2X), 其餘清一色10xx 11xx 50xx 60xx(2X), 老實講, 咁先係「明知有生意而又想做」
的表現囉!

睇完一個活生生好例子, 睇番其他路線, ATENU行307 22:38駛過維園頂閘; 同一時間Volgren
3ASV行603企人, 再過兩分鐘另一部603(中人壽全廣), 全車坐滿五成左右; 681開多三四班出來,
全部都係企幾個, 冇頂閘(當中有一班有三個疑似巴迷跟車); 由金鐘開出的680兩班車準時到站,
冇脫班, 兩班車都有位坐; 103應該有脫班, 因兩班車之間只差五分鐘, 第一班要企人; 170得一班,
不過客量仍然係好一般; 5 5X 8 8P 8X 19 25 77 81 102 112 116 914同一眾北碼路線一切正常,
914亦都黎到兩部車; 大長途獨營線968 A11 E11冇唔妥; 106就差D, 印象中只見過一兩班車,
係企人企到黃綫的ATE; 另有一班開ATE的690, 維園冇人上, 冇人要企, 仲有位坐添; 603黎多兩班,
都係有位坐; 輪到城巴6xx行307, 企三個!

就以上咁多條唔同性質的路線, 走過咁多唔同地方, 其中包括左受灣仔北大型活動同埋中環遊行
可能帶來的交通擠塞影響, 以及長短不一的過海路線, 看來今晚東九人可以同東區人享有同樣禮遇,
睇下係咪...?!

22:33 第一班619(城巴84xx)經高士威道快線飛站, 因為有部112落緊客, 而後面正好有其他紅隧線
等埋站落客, 所以站上冇乜人知呢班車存在.

22:34 第一班601(新巴30xx)到站, 頂閘, 有人打鐘, 車長故意停到603巴士站落客, 站上候車乘客
以為上客, 走到過去, 部車開走左, 而我當然唔會咁天真以為佢會俾人上車啦, 繼續動也不動,
殊不知班客行返轉頭時就話:「搞錯呀, 仲要等幾耐呀!」, 轉過頭有幾個(應該係一家人)向住天后
行左去, 頭也不回!

22:44 第二班601(新巴50xx)埋站, 剛好上晒那五名鍥而不捨「盲撐」巴士的乘客, 值得加許!
(我唔上呢班車原因係想睇埋第二班619情況, 點知......)

22:47 第二班619(城巴82xx)到站, 呀... 唔係, 係飛站, 又係頂閘果隻, 即係逼我睇下你第三班車係咩鬼樣o者,
企多三個字, 怕你?!!

22:58 第三班601停圖書館燈位, 響我眼前出現係一部九巴JX牌3ASV, 離遠睇上車門企滿人,
以為冇得上, 哈... 又俾上喎, 原因: 又有人打鐘!!

23:00 第三班619(城巴82xx)到站, 其實係同601同一時間停響燈位, 不過俾車阻住同埋要等
601上落完先郁得, 我唔上601原因就係要睇埋呢一班619係咩樣, 601一駛走, 站上乘客反應
應該同我一樣, 滿心歡喜地:「上得喇!」

等左30分鐘就有車搭, 真係好感恩啊, 北潭涌走左班94同打鼓嶺走左部79K都係呢個時間咋嘛,
算得係咩, 好過其他乘客唔知等左幾耐呢?!

車上原本有兩個客企緊, 我就企落車門, 順便數下客, 唉... 凡事有咁如意就好啦, 天后一個站,
601停左一陣, 我望唔到有人上落就開走左, 斷估唔係又有人打鐘卦! 601埋完呢個站之後就失左蹤,
跟尾的102都冇佢開得咁快就知沿途係咁飛站!!

剩低619孤身作戰英皇道情況又係點呢... 天后上左八個之後, 23:04到炮台山七海商業中心,
人多到我數唔切, 其中一名女士上車後見到關愛座個friend即刻笑住同佢講:「等左三部車喇」
(潛台詞:「第四部就上到真係好開心, 今晚可以十二點前返到屋企啦」), 係咪好值得高興呢?!!

數唔到客算啦, 睇見呢個站咁, o黎緊我唔駛同人逼埋一舊已經偷笑.

23:06埋完電廠街站, 報站機隨即播放不可在上層及梯間站立的廣播, 23:09埋完新光戲院站,
正式宣佈頂閘飛站, 「港運城」o既朋友連望車興嘆的意圖都沒有:「梗係啦, 都咁friend囉,
搭慣搭熟, 頭閘企到咁仲肯響我面前慢駛俾我地欣賞, 唔係一支箭咁飆左去已經謝天謝地啦,
證明到部車頂閘頂成咩樣, 雖然未必可以響十二點前返到屋企, 都希望下一班可以上到啦!!」.

睇到呢度, 大家開始知道東九人犯賤程度去到咩地步!

「沿途有地鐵你搭都唔搭, 寧願等部唔知等幾耐先上到車的巴士, 搭一個鐘頭都未到目的地,
咁蠢o既人真係賤過地底泥, 唔死都冇用. 明知灣仔北有大型博覽, 中環有大型遊行, 明知會塞車,
都要繼續等, 你冇車搭你o既事呀, 我有開足車架, 601金鐘東全日開8-15分鐘一班, 619由朝早
七點幾開始中環開10-16分鐘一班, 冇脫班啊, 你要投訴就投訴, 鍾意打橫講定打掂講隨得你啦,
反正我做左我本份, 吹...呀?!」<--- (自我揶揄中, 可以不理)

過到海, 東隧收費廣場巴士站停左兩部九巴3ASV, 後面果部係603, 車上仲有座位剩, 頭果部車,
上緊斜我先見到, 原來又係頭先部JX牌601, 慌唔係東隧口有人落車, 站上乘客要求上車搞咁耐,
搞到619英皇道係咁上客都追得番!!

23:14 輪到619埋東隧站上落客, 上落客情況同前晚完全係倒模一樣, 落三個上五六個, 站上仲有人
上唔到, 但到藍田站落客時, 落客人數明顯冇前晚咁多, 只得五個, 無人上車; 而前面部601係冇停
藍田站, 如果你認為部車頂閘都唔駛停藍田站係開心大發現, 唔好意思, 呢個情況響晚上呢個時候
唔算罕見, 我都唔知點解, 但未曾響619上發生過.

23:19 觀塘法院落車, 縱使部車不停上客上到頂閘, 等燈等埋站各樣, 由「維多利亞公園」到
「觀塘法院」只係需時19分鐘, 如果搭地鐵, 由天后站入口計, 好彩的話等三次車都唔駛一分鐘,
19分鐘可能去緊藍田站囉, 但我唔駛響地鐵站入面行行企企走上走落喎... 睇下你點選擇啦,
始終每個人把尺都唔同, 可能你仲後生, 搭車又抵, 精力充沛, 但觀塘班客日日返埋d咁o既時間,
個個五十幾歲人仲有頭家揹起咁款, 都諗佢地份工唔會係日日坐響度冇野做果隻囉!

有時返早更, 晨早六點見到佢地一把年紀但又未係長者階段, 個個揹住大包細包咁響地鐵站月台
好似逃亡咁追車趕車, 到站就衝出去搭電梯, 驚死遲到冇左份工咁, 我作為後生可以幫到幾多得幾多,
我一個人行去炮台山站搭地鐵, 有可能令到巴士少個人企, 而司機就會開門讓炮台山.北角人上車,
哪怕只係咁小事, 我都希望叫做幫到下, 盡可能唔駛佢地咁辛苦, 苦等唔知幾多個鐘頭先返到屋企
做佢地o既家務. 而響呢度講o既, 當我係抽水好, 當我無病呻吟又好, 當我打橫o黎講都好, 冇所謂,
我唔會mind.

或者你會認為冇圖冇真相!! 你講乜都得架啦!! 你駛唔駛作到咁大呀?! 扮專家?! 博上位?!
冇錯, 你可以唔信, 不過以上全部都係事實, 冇人用槍指住你叫你信...

好啦, 自high完畢, 晚安!!

[ 本帖最後由 EX-TL 於 2014-8-18 04:00 編輯 ]
paul2357paul 發表於 2014-8-18 05:20 | 顯示全部樓層
原帖由 EX-TL 於 2014-8-17 13:18 發表
回復 24# 的帖子唔係淨係美食博覽先會塞車, 書展.工展會.年宵等等全部暢順?

我就係知道當晚我等的兩條路線都冇脫班, 我等到平時搭嘅嗰一兩班車,
炮台山班客等左一個鐘有四五班車, 班班都上唔到, 連第五班都唔夾硬上,
佢就由九點半等到十一點了, 十一點都唔知上唔上到車. 落車時如果有加班車
應該好快跟到尾, sorry,  嗰晚冇!

冇話過加車一定係總站開, 巴士公司平時追時間會由永興街駛出炮台山起載,
無論部車由灣仔駛來定係九龍直私過來都做得到, 有做的話人地唔會等左
成個鐘都上唔到車, 若果話灣仔塞得勁, 我又唔知點解等到我平時搭嘅車!

再次重申, 美食博覽唔係第一年搞, 點解年年搞到沿線個個站堆滿人.


其實你應該要怪各大巴士公司多年來都很鄙視來往灣仔北的客源。
會展除了有大把西隧線之外,其他例如紅隧線、東隧線等都嚴重缺乏。
導致會展的巴士服務往往則重於來往例如西九、新界,但來往例如中九、東九卻嚴重缺乏。
會展去東九得條早收的641,而115往九龍方向更無啦啦行灣仔道唔入灣仔北,搞到會展去中九冇直車。
往往搞到會展客要老遠行番出去灣仔內街同埋灣仔內街客爭車坐。

更慘的是例如http://www.hkitalk.net/HKiTalk2/thread-865365-3-1.html有唔少版友覺得各大巴士公司多年來都很鄙視來往灣仔北的客源是合理。

其實今時今日密密搞展覽的會展,客量已經與有大型商場的客量不大分別,會展理應同樣亦視作旺區,加上會展亦算是較遠離鐵路沿線。
 樓主| EX-TL 發表於 2014-8-18 06:18 | 顯示全部樓層

                                    Advertisement



原帖由 paul2357paul 於 2014-8-18 05:20 發表
其實你應該要怪各大巴士公司多年來都很鄙視來往灣仔北的客源。
會展除了有大把西隧線之外,其他例如紅隧線、東隧線等都嚴重缺乏。
導致會展的巴士服務往往則重於來往例如西九、新界,但來往例如中九、東九卻嚴重缺乏 ...

如果淨係為左會展活動而日日開條線入去塞, 我寧願唔要好過, 你試平日下繁入去灣碼附近睇睇, 開車展咁款, 巴士行埋一邊啦!

會展活動開特別線去疏導係應該做的, 不過未到港鐵就收的時間(例如夜晚十點)開特別線去應酬展覽客, 巴士公司真係費事睬你,
客量無保證兼人流分散, 有港鐵特惠站, 有104, 有渡輪, 仲成日塞車添, 巴士公司會認為開黎冇意思囉!
ccicoltd 發表於 2014-8-18 08:04 | 顯示全部樓層

回復 46# 的帖子

看看歷史便會知道 115 北行經灣仔道的原因,絕不是無啦啦。
19 大坑道↔筲箕灣 $4.2
jasoncky 發表於 2014-8-18 10:06 | 顯示全部樓層
荔廠早兩晚有車支援961同968, 373A都加開單層.



仲想點?
HE7921 發表於 2014-8-18 14:59 | 顯示全部樓層

                                    Advertisement



原帖由 ccicoltd 於 2014-8-18 08:04 發表
看看歷史便會知道 115 北行經灣仔道的原因,絕不是無啦啦。
咁619返順利夠行過灣仔道啦,後來點解要改行怡和街呀?
期待香港出現載161人的E500 MMC
您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-3-28 16:26

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表