巴士埋站一問

如果巴士車長起中途站埋站時，見到前面有架同路線既巴士正在上客，因而自己起站尾落客後直接抽頭離開，唔埋站排隊上客，請問甘樣做巴士公司是否容許車長甘做？
同埋如果可以既話，萬一前面果架載唔晒，甘班客咪又要再等多架T.T?

同樣事我打過一次去新巴投訴905。空車德輔道西係嚟清客，吾係飛站趕返九龍。

原帖由 rkkwan 於 2014-8-26 20:27 發表
同樣事我打過一次去新巴投訴905。空車德輔道西係嚟清客，吾係飛站趕返九龍。

有冇人可以解釋 / 翻譯 呢句講乜？

原帖由 Gary_B 於 26/8/2014 08:34 PM 發表


有冇人可以解釋 / 翻譯 呢句講乜？

乜好難明咩？

下繁三四十人正街等905。一架已經坐得八九成滿嘅905埋站上客。跟本已經上吾晒。後面一架皇后街起載、得幾個客嘅駛到，見前車埋站就飛站冇停。我係排得前好彩上到，但有成十個上吾到，包括幾個長者。。即刻留意車號、打電話去新巴。我架車個車長聽住我同客務熱線對答。

[ 本帖最後由 rkkwan 於 2014-8-26 20:48 編輯 ]

原帖由 rkkwan 於 2014-8-26 20:46 發表

乜好難明咩？

下繁三四十人正街等905。一架已經坐得八九成滿嘅905埋站上客。跟本已經上吾晒。後面一架皇后街起載嘅駛到，見前車埋站就飛站冇停。我係排得前好彩上到。即刻留意車號、打電話去新巴。我架車個車長聽住我 ...

結論係？

原帖由 whyloveislove 於 26/8/2014 08:48 PM 發表

結論係？

你話呢？客務梗係話車長唔啱，會反映。實際，我就不得而知。

我諗要考慮個別路線情況
其中一個例子係九巴271咁
半年前常發生樓主講嘅現象,
晚晚入大埔方向於九龍段經常
疏於表列班次,一係就兩部一齊到
不過近期我無搭所以唔知……

首先271近乎循環線運作兼
途經塞車黑點,班次難以控制
加上晚上入大埔為例,寧波街
上緊客,後面部無咁滿嘅車抽頭走
做文明里/廣華,相信都唔難坐滿咁入獅隧,
呢種制度反而令部分中途難以登車嘅乘客有
好處,亦不見得有浪費。

當然會出現「上唔晒就要等多班」
嘅不滿,所以只適用於班次頻密路線
而中途起載(應該說邊一個站中途起載清客)
一直都係巴士公司同討論區有不同意見嘅議題。