西貢區巴士線幾時重組?

原帖由 castanopsis 於 2014-9-7 14:15 發表

你咁計就死得啦
內地長途巴士一日載得幾十個客實蝕死
692每部車載得400人但個收費貴296M一倍有餘，每車總收入多一倍有餘，再減翻隧道費未一樣囉

另外，692有條692P，難道296M就無特別班？
印像中早繁296M有唐明苑特別班，使唔 ...

或者又咁講，
我唔明白點解 692 取消得就代表比佢蝕錢或者營運情況相近既路線都可以隨意取消。

甚至就算係 296M 蝕得甘過 692 都好，但 692 取消，接近 100% 乘客都有港鐵或者其他公共交通工具路線可以直接替代而唔需要轉車，
相反 296M 唔係，九巴就只得呢一條線全日打通尚德同將北，反而坑口一段唔係必須，但如果成條斬左或者改做唔係全日服務，
就連轉乘都補唔返，因為區內做唔到，就算搞跨公司轉乘，都一定有一程係長途線。

其實 692 都取消左咁耐，事實上就係對絕大部份人都唔痕唔痛，而事實證明就算港鐵逼左，692 無埋，692P 客量都無明顯提升，我都唔明點解仲成日要搬返 692 出黎。
51 都蝕都九彩，但唔會有人質疑佢存在價值，或者要將佢平日減到兩味，這就是 692 同其他無被取消既蝕錢線分別。

原帖由 EX-TL 於 2014-9-7 14:50 發表

呢D人簡直煩到嘔, 一講任何西貢區或將軍澳的文章總係要拉692出黎講,
692就算再開都唔會係呢幾年內的事, 等將軍澳市中心同跨灣連接路起好
再講都未遲, 將隧同中環一日仲咁塞, 都冇可能開得返.

上面仲要幻想692P拉上 ...

我覺得最騎呢係成日想搵 692/692P 食左 690 部份路段然後就收左 690 檔，
唔知點解 692/692P 就唔死得，690 就無所謂，不如建議巴士公司改 690 編號做 692 咪算囉，咁既可以滿足佢地收 690 檔的願望，又可以滿足佢地 692 翻生的幻想。

原帖由 GA6072 於 2014-9-7 13:19 發表

呢兩條係殺線後產物
並唔係因為有需求而開既產物

即係有98A加埋企硬唔殺線
798同將荃係唔會出現
重有,各區重組都有意圖將主線收費天價化
呢樣野98系除左98A轉乘老早就做左 ...

其實其他區區域性重組開既新線都係殺線後產物。

原帖由 3ASV174 於 2014-9-7 15:04 發表
我覺得最騎呢係成日想搵 692/692P 食左 690 部份路段然後就收左 690 檔，
唔知點解 692/692P 就唔死得，690 就無所謂，不如建議巴士公司改 690 編號做 692 咪算囉，咁既可以滿足佢地收 690 檔的願望，又可以滿足佢地 692 翻生 ...

本來692就係一條下台楷
比巴士一步一步離開港島來往寶林坑口呢盤客

當年690,691,693
一個早繁係爆到瀉之外
非繁係差過70

小弟記得97年間十點十一點幾寶林截690上翠林
大大部6頭豪除左司機同小弟就係無人

691,692,693呢Ｄ連短途區内客都比地鐵食既線
除非有辦法快地鐵一截,否則死硬

692P客量穩定，3個月試用期已通過，現時客量仍有上升。
不過始終受塞車影響，返工搭地鐵會係比較理想既選擇(容易預算)，但有班人唔想迫地鐵(早繁搭地鐵係要打仗，唔係人人接受到) ，我覺得唔可以夾硬迫佢地改搭地鐵，咁同落左閘既假普選有乜分別？

原帖由 ctb8107 於 2014-9-7 15:37 發表
692P客量穩定，3個月試用期已通過，現時客量仍有上升。
不過始終受塞車影響，返工搭地鐵會係比較理想既選擇(容易預算)，但有班人唔想迫地鐵(早繁搭地鐵係要打仗，唔係人人接受到) ，我覺得唔可以夾硬迫佢地改搭地鐵，咁同落左閘既 ...

其實依家都無人質疑 692P 應唔應該取消，
只係唔知點解成日有人想 692 用任何形態還陽。

不過另一件事就係，其實 692P 係過唔到試用期的，只不過同期港鐵爆出載客率問題，
所以先唔達標都有得留低。

原帖由 3AV53 於 2014-9-7 15:36 發表
其實其他區區域性重組開既新線都係殺線後產物。

其他區重組既新線就唔知
將沙線就係九記打死都唔肯開
之後就用98A轉乘頂
798就係為左摺796B而求其開既線
只係為左殺出條血路
將荃線直情用黎誘騙區議會放開692

將沙將荃一向都有好密車既NR線做
只係借摺線換車去開線專利化去

原帖由 3ASV174 於 2014-9-7 15:53 發表
其實依家都無人質疑 692P 應唔應該取消，
只係唔知點解成日有人想 692 用任何形態還陽。

不過另一件事就係，其實 692P 係過唔到試用期的，只不過同期港鐵爆出載客率問題，
所以先唔達標都有得留低。 ...

其實，要692還陽
係分分鐘遲多一兩年由觀塘區議會出聲至成事

小弟所見
政府低估左將軍線過海客量
或者

無預到坑口站

會有咁多西貢住客唔渣車搭鐵轉車過海

當地鐵係將軍澳站已經上唔到

可以食住花生睇爆煲

睇番新界區，70K同71K都同296M類似
但兩條線都唔洗死
反而做咗區內轉乘主幹

雖然將隧口會有轉乘站
但過渡期內會唔會要求部分路線縮短轉296M
(FF:91M 縮落坑口站 ，由296M<>91M 頂)

原帖由 GA6072 於 2014-9-7 16:31 發表

其實，要692還陽
係分分鐘遲多一兩年由觀塘區議會出聲至成事

小弟所見
政府低估左將軍線過海客量
或者無預到坑口站會有咁多西貢住客唔渣車搭鐵轉車過海
當地鐵係將軍澳站已經上唔到
可以食住花生睇爆煲 ...

爆煲都係東九龍出事之嘛，
因為將軍澳線過海同觀塘線出市區都係先載將軍澳客先，然後先載東九龍客，如果將軍澳都已經逼爆，東九市區車站問題係唔使搭，巴士要救都救出面先。