九巴N241調整班次

原帖由 kei_hk 於 2014-9-20 11:52 發表


根本九巴成個葵青的通宵線網絡 (甚至屯元天的九龍區走線) 係有問題。

時至今天﹐應該利用八達通轉乘去改組美孚至旺角一段路程。

例如 N241跟41A方法﹐旺角開始直入青衣(或加停美孚)。拉一條美孚總站的路線(eg n260) ...

通宵黎講巴士要快係無乜意思 , 夠密先係皇道 , 因為你點都唔會夠小巴快 , 用頻密班次 + 有位坐吸引人唔比小巴差
而且 .. N241 行青山道 / 元州街其實一 D 都唔慢 ...

原帖由 hon_son_wilson 於 2014-9-20 17:36 發表


如果N241旺角上公路，N260由美孚延長至旺角，
咁到時由[美孚至旺角]來往[油麻地至尖沙咀]點坐?
N241去旺角行去亞皆老街轉N260??

請坐城巴N21

原帖由 HT408 於 2014-9-20 19:55 發表


請坐城巴N21

漏咗尖沙咀添
更正：如果N21,N118,N122,N171加設九龍段雙向分段
咁N241點改特快都無所謂

原帖由 HT408 於 2014-9-20 19:55 發表


請坐城巴N21

N21青衣覆蓋極細。

原帖由 樂仔〞 於 2014-9-20 07:55 PM 發表

通宵黎講巴士要快係無乜意思 , 夠密先係皇道 , 因為你點都唔會夠小巴快 , 用頻密班次 + 有位坐吸引人唔比小巴差
而且 .. N241 行青山道 / 元州街其實一 D 都唔慢 ... ...

我唔會用快 定 慢去評論一條通宵線﹐只會用是否合理的時間去評論。
事關通宵線客量一定比日間少﹐自然要兜更多路﹐吸納最多的客源﹐以保持路線的運作成本。

而家你坐一程N241 由總站去總站﹐坐車時間係日間線剛剛收工打後的時間﹐即係大約1點-2點。
一個單程回青衣的時間﹐係可以比未改特快的41A 更慢﹐隨時你要坐足個半鐘。
行青山道/元州街唔算慢﹐但已經比行長沙灣道為慢了﹐再要加遊荔景山﹐加加埋埋便浪費了很多時間了。


在尖咀佐敦﹐深水埗至美孚一帶﹐真係焗坐N241。去到油麻地/太子﹐我會選擇行去旺角坐唔合法的的士服務囉﹐除了係難以登車外﹐仲有係車程時間問題。

你估又係唔係真係好多人真係想坐泥的?
真係貪坐足5個人夠迫? 定係為了車程快而半被迫選擇?
比多十元八塊﹐半小時內一定可以在青衣落車。坐巴士? 美孚都唔知到未
出街玩﹐比多少少當然無問題啦。但係工作關係﹐日日支付更多的車費﹐便是另一回事﹐他們都會無奈地坐巴士。



N241 現時實在背負太多的地區了﹐除了青衣外﹐仲有荔景葵芳﹐由美孚去深水埗一帶﹐再加轉車入大西北。
其實係應該拆線的﹐把條最 "好" 生意的N237 線由美孚拉到去旺角﹐及同時加遊荔景。

N241 美孚至旺角改行西九龍走廊﹐介時N241 便可沿亞皆老街直出上橋直達美孚﹐在美孚做 N237(雙向轉乘﹐乘客亦可在旺角做轉乘) 及 大西北N線的轉乘﹐再直接行葵涌道經南橋入青衣。
這樣可以為 N241 輕微減壓﹐同時又可縮短車程時間﹐又可以為市民提供較便宜的合法交通工具﹐減少乘客流失去泥的。

而油尖旺返大西北同樣會因此而受惠﹐因為旺角至美孚車程會快了﹐令到總行程時間縮短。

原帖由 jonathanngan 於 2014-9-20 22:32 發表


N21青衣覆蓋極細。

我講緊九龍內

拉N237，倒不如實在啲拉N269~

坦白講，如果你叫客由N241>轉乘>N269，日日被逼搭嘅就會睬你，因為經濟啲嘛....
偶然搭的，或一星期搭一兩次嘅大西北客，都係揀搭非法的士或搭到嘔同生命冇保障嘅紅頂，住天水圍嘅仲要去到洪水橋轉綠的做駁腳…
所以拉N269係會吸到客的，當然最好行長沙灣/深水埗不停站啦(行荔枝角道好)~~

原帖由 telford5d 於 2014-9-20 11:24 PM 發表
拉N237，倒不如實在啲拉N269~

坦白講，如果你叫客由N241>轉乘>N269，日日被逼搭嘅就會睬你，因為經濟啲嘛....
偶然搭的，或一星期搭一兩次嘅大西北客，都係揀搭非法的士或搭到嘔同生命冇保障嘅紅頂，住天水圍嘅仲要去到洪水橋轉綠 ...

以上只係講解一下方向性的改動﹐無話一定要拉邊條線﹐都係睇九巴想唔想做好通宵線。

至於車費方面﹐有野要改動﹐你預一定有調整啦。

原帖由 telford5d 於 2014-9-20 23:24 發表
拉N237，倒不如實在啲拉N269~

坦白講，如果你叫客由N241>轉乘>N269，日日被逼搭嘅就會睬你，因為經濟啲嘛....
偶然搭的，或一星期搭一兩次嘅大西北客，都係揀搭非法的士或搭到嘔同生命冇保障嘅紅頂，住天水圍嘅仲要去到洪水橋轉綠 ...

或者可以諗下將N237,N241,N260,N269改為旺角東站做總站，
N237,N241旺角開出不停站直去美孚及以北原線，N260,N269直入葵涌道。
另辟N206做紅磡站至美孚(經N241原線,繞旺角道&亞皆老街一圈)，仲可以加入270S,N216,N293轉乘，
進一步考慮N271,N281改經旺角道/亞皆老街，並加入轉乘(諗過但唔敢提出縮短去旺角奧運站)。
實施旺角轉乘樞紐順暢後，再研究分拆各路線，以加強直達性及維持有吸引力的班次。

以上方案主要考慮將人流最集中的地方(旺角)，設為轉乘樞紐或起點站，
美孚至旺角之間乘客，可因應需要以N206於美孚或旺角轉乘上述路線。

另外可以考慮N260,N269不經葵涌道，另辟N230由旺角東站至荃灣西站(經葵涌道)，
N260,N269經荃灣路落一落荃灣西站，與N230交匯轉乘，方便荃葵轉乘往返新界西北。
歡迎各位意見~

[ 本帖最後由 hon_son_wilson 於 2014-9-22 08:27 編輯 ]

原帖由 kei_hk 於 2014-9-20 23:35 發表


以上只係講解一下方向性的改動﹐無話一定要拉邊條線﹐都係睇九巴想唔想做好通宵線。

至於車費方面﹐有野要改動﹐你預一定有調整啦。

要加價錢我寧願轉N241落旺角