受佔領旺角示威停在彌敦道九巴及新巴何時才可離開

原帖由 GF2158 於 2014-10-1 00:48 發表
既然你講到自己咁清楚現場情況
你可以問番現場D人今日下晝講數果陣係咪有示威者一講到要移走巴士既時候即刻起哂哄
講到明後面山東街既欄唔郁得 前面既人亦都唔會起身 咁D巴士可以點走?
補多句 落去同示威者傾既唔係 ...

昨晚先俾架BENZ嚇親，好難怪佢地。

原帖由 telford5d 於 2014-10-1 01:27 發表
香港的未來不關心，走去關心架巴士，Good!  

宜家九巴新巴咁多路線縮短/停駛，呢幾架巴士返唔返唔到廠都沒大關係啦......

認同
而家危急存亡之秋
版友好應該關心一下個社會
而唔係只係關心架巴士

fb消息，新巴曾派拖車M15到旺角欲拖走#1117，經示威人士「公決」後，要求巴士留下，並承諾保護巴士，現時工程人員已離開

原帖由 SSBT 於 2014-10-1 14:05 發表
認同
而家危急存亡之秋
版友好應該關心一下個社會
而唔係只係關心架巴士

點解唔可以兩樣都關心？

對唔住, 呢一刻確實應有高低之分
如果將巴士換做買模型, 咁就易睇好多

原帖由 HT408 於 2014-10-1 15:50 發表
fb消息，新巴曾派拖車M15到旺角欲拖走#1117，經示威人士「公決」後，要求巴士留下，並承諾保護巴士，現時工程人員已離開

如果事件係真的,真為香港未來擔心

架巴士屬於巴士公司, 示威人士根本冇權唔俾巴士走.


有人已經非法霸佔路面, 仲要非法霸佔別人財產


將來給這些人管理香港, 真的不得了...

原帖由 lokwah2a 於 2014-10-1 18:07 發表
你佔領馬路就得, 佔領巴士做民主繬 / 救護站都得

趕你走 / 攞番架巴士就話人錯

我支持 Benz 司機, 那條係馬路, 冇人俾你 "訓" , 還去報警

班警察, 有需要就叫人來, 吾鍾意就鬧

吾鍾意共產就得, 難度真的選出一 ...

原來係馬路就代表司機可以無視其他人既安全，
見到人衝紅燈駛唔駛比多啖油撞埋去？

係1117起哄個陣本人剛好在場
現場人士除左話會保護架車

本人亦聽聞留低架車係當障礙物

架1117泊係路中心實在太靚

期間係有人上左架1117，但比人噓兩噓就落返車

其實要拖走架車，都要搬開欄杆，示威者應該都唔會咁順攤去拆檔

我支持呢個佔領行動，但都覺得唔應該扣住幾架巴士，不過亦明白旺角班人既憂慮，半夜俾架Benz嚇過，你依家想拎走佢地呢幾件最大保護屏障，佢地緊係唔肯啦！
利申: Benz衝人群果晚到過現場，但午夜12點左右已離開。依我當晚觀察滙豐對出果幾架巴士，除左俾人貼滿標語外並無受到任何傷害，大會亦早已在有關巴士車門及門掣上貼上封條、告示，提醒在場人士切勿登車或破壞巴士。