運輸業界代表游說金鐘佔據者讓出行車線

原帖由 053h4 於 2014-10-9 02:03 發表
就算條路通番，大西北線起碼11月先止跌，因為應該都好多人買左月票

拖多陣西港島線一通，18可能變永久取消，104自動縮短
西區重組自動波執行

d人覺得會搞成個月咩。。。點解會買月票
西港島線12月最快，而加10月9號咋我覺得通左隨時5X都死埋（死=少客）

你包圍政總大把人支持你.
但係你地又唔係包圍政總,而係走去瞓馬路.
一日兩日就話可以容忍,而家搞左十幾日,明明支持你地都變左討厭你地.
佔旺角/銅鑼灣更加係不知所謂!
彌敦道+亞皆老街你知唔知影響幾多條巴士同小巴線?知唔知影響幾多十萬人?
銅鑼灣俾你地佔左,電車行唔到巴士又行唔到.
睇你班人剩係識瞓馬路,空有理想同抱負,但係就無計劃晚晚走出黎好似開嘉年華會咁樣!
又要學人搞抗爭,又怕死又錫身.
不如返屋企瞓啦!

原帖由 3AV53 於 2014-10-9 12:28 AM 發表
其實金鐘道示威者已經大致撤退，警方有心開路絕對開到。
波斯富街都係趁示威者數目少先開到，唔明金鐘道點解唔咁做。

無錯﹐自今個星期開始﹐有多位知名人物呼籲和平徹退後﹐已經少了好多人聚集﹐有心清場﹐行動上真係唔難的事。


反而最大難度係政治之上﹐最怕係清場挑起心中仍然支持的人﹐走番出來再霸過﹐成件事又再惡化。


而家﹐心中支持的人仍然好多﹐唔行出來主要係因為........... 為生活囉。(同埋受知名人呼籲)
你估真係唔駛搵食 或 返學咩﹐有幾多個有大量年假 甚至 辭職去長期抗爭。
而各知名人物呼籲亦是令學生行動上離開的主因﹐但這一班內心支持度好高﹐只要受到挑釁事情出現﹐好快又會再出番來。


連旺角上星期五至本周初﹐日日起哄開片﹐警方都唔以維持社會秩序為由去洗太平地﹐這個因素佔好重。


現在﹐學聯會在明天同政府會面﹐應該會係霸佔街道落幕的時間。
除非﹐霸街團體唔識利用這個下台階﹐宣佈徹退啦。


***************************************************************************


由本周初各大知名人事呼籲徹退﹐當中包括原本支持運動的幾大大學校長﹐天主教教區﹐以至董伯伯都開聲。
當中董伯伯現時什麼身份﹐出到聲呼籲﹐大家心照﹐如果唔徹退後果係點﹐真係自己想。

最新有前天主教教區主教陳日君狠批今次行動失敗﹐第一位行動支持者講出行動失敗﹐仲講出了失敗的要點(原因)。
估中團體真係要好好思索﹐是否仲值得繼續霸街﹐仲有無機會爭取到實際成果。


本周末是否有機會清場﹐好睇明天學聯會面結果係點。
最重要係佔中三子 + 學聯 + 學潮共同懂得利用這個下台階﹐鳴金收兵﹐趁好收手。(或者轉移去一些影響民生細的地方繼續﹐如大型公園)
餘下唔肯走的人﹐交給警方處理便可﹐警方不用無掛慮便可安心清場﹐市面回復正常。

原帖由 ctb234 於 2014-10-9 08:58 發表
你包圍政總大把人支持你.
但係你地又唔係包圍政總,而係走去瞓馬路.
一日兩日就話可以容忍,而家搞左十幾日,明明支持你地都變左討厭你地.
佔旺角/銅鑼灣更加係不知所謂!
彌敦道+亞皆老街你知唔知影響幾多條巴士同小巴 ...

佔旺是唔想被騎劫嘅群眾自發，但後來被陳雲騎劫。佢地都好無奈。如果梁特/中央一早接納訴求，咁就一早散水，甚至唔洗佔添。叫冇實權改變政制嘅參與者走，人地仲未有進展，睬你有味。兩邊不肯讓步，在消耗/持久戰下，仲會維持一段時間，至少多幾日至對話有共識。不過，要阿爺讓步唔係咁易，諗住用和平換取民主，就算得，仍難逃50年不變大限。

佔中3恥同雙學失去支持，加上慢慢d人過旺角/返工，又有人猶疑是否堅持，所以金鐘銅記都某程度告急。如果佔中3恥在早前記招唔係宣佈啟動而是取消，咁d人自然佔金鐘。左翼分子一樣咁禮義廉。

171/102/118改路快咗，970/x改路有點慢咗。龍和道，禮頓道一多車又是塞，788可行成粒鐘。
香隧亦由遮打革命初期暢通變成塞。與其話佔領者錯，其實私家車車主更是擠塞原兇。

[ 本帖最後由 kmbodth 於 2014-10-9 12:23 編輯 ]

原帖由 FBI2 於 2014-10-8 23:31 發表

師兄,請睇埋上文下理,我係話"如果再咁搞落去,班友遲早當巴士做坦克".

即係話,我沒有叫人,勸人,鼓勵人以牙還牙,只係擔心班司機會以牙還牙,屬於憂慮和慰問,邊度有誘使不法行為? ...

果然係一個高級五毛......

版主鎖POST喇，控煙辦投訴貼紅雙喜巴士相都鏟post，而家直接鼓吹違法行為喎......

原帖由 kmbodth 於 2014-10-9 11:30 AM 發表
佔旺是唔想被騎劫嘅群眾自發，但後來被陳雲騎劫。佢地都好無奈。如果梁特/中央一早接納訴求，咁就一早散水，甚至唔洗佔添。叫冇實權改變政制嘅參與者走，人地仲未有進展，睬你有味。兩邊不肯讓步，在消耗/持久戰下，仲會維持一段時間，至少多幾日至對話有共識。不過，要阿爺讓步唔係咁易，諗住用和平換取民主，就算得，仍難逃50年不變大限。。


佔中3恥同雙學失去支持，加上慢慢d人過旺角/返工，又有人猶疑是否堅持，所以金鐘銅記都某程度告急。如果佔中3恥在早前記招唔係宣佈啟動而是取消，咁d人自然佔金鐘。左翼分子一樣咁禮義
廉。

其實﹐一開始佔中已經係一件錯事。
錯在野心太大﹐因為要爭取的真普選﹐係無可能一步登天的事。


政府所講的「袋住先」﹐認真去睇﹐真係一 d 都無錯﹐因為得確係向真普選行前了一步。
只要睇下基本法第45條﹐便會明白泛民點解係輸硬﹐中央點解可以企得咁硬。
http://www.basiclaw.gov.hk/tc/basiclawtext/chapter_4.html

第四十五條
香港特別行政區行政長官在當地通過選舉或協商產生，由中央人民政府任命。

行政長官的產生辦法根據香港特別行政區的實際情況和循序漸進的原則而規定，最終達至由一個有廣泛代表性的提名委員會按民主程序提名後普選產生的目標。

行政長官產生的具體辦法由附件一《香港特別行政區行政長官的產生辦法》規定。

從來無人同大家講普選係一步登天﹐一開始便是泛民提出的真普選。

基本法得好清楚 -- 循序漸進﹐即係一步步進發。


今次未達到真普選﹐咪繼續爭取下一次囉。
真係唔明點解急於一時


民主係漫漫長路﹐係長期作戰的事。




sorry﹐離題了﹐同本主題無關。

其實如果開番金鍾道 已經會好好多吧?

請自行於kgolden前加h
http://forum6.kgolden.com/view.a ... mp;authorOnly=False
正苦非常禮義廉,縮短綠燈製造擠塞,就算讓咗,不見得就暢通無阻。
運輸業界理應譴責私家車車主導致擠塞和正苦嘅小動作。

原帖由 kei_hk 於 2014-10-9 11:57 發表


其實﹐一開始佔中已經係一件錯事。
錯在野心太大﹐因為要爭取的真普選﹐係無可能一步登天的事。


政府所講的「袋住先」﹐認真去睇﹐真係一 d 都無錯﹐因為得確係向真普選行前了一步。
只要睇下基本法第45條﹐便會明白泛民點解係 ...

實際情況同循序漸進根本模稜兩可

原帖由 1320 於 2014-10-9 12:25 發表
其實如果開番金鍾道 已經會好好多吧?

起碼開返電車路俾電車路行，順手可以讓救護消防車行路軌

但開返全條金鐘道來回實大塞車。。。無乜可能只限巴士通行

btw 返而擔心113宜家仲唔開短棍係咪想永久取消