[東方每日一篇]九巴51線重組即有班次失縱 運輸署監管不力

http://hk.on.cc/hk/bkn/cnt/news/ ... 1027_00822_001.html


終於到蝕到飛起嘅51號…

我有一次去試坐重組後既51，個師兄面黑黑咁，唔知背後咩原因

雖然唔知有冇關係

之前坐51上川龍飲完早茶、想行一下山、便往村內的小徑(經過田和一幢大屋)去、怎料到路徑兩旁建了多個山墳.........令到我差點以為是來拜山的........
下午5時50分前往川龍行山?那個「蘇」先生一定很喜歡行夜山的...........唉、為什麼方向報只懂數九巴不是？其他的又不敢提？

失縱？？我以為係失控既Friend。連別字都未check清楚，東方唔好再玩啦……

當方向報玩哂九記既所有路線(包括通宵、兩味、繁時、墳場、馬場線)之後，就會隊埋龍運和柏航。不過咁，睇下郭氏家族會否出聲？三者的共通點就係新鴻基旗下既。

叫方向唔好再玩九巴？馬氏的第二、三代睬你都傻。

九巴現在上半年已經轉虧為盈, 賺 6700 多萬,
好心唔好再亂搞重組, 維持合理服務水平
一條 51 點會蝕唔起, 大公司唔肯蝕唔通叫細公司蝕咩
運輸署應該要嚴厲規管巴士公司, 不論營運情況如何,
任何路線最疏時段都不得超過 30 分鐘一班

[ 本帖最後由 kingprowm 於 2014-10-28 08:36 編輯 ]

重組後第二個星期日我都試過晌上村等51出荃灣，
我1839去到站頭等車，諗住應該趕到1820荃灣開果班。
睇番張上村預計到達既時間表，佢得星期一至五既時間，
竟然預計係由荃灣開出後20分鐘到達！
咁我心諗假日後人d應該無咁早到啦。
點知我等呀等，都仲未有車，算，就當架51真係識飛，
可以19分鐘過到上村。點知一直等，去到1925先有車，
足足等咗我46分鐘！最勁既係，我後來晌fb提起件事，
有人同我講原來係1750同1820兩班都無咗！

講真，51呢類線你疏唔緊要，好似嶼巴d線咁，
可以一時密一時疏有時又有d班次經邊度唔經邊度咁，
但人地勝在真係開足班次。
九巴做咗咁多年51，斷估唔會唔知邊d時間夠時間行，
邊d時間要多少少時間行卦？！然後再調節一下開車時間，
我相信總比死跟果d所謂定點15/30/60分鐘好囉！

平日一車走天涯一定甩到飛起，假日大上大落，3架車都唔夠時飛，最尾都係得個甩字

大字標題寫「運輸署監管不力」，內文卻只針對巴士公司，這是甚麼居心？