[愛上903?集中討論]老9於何業2台903賣廣告

老9於何台嘅巴士車長專線廣告有訪問兼職女車長嘅招聘版本，請問是幾時開始播？有冇其他版本？新城電台又有冇播？先謝

不過播得，唔差在復辦愛上903巴，話晒畀咗廣告費，自家車隊就唔播，有d浪費咁。
而何台聲稱與港鐵接軌，原來只有報站機文字新聞。可惜乘客對撈騷嘅評價都唔太好，直播電台節目唔知乘客歡唔歡迎，但如果改播881嘅光明頂，畀班反佔中人士聽到，香港應該會更好。

不過撈騷嘅股價就有d危險。

而早前有藏傳佛教book咗架上咗全廣嘅221,車上喇叭聲浪大唔大呢？唔播電台，改播佛偈遊街，可能亦使人茅塞頓開。


播電台或有助吸引車長入行。家陣部分小巴有自動波，人工亦接近兼職車長，仲有得聽電台。
‘順風’揸貨van派件勤力嘅月入可過兩萬，又有電台聽。
鐘意聽電台嘅，仲揸巴士

PS:愛上903巴當年又有冇老9廣告呢？
某電台大堂掛有出自創辦人何佐芝先生手筆嘅‘話到口中留幾句，理從是處讓3分’。
唔知過往商台同人踢波又會唔會讓3分，不過希望689讓881903一條生路，續牌成功。


公眾諮詢將於下月中截止，希望各位為香城言論自由，新聞自由，略盡綿力。


曾有傳媒因俞小姐嘅影響力而有了俞業電台一詞。何生為本地廣播娛樂文化貢獻之大，故本文以何業電台稱之。

[ 本帖最後由 kmbodth 於 2014-10-28 16:57 編輯 ]

今日第一次聽到
不過我唔係日日聽