車長輾傷下車客 不顧而去

原帖由 boyvv1000 於 2014-11-2 10:35 發表
下面有篇評論話：
10月18日凌晨又係坐N42, 當天我上車時，車箱已無座位，及已有多人需站立，行李架亦已滿，不少人將行李放於身邊，本人亦被迫到較近下車門的位置。該班次駛至大埔廣福邨時，仍有大量乘客需要登車，近車長的上車門位置 ...

N42又大埔廣福邨？N42A吧！

咪話我話，去得澳洲(保守估計人均近$20000起跳，有人接濟除外)、兩個女人(一個68歲)六件行李、仲要三更半夜，仲巴士？真係唔好計較o個百零二百蚊的士錢啦。尤其佢搭得N42，應該仲搭到機鐵(唯一一班N42 0020東涌開，尾班機鐵0048機場開)，如果識搭，兩人行套票$90搭去青衣轉的士，會再平幾十蚊。

仲有報導冇講佢住邊，不過呢個站落得，應該溱岸8號、秦石、豐盛、新田圍其中一度，真係係得住秦石係叫做「正常」，如果係前者，真係有錢住得呢D地方又有錢去澳洲，就唔好慳呢D錢啦；後兩者的，唸著兩個女人(一個68歲)夜麻麻拎著六件行李山長水遠上山？

不過，對於某機場巴士服務供應者，個人一早已視如無物。的士 或 的士 + 機鐵，係我出入機場既不三之選。

尤其其多年一直以「與母公司賬戶獨立」為由，堅拒與母公司路線設BBI(但同唔同公司既嶼巴九鐵又做到喎，有時一兩班車用母公司既車o黎攝又得喎，咁神奇架喎)，直到連這個可恥卑劣的政府也看不過眼，要求此物體與母公司設立BBI，否則不續專營權(可見此物體比政府更可恥更卑劣)，就「忽然」做到BBI，不過就hea爆，只限A線平$1(當人乞兒嗎？！)，E線依舊沒有！有冇攪錯？真係講粗口。

甚麼E車行A線就更不用說了。

而家再睇返上面師兄同生果報網站既留言，得知其那西狀況，更證明我選擇冇錯。歸根究底，都仲係佢太獨食，經營環境太好，客源得來太易之故。

[ 本帖最後由 mckhgc 於 2014-11-3 22:25 編輯 ]