[東方日報]大澳巴士總站擬擴建疏導車流

原帖由 89B 於 2014-11-12 13:25 發表

如果高速船來回東涌大澳半小時都可以
問题新渡輪點會打嶼巴荷包?....
Ot 、
深屈道其實起路去南環路技術上唔難,係政府唔攪

呢個概念好似起新機場未起好之前係有諗過，只係到最後不了了之，
講真，就算而家比你起條橋出去東涌（類似東區走廊咁款），點都會破壞到個海洋生態，又會野一班人出黎同政府爭論。

原帖由 AVD1 於 2014-11-12 05:08 PM 發表

呢個概念好似起新機場未起好之前係有諗過，只係到最後不了了之，
講真，就算而家比你起條橋出去東涌（類似東區走廊咁款），點都會破壞到個海洋生態，又會野一班人出黎同政府爭論。 ...

起路係以前的計劃﹐因為機場會同大嶼山連接﹐中間全面填海。

不過機場最後亦改了設計﹐唔再連接大嶼山﹐中間有水道﹐所以這條路便唔再興建。


而當年這條路亦只係鄉村路﹐單線來回行車﹐主要係供沙螺灣一帶的鄉村對外的交通需求。
但因為改了設計﹐保留水道﹐這一帶鄉村可以繼續用渡輪服務﹐所以便不再建路。



而家想起路﹐都唔係完全無可能﹐不過先要解決錢的來源。
其實之前有環保團體放風﹐話唔係太反對起路﹐不過當時好似講係單線來回的行車道﹐唔係一條來回雙線(或更闊)的道路。

今日即刻有新聞話起路喇：
東涌至大澳 僅需11分鐘 打通大嶼山南北 倡建47億環海路

如果真係起得成，應該真係可以開雙層入大澳，但塘福、貝澳巴士服務就無可避免會減少。

原帖由 DIH 於 2014-11-13 10:30 AM 發表
今日即刻有新聞話起路喇：
東涌至大澳 僅需11分鐘 打通大嶼山南北 倡建47億環海路

如果真係起得成，應該真係可以開雙層入大澳，但塘福、貝澳巴士服務就無可避免會減少。 ...

入面報導所講 :

署方按照二○一二年的價格估算，估計連同設計、勘察和建築費用，北段公路的總造價共需約四十七億元，建造所需時間也要約八年半。署方強調，有關數字只是初步估算，準確數字需要在工程立項，開展詳細設計後，才能取得。

以現時實際情況去粗糙估計﹐無15年都未可完成工程。
至於47億係2012年的估價﹐以今天去做估價﹐我都唔知要幾多錢。


而日後起完路之後﹐大澳本身又係唔係真係吸納到多出的遊客?
倒不如將這50億做一個持續投資基金(例如交金管局代為投資)﹐把部份本金及回報去補貼船公司 (甚至由政府自己做服務提供者)﹐加開假日的高速船服務來往大澳及東涌﹐並且改善東涌碼頭至東涌港鐵站好過。

[ 本帖最後由 kei_hk 於 2014-11-13 10:49 編輯 ]

原帖由 DIH 於 2014-11-13 10:30 發表
今日即刻有新聞話起路喇：
東涌至大澳 僅需11分鐘 打通大嶼山南北 倡建47億環海路

如果真係起得成，應該真係可以開雙層入大澳，但塘福、貝澳巴士服務就無可避免會減少。 ...

就東涌大澳新路問題, 我已在A10開文討論: http://www.hkitalk.net/HKiTalk2/thread-880141-1-1.html

原帖由 DIH 於 2014-11-13 10:30 發表
今日即刻有新聞話起路喇：
東涌至大澳 僅需11分鐘 打通大嶼山南北 倡建47億環海路

如果真係起得成，應該真係可以開雙層入大澳，但塘福、貝澳巴士服務就無可避免會減少。 ...

其實而家假期日子，大澳、昂坪巴士都係班班爆，中途站等車嘅其實同無服務差唔多。
但如果開咗路之後，兩個地方出東涌嘅旅遊班次可以行新路，原路班次可以用番去載村民。

當然，可以用區議會壓力控制嶼巴行兩邊路嘅比例

考慮先到梅窩轉船都係可行方案
弊就弊在唔記得幾時開始,梅窩碼頭
船期同巴士抵達/開出並不配合,有別於
只有慢船嘅年代,一般巴士與船互轉只需
等候15分鐘或更少,嶼巴同新渡輪又係同一
集團都唔願遷就兩者班次。

況且,好難怪遊客死等11
因為渡輪假日收費都幾金
除非來往港島先至值得考慮
住新界就點都出去東涌轉龍運E線啦
一係就故意將11號假日收夠35蚊(以五人
合乘藍的士之平均車資為上限)用價格管制
需求,同時1號去梅窩就只收平日收費,分流客量
去乘搭假日客量都係一般嘅渡輪,用盡現有資源。

回主題,擴建大澳巴總會唔會
純粹為咗減少回空,反正都只係
單向客滿,索性當停車場用等回程時
才開出？而且中途站近乎無服務嘅問題
總站有時會部車八成滿就開走,視乎站長做法。

[ 本帖最後由 kitarolo 於 2014-11-14 02:53 編輯 ]

如果政府把打算建新路的約50億元做一個基金﹐除了加強東涌<>大澳的渡輪服務外﹐亦幫補船公司(梅窩<>中環)令到減假日票價 (例如在大澳拍八達通卡才會有優惠)﹐這個方法是否可行?

我就唔知係唔係嶼巴11號班班車
滿住離開大澳,條1號真係半滿都無
如果屬實,大可玩嶼巴1號轉梅窩去中環
渡輪,合共只收渡輪一程之收費,兼且1號
修改班次以配合開船時間,反正渡輪線都係
蝕緊,令佢蝕少啲又唔洗拗加入競爭者嘅問題。

渡輪係夕陽行業不得不承認
除非完全無陸路競爭,如長洲或
南丫島,甚至東平洲/蒲苔等獨市性質
否則無論點用公帑補貼,都係倒錢落海。

一個比較離題啲嘅比較
近期九巴51周六日及假期
部分時段加密至15分鐘一班
係德政,若三號颱風信號以下或落雨
就會變成班次大過需求；九巴94假日
表列係半小時一班,但除有加班車外仲有
96R輔助,天氣差時94維持最疏班次上限即可。

返到大澳,輪船維修保養太昂貴
所以再加渡輪班次,變咗天氣差都焗開
預留咗資源就好難話落雨就唔開(講緊非颱風或
黃紅黑雨)唔好話私營船公司,公營都無可能咁玩。

暫且不提大澳碼頭與巴士站相距甚遠
巴士正正可以做到以上靈活班次,有加班車
就係bonus,至少嶼巴做定點嘅表現相當良好
因為近乎無塞車或交通燈影響。另外由於嶼巴
母公司冠忠做口岸旅客等服務,假日支援嶼南路線
以我所知都少咗,所以我提嘅35蚊收費雖然係好貴
但起碼仲有些許誘因,希望多番冠忠支援11號。

[ 本帖最後由 kitarolo 於 2014-11-14 12:06 編輯 ]

原帖由 kitarolo 於 2014-11-14 11:55 AM 發表
暫且不提大澳碼頭與巴士站相距甚遠
巴士正正可以做到以上靈活班次,有加班車
就係bonus,至少嶼巴做定點嘅表現相當良好
因為近乎無塞車或交通燈影響。另外由於嶼巴
母公司冠忠做口岸旅客等服務,假日支援嶼南路線
以我所知都少咗,所以我提嘅35蚊收費雖然係好貴
但起碼仲有些許誘因,希望多番冠忠支援11號。

唔好停留在 n年前﹐只有舊大澳警署對出才有碼頭。

而家已經有新碼頭位於巴士總站附近﹐去東涌屯門的渡輪都是以此碼頭上落的。
幾年前黑雨令大澳斷陸路﹐加開的大船服務都是以此碼頭上落的。


如果講天氣因素﹐只要政府肯船公司按照客量去靈活增加班次便可。
在天氣欠佳的日子﹐船公司只按原本的班次提供服務﹐不需開出按客量增加的班次便可。

由於有機會要船隻做standby﹐所以政府提供一些補助也算合理。
所以﹐與其用50億去起路﹐倒不如把這筆錢做一個基金﹐利用投資回報去補助這一條航線﹐以處理大澳對外的交通問題﹐又快又簡單。



至於擴建現時的巴士總站﹐都係一件好事﹐因為排隊的人龍真係可以好長﹐可以排番入去永安街。
如果可以改善排隊問題﹐都值得用有限的金錢去處理的。

不過﹐問題係有無足夠的車去維持一個高密度的班次。
同埋﹐有一件事係可以先推行﹐便是「居民証」﹐供居民及當區工作的人使用﹐可以優先上車﹐免受大量遊客影響難以登車。

[ 本帖最後由 kei_hk 於 2014-11-14 12:37 編輯 ]