(av議員) 九架車泊站唔開=服務差劣

38基本上係撐起成間嶼巴
俾其他公司去做，嶼巴唔做都似
要搵人接手嶼南堆線？難過登天
所以搵其他公司接手38就真係唔可能

不過我覺得如果真係排長龍
叫巴士公司改善服務都無可厚非，個人認為係合理要求
請多一兩個司機已經搞掂

嶼巴唔受理o既
區議員不妨試下教居民用E21A個雙向分段
可能仲有用過叫嶼巴加班

[ 本帖最後由 castanopsis 於 2015-1-2 19:28 編輯 ]

雙向分段有樣0野令用家卻步...
就係要再去「售票處」(黃線之外,法定可以唔俾錢
而巴士公司「吹個客唔漲」0既無人地帶[No Man's Land]...)<-<230A章>,真係吹漲囉~
去嘟多一次八仔...之後U-Turn去落車門落車....
(感覺好麻煩呢?!)

當單門躉漸漸俾雙門E50D等等取代之時...
呢個操作方式真係「兩頭都唔都岸」....
(由前門落車0既朋友,就好似阻到上車0既乘客上車咁...
各位...有幾唔好意思、有幾「瘀」都可想而見...)
更加唔駛講趕時間0既朋友...
可能「有得嘟」都唔嘟...當「搭的士/俾貼士」就衝落車...
(趕成咁一定係連幾十秒時間都想慳...)

PS 到底巴士公司有幾碌大對眼
去研究乘客之間互動0既各種「生態」...??
(已經係工/企心理學[I/O Psychology] 0既0野...
超OT到各位巴打要_______...
晌度止住一下,等有關討論出現時再繼續...)
[到時先來陪各位一齊「勞氣」...]

原帖由 LNChickenRice 於 2015-1-2 20:41 發表
雙向分段有樣0野令用家卻步...
就係要再去「售票處」(黃線之外,法定可以唔俾錢
而巴士公司「吹個客唔漲」0既無人地帶[No Man's Land]...)

只要有三四個人陪你去拍卡，「唔好意思」個感覺就唔會存在
港島77/99每日都有唔少人搭短途，唔見有太大問題

其實想人企盡D，尾門先有用.....你雙門，門在軸前，人一定唔會向後，全球真理......

怪個客會唔會怪左D？你睇D廠馬....個個都座車頭就知....

原帖由 DGCNYO 於 2015-1-2 20:54 發表
其實想人企盡D，尾門先有用.....你雙門，門在軸前，人一定唔會向後，全球真理......

怪個客會唔會怪左D？你睇D廠馬....個個都座車頭就知....

改用尾門係一個治本方法
但我個人覺得唔肯行入去並非「全球真理」
乘客心態的確係有影響
每一條線客源都唔同，乘客質素好多時會斷定究竟車尾企唔企得滿

根據舊帖同我自己經驗：
98D做通勤客，除非脫班，通常頂閘時後面仲有少少企位
39M做屋邨接駁，要出動到後門上車，相信都係因為乘客唔肯入去
城記12A做學生生意，好多時都會企到入去，車尾爆到車頭
港島23/40部分時段一樣係車尾爆到車頭，不過上層會有空位
298E做工業邨客，聽講係連樓梯/上層/水箱頂都企到滿

其實38既服務真係有好多改善空間，不過議員用咁既理由投訴，一來說服力低，二來又影響員工（特別係車長站長）同居民議員既關係
更何妨我又未見過38要排到去馬會，E21A就會啦 最多咪排到去停車場電梯大堂

原帖由 LNChickenRice 於 2015-1-2 08:41 PM 發表
雙向分段有樣0野令用家卻步...
就係要再去「售票處」(黃線之外,法定可以唔俾錢
而巴士公司「吹個客唔漲」0既無人地帶[No Man's Land]...)

對於北大嶼山(東涌)對外的路線﹐來一個大改革﹐改變上落車及付款模式﹐應可解決大部份問題。

市區方向﹐一律後門上車﹐落車用前門付款後才下車﹐即係同電車模式一樣。
東涌方向﹐跟番現時前門上車即付款﹐後門下車。



後門上車﹐仲有一個意外收獲﹐便是乘客會更主動向車尾進發去企﹐變相更善用巴士的載客空間。

原帖由 kei_hk 於 2015-1-3 11:32 發表


對於北大嶼山(東涌)對外的路線﹐來一個大改革﹐改變上落車及付款模式﹐應可解決大部份問題。

市區方向﹐一律後門上車﹐落車用前門付款後才下車﹐即係同電車模式一樣。
東涌方向﹐跟番現時前門上車即付款﹐後門下車。



後門上車﹐ ...

市區短途客點算？

最佳解決辦法：在中門裝八仔機，並與中門開關聯鎖，僅於中門開啟時運作。