690P及691P運作問題

坊間不少網站均記載地鐵將軍澳線通車前，690P及691P競爭激烈.......（下刪三萬字）
雖然面對競爭巴士公司加開班次實屬正常
但競爭係咪大到要用違法（？）或不合理不正常既手段，要阻礙別家公司既車埋站？
似乎又沒有任何新聞媒體報導，而巴士公司要好似黑道背景既紅色小巴搶客令人感到匪而所思
有冇站友有幸遇上咁既情況？可唔可以分享下？

請問如何激烈?

如果當年能夠 298,691,693提速就好
可惜保鐵盲目鐵策 幾乎令到將軍澳變左沒有過海巴士的地區

原帖由 kuro 於 2015-1-5 05:52 AM 發表
當年兩巴以小巴競爭形式搶客
結果果691及693因收費太貴
而被港鐵搶客導致流失客源
如果當年298,691,693提速
相信客量可以減少流失

當年地鐵去中環只係$11.80，去北角只係$9.90，
開線初期仲可以平$2.00，由寶琳去到中環只需大約半個鐘車程，
對比巴士，巴士真係又貴又慢時間又唔穩定，
客量唔大跌都幾難！

如果晌將線通車前巴士公司肯及早提速同減到$10.60(參考當年香港仔過海線收線)，
或者將軍澳d過海線死得無咁慘既，
可惜將軍澳人已經忍咗巴士線收得貴咁多年，
巴士公司仲係愛理不理咁款，
地鐵將線通車過海線唔大跌先奇了！

至於298，只怪九巴唔識點樣同98A分工，
如果當年改為經寶順路入隧道，唔經寶琳區，
再改以觀塘地鐵站做總站(唔到藍田)並加轉乘，
咁98A就可以安心做山上觀塘特快同將軍澳區內客了。

題目明明講地鐵將軍澳線通車前, 690P和691P(應該係寶林一帶)的競爭激烈
但係全部回覆都係講地鐵通車後?

p.s. 真係有網站提過巴士公司加開這些班次係因為690系和691系競爭激烈?

似乎大家都好似冇聽過，唯有全段copy比大家睇
“由於此路線當時只有城巴派車，結果引起九巴不滿，並於翌日加派691線特快車到佳景路搶客，不久新巴亦加入戰團，同樣派出691線特快車到佳景路搶客，而新巴及城巴更刻意候客，阻塞進入寶林巴士總站的巴士路線。”

原帖由 dennislokawai 於 2015-1-5 13:09 發表

至於298，只怪九巴唔識點樣同98A分工，
如果當年改為經寶順路入隧道，唔經寶琳區，
再改以觀塘地鐵站做總站(唔到藍田)並加轉乘，
咁98A就可以安心做山上觀塘特快同將軍澳區內客了。

當年九巴係有將路線分工，
因為當年坑口仲有 298B，
坑口直上隧道出觀塘站 / 牛頭角站係 298B，坑口圈去藍田站係 298P（當年早繁同 298 o係寶林係唔同停法，互有分工），
坑口外圍去藍田站就用 298，回程九龍灣站就 298B 直返景林坑口，觀塘站就係 98A 特車。
寶林出藍田站就 298、298P，新都城出觀塘站 98A 特車，寶林邨出觀塘站就 93A 特車。

問題係當年寶林坑口搭車習慣就已經係唔係直接車就出藍田 / 觀塘轉地鐵，
咁將軍澳線一通車，點分工都無用，佢地根本唔需要靠駁腳車轉地鐵，而係直接上，情況同依家西港島線一樣，所有駁腳車都係會瓜柴。

原帖由 3ASV174 於 2015-1-5 11:30 PM 發表
當年九巴係有將路線分工，
因為當年坑口仲有 298B，
坑口直上隧道出觀塘站 / 牛頭角站係 298B，坑口圈去藍田站係 298P（當年早繁同 298 o係寶林係唔同停法，互有分工），
坑口外圍去藍田站就用 298，回程九龍灣站就 298B 直返景林坑 ...

無錯將線通車前個分工係做得好好，
可是通車後成個坑口、寶琳、翠康既接駁都落晌98A身上，
尤其睇住將南既296系堆"邨巴線"又平又快真係滿不是味兒，
如果當年唔殺298而係同98A重新定位，
對坑口一帶係有好處。

93A 98A特車開幾多爆幾多, 298B主要執102客, 要派12米富豪, 但未至於頂閘.