新巴23係咪已經唔再係5-7分鐘一班?

朝朝在新都城上車，日日黎既時間都唔同，等十五分鐘係等閒，走左架車下一班要二十分鐘，今日離譜到八點三等到八點十先有車，有無高人可以講解下? 同新巴投訴有無用?

原帖由 2700 於 2015-1-7 08:54 發表
朝朝在新都城上車，日日黎既時間都唔同，等十五分鐘係等閒，走左架車下一班要二十分鐘，今日離譜到八點三等到八點十先有車，有無高人可以講解下? 同新巴投訴有無用? ...

你去金鐘等啦，10分鐘無車已經媽聲四起。等呢啲線同等106一樣，越近公路口就越密。

原帖由 miklcct 於 2015-1-7 14:44 發表

你去金鐘等啦，10分鐘無車已經媽聲四起。等呢啲線同等106一樣，越近公路口就越密。

記得前一陣子早繁有例牌灣仔前頂閘的單層加班車
其實23就算係金鐘都唔係好等，以我經驗，就算係早繁都可以等15分鐘一架都上唔到
有時係嚴重到40都頂閘飛金鐘
所以最好係灣仔上車，就算23頂閘都保證有40載你走
（純屬個人經驗，西港島線開咗之後未搭過）

原帖由 2700 於 2015-1-7 08:54 發表
朝朝在新都城上車，日日黎既時間都唔同，等十五分鐘係等閒，走左架車下一班要二十分鐘，今日離譜到八點三等到八點十先有車，有無高人可以講解下? 同新巴投訴有無用? ...

23呢d咁既線，有高人解答都無用，因為根本日日都唔同，沒有通書。
23號線，其實本身已經係一個好大既問題。
先講背景：23線其實係半山區既怪胎。第一，除103外，23系路線既收貴非常怪胎，比起其餘所有半山線高出超過三成，與較短程既3B/12系路線相比更高出六成($6.9 vs $4.3-5.3)。即使係里數更高既40系路線都只係收緊$5.3(即係只是相等於13號線，收緊~$5既level)。亦都係因為呢個原因，巴士公司為求搶錢(唉。。用正常思維，的確係人之常情，畢竟半山車隊維修費實在係驚人。。)，不斷將乘客群強行推上23號車，導致23一線獨大，半山區民被迫接受高昂車費。

跟住講原因：

(1)：時間表? 有用架咩? 樓主去蒲飛路總站dum 個圈已經可以知道，23根本唔跟時間表開車。好多時，仲會刻意安排23行先，3B行後以達至「利潤最大化」既目的。只係呢一點，足以令新城兩司既形象在半山居民既眼中插晒水，導致(3)提及既重點。

(2)；23脫班時，車從何來? 北碼開：38/65或42(仲要唔係架架拎得，12米或單層已經唔行得) 蒲飛路開：無(自生自滅)

(3)：(經濟角度)：新巴城巴內部對半山線作出考慮時的性價比問題：23係屈水線，形象差。條線當年由中巴定落黎至今無重大更改（意指改快），只是微調半山走線，加上半山區對行駛巴士既極度嚴格限制，已近乎奠定23無法更改走線既事實，所以23號線時至今日，實屬落伍。班客其實唔鐘意慢車，但以前被迫接受，所以當有更佳選擇既時候，乘客一定會大幅流失。所以，無客 -> 減班

(4)：(民生角度)：最重要既一點，巴士公司直到2005年前，根本諗都無諗過會有高速升降機上般咸道同港大，而西營盤站+港大站十二架高速升降機已經足以摧毀條線既最大客倉，般咸道。所以自12月28日起，呢條線已經開始錄得客量下跌。預計西營盤站開放後，呢個情況會大幅惡化，因為港鐵將會深入敵陣吸走23既客，相信寧養台/東邊街/豫苑一帶大部分居民及所有學生客，都會投入果四部升降機既懷抱，得到所謂的「解脫」，毋須再忍受半山區幾十年來都無改善過的公交服務。

只睇以上幾點，已經知道23號將會成為半山區一條半紅不的既路線。客量會有非常顯著的下跌，但受制於各種問題，例如獨市位及乘下的半車乘客而無法永久取消。最終，為左cut車，半山區其他路線（例如直接搶23客既羅便臣道正常版40號巴士）就會成為犠牲品（當然啦，23自己都好難獨善其身），令半山區既交通，進一步變差。樓主所提及既等車問題，只會繼續惡化，不會改善，永遠都不會。

樓上既分析相當透徹，
但解釋唔到下列幾個問題：
1 如果要達到利潤最大化，將23 cut去天后或銅鑼灣然後收6.0是否更正常？
2 為何3/12系/40系不會被陰乾？

另外，之前不止一人建議過，甚至有人風傳過23X抗衡鐵路，為何胎死腹中？

原帖由 wingho_cwh 於 2015-1-7 19:24 發表

23呢d咁既線，有高人解答都無用，因為根本日日都唔同，沒有通書。
23號線，其實本身已經係一個好大既問題。
先講背景：23線其實係半山區既怪胎。第一，除103外，23系路線既收貴非常怪胎，比起其餘所有半山線高出超過三成，與較短程既3 ...

真係好心涼
抵死la, 新記最鍾意貴車源源不絕, 流水線就被人搶車搶到影都無,
同樣情況日日係灣碼出現(2A->2X/8P/8...)

講真港島依d中短途特快線最易比地鐵搶客,
平又吾係平人好多, 時間講真, 有幾可地鐵會慢過巴士,
流水線反而吾同, 時間吾慢得過地鐵(計埋上落月台時間)好多,
勝在價錢平同埋吾使行上行落(佔成個地鐵車程都幾大部分, 特別係港島線),
好好地做好流水線, 密食當三番仲so la

而家, 流水線既客一早趕走晒, 貴車既水魚又比地鐵搶晒,
兩面不是人, 自取滅亡

[ 本帖最後由 cruisesnet 於 2015-1-7 23:50 編輯 ]

原帖由 JA3907 於 2015-1-7 22:19 發表
樓上既分析相當透徹，
但解釋唔到下列幾個問題：
1 如果要達到利潤最大化，將23 cut去天后或銅鑼灣然後收6.0是否更正常？
2 為何3/12系/40系不會被陰乾？

另外，之前不止一人建議過，甚至有人風傳過23X抗衡鐵路，為何胎死腹中？ ...

西港島線重組計劃咪要取消3B/40+40M合併
23減班已經影響較細
始終23收費高
較有存在價值
23同時做緊港島流水
KEEP落北碼其實都有客源
睇返其他東行線好似25/26
23係灣仔東行擺站係特別密去吸客

原帖由 JA3907 於 2015-1-7 22:19 發表
樓上既分析相當透徹，
但解釋唔到下列幾個問題：
1 如果要達到利潤最大化，將23 cut去天后或銅鑼灣然後收6.0是否更正常？
2 為何3/12系/40系不會被陰乾？

另外，之前不止一人建議過，甚至有人風傳過23X抗衡鐵路，為何胎死腹中？ ...

Are you sure 3/12/40系無被陰乾過？？40系會好少少。。但絕對差過23。。
點解23唔會縮去銅鑼灣？好簡單，里數同作用問題。如果咁做，一定會少左好多里數，然後一定有人會話：不如取消左23將40行埋銅鑼灣加幾架車同開短棍穩定班次咪得囉。係咪好簡單易明呢 =)
另外23X既問題：要做半山又要快，就必須放棄金鐘至銅鑼灣(東角一帶，即崇光百貨大站)。係呢個咁"佳"既 定線下，一定生存唔到，毋庸置疑。