根本呢單新聞就係少見多怪,
B1尾車上唔晒絕對唔出奇,
至於關唔關九巴事又唔可以好似D板友咁講唔關九巴事,
福田口岸臨尾小巴,的士都唔入得,
地面上所有人都係要由九巴B1包尾;
至於點解上唔晒,B1一般星期六日就好少尾車上唔晒,
但有時有D特別日子如母親節可以好多人;
長假期尾又睇彩數,有D假期D人可能有一堆早一日落黎,
有時假期尾晏晝多人落黎,完全無可預計,
例如聖誕,D人係26號返黎丫?27號返黎,定31號,
定玩到1月1先返黎,天曉假,點解28號晚上唔晒?
外勤都好難預計,以我所知,
一般黎講,晚飯前後係高峰期,
有時就中午勁多人返晒落黎,長假期尾夜晚可以都可以好靜,
你唔好彩果日,晚飯後,9點幾開始大量人過關返香港,
10點幾仲有一堆人湧緊過關的話,
B1真係任你2-3架車一路駁住上都清唔晒,
福田口岸又完全設計錯誤,巴士唔夠,的士唔夠,成地都係人,
巴士多,的士多,又變左塞車塞住入唔到總站;
到臨尾冇的士入黎,的士剩返的人又係搭巴士,
要澄清一點,如果地面仲有人等車,尾車都上唔晒,
站長,在場督察等跟本就冇車搭走唔到,一定唔會有賴剩客,
係一定會,當晚亦係,有拉夫車去清晒地面上所有乘客,
其實成單新聞講緊o既係話有女前線員工,
要求一架響黃巴站落完客o既車回去總站再上客,
不合理的只係呢一點,
總站當時一定係仲有站長及其他督察等候其他線抽調的車到場,
不可能成個站冇前線員工,冇抽調車,剩返一堆人等巴士的. |