政府不排除推長者全免車資優惠

我建議咁
(成人收費計)
$8.9以下 免費
$9.0 - $14.9 收$3
$15以上 收$5

原帖由 3ASV174 於 2015-1-26 20:47 發表
但仲要收 $2 同完全唔使錢係兩件好唔同既事，前者至少都仲會諗下有無需要先搭車，後者真係分分鐘轉個彎都截車。
老實講作為納稅人，有時搭早機同車成十幾廿個伯伯婆婆搭機場方向既 E22A o係將軍澳落車晨運，真係佛都有火。 ...

所以要傾條件, 限制區內線先有優惠,
同埋要教育老人唔好濫用長途線.

原帖由 transbus 於 2015-1-26 22:05 發表

所以要傾條件, 限制區內線先有優惠,
同埋要教育老人唔好濫用長途線.

其實若將長者拍卡優惠改為折上折 (如半價後再打五折), 其中折上折後少平過五毫的免費, 不再劃一兩元封頂, 會否能夠解決濫用長途線之問題?

其實香港政府有錢既不如持有香港身份證請申請個人八達通，全部車費打5折，小童就再半價
長者繼續$ 2蚊

不適用B系列路線、過境港鐵羅湖及落馬洲站、機場快線

另外，建議B1、B2系、B3系全程收費改為 $ 25
落馬洲、羅湖往上水、粉嶺 $ 25，然後路段以$25後再以粉嶺、上水出發里程計算

起碼成果全民其享，遊客咪比番原價，你黎玩意思即系增添我地生活，咁比多d錢都好應該。
無偏向歧視咩國家，只系採用日本人那種方式，我不介意分享，但最好的首先留給自己

深圳嗰套先好，無論長短途車，市內落車都係兩文，睇號碼啱路即上車，嗰次我要由翠竹站去水庫，好多車啱路，長短途都有，嚟咗㗎啱路嘅351即上，長途線嚟嘅，不過我未上高速就落車，所以都係兩文。

如果香港照抄呢套，啲人唔理終點站，啱路就上，咁啲市區流水可以全cut，我相信彌敦道嘅巴士流量可以減少起碼三份一。

長者免費
更多長者搭巴士
可以曲線補貼巴士公司
減低加價壓力

而且長者多出街
又可以更加健康
減少醫療壓力!
http://www.telegraph.co.uk/news/ ... people-healthy.html

原帖由 3ASV174 於 2015-1-26 20:47 發表
但仲要收 $2 同完全唔使錢係兩件好唔同既事，前者至少都仲會諗下有無需要先搭車，後者真係分分鐘轉個彎都截車。
老實講作為納稅人，有時搭早機同車成十幾廿個伯伯婆婆搭機場方向既 E22A o係將軍澳落車晨運，真係佛都有火。 ...

第一 , 唔見得因為佢地係區內上上落落 ( 當用多左三分鐘 ) 而令你由趕到班飛機變成送機尾。
第二 , 除 E22A 外 , 現時未有直達車由你住果區去調景嶺 , 佢地用優惠價搭 E22A 好正常。

原帖由 GW5878 於 2015-1-27 00:31 發表


第一 , 唔見得因為佢地係區內上上落落 ( 當用多左三分鐘 ) 而令你由趕到班飛機變成送機尾。
第二 , 除 E22A 外 , 現時未有直達車由你住果區去調景嶺 , 佢地用優惠價搭 E22A 好正常。 ...

老實講作為納稅人，有時搭早機同車成十幾廿個伯伯婆婆搭機場方向既 E22A o係將軍澳落車晨運，真係佛都有火。


我覺得呢句野既重點係納稅人呢三隻字，而唔係＂趕到飛機變趕唔到飛機囉＂。
同埋老實講，要晨運既去附近公園就得，就算話山上冇大型公園，咁寶林都有兩個，
再唔係市鎮公園夠大未？
真係有必要一定要去調景嶺先可以晨運？

原帖由 miklcct 於 2015-1-26 22:51 發表
深圳嗰套先好，無論長短途車，市內落車都係兩文，睇號碼啱路即上車，嗰次我要由翠竹站去水庫，好多車啱路，長短途都有，嚟咗㗎啱路嘅351即上，長途線嚟嘅，不過我未上高速就落車，所以都係兩文。

如果香港照抄呢套，啲人唔理終點站，啱路就 ...

同一時間，搭長途果班真係多謝你。

咁搞法遲D唔洗搭車la