愚問：獅子山公路（新田圍站）北行

原帖由 siusiupeople 於 2015-3-9 13:23 發表
新田圍應該搭番沙田區路線，而唔係強行要求九巴做埋你生意，
新田圍的人惡D 的嗎?

唔知係本年度，直頭係本世紀最大笑話

原帖由 siusiupeople 於 2015-3-9 14:51 發表

一班車阻你一分鐘, 全日又點計?
有無聽少數怕長計?

87B維港灣方向增停新翠紅梅谷路，又只唔只阻多一兩分鐘？對顯X 的大帝又公平嗎？

2002年，89瀝源方向增停天馬苑，夠阻晒瀝源、仲有沙田市中心多個同私人屋苑眾多富貴住戶，連多個大商場消費者啦，咁又可以？


XX圍D下九流地底泥賤民就話抵死姐啦，其他地方既人都係咁阻，又可以？

原帖由 O2JAM 於 2015-3-9 16:46 發表
講一講南行先，冇錯係道路計劃問題，冇可能停到，將來亦冇別要將個站移前，因為要做劈山大工程，路政署都唔會同你晒錢去處理。就算過到依關，都仲要過大埔同北區區議會批唔批D線停依個站。

到北行，既然南行做唔到，北行停黎都冇咩 ...

講路線多，即使呢堆線停晒再加現有路線，多唔多得過畢架山花園、世界花園、映月台？而新田圍既需求又多唔多過呢三個地方？

仲有如果你認為南行停唔到，就北行都唔需要設站既，咁映月台都係只有北行喎，又可以設站兼線線停？

原帖由 siusiupeople 於 2015-3-9 13:23 發表
新田圍應該搭番沙田區路線，而唔係強行要求九巴做埋你生意，
新田圍的人惡D 的嗎?

如果新田圍班人夠惡
何解交通越黎越差?

有時都覺得呢個區既居民好慘
上面大把車行過無得搭
自己條村既線不斷比人陰乾

仲要有部份人覺得係理所當然呢下先可悲

運輸署同九巴離地唔理居民需要，唔代表我地都要用同一思維

如果新田圍覺得自己條村剩係得條282就夠，同時要求獅隧附近搵數條類近路線停站，我唔覺得唔合理
反正都係陰乾新田圍自己交通服務同埋慳到車

係架，新翠冇左87A，換黎287X，87B行多兩步去搭就叫唔公平；新田圍冇左82M，冇補償；280P轉280P既空白，畀個282轉乘81C仲要係單向就算數。原本81K/(2)81M轉87A有BBI，87A轉變287X後冇左又可以。

當然，有人又會話要新翠人行多兩步去搭87B就叫唔公平；要班地底泥等多次車兼過馬路去282轉81C就皇恩浩蕩。

沙田D資源益天馬苑(就算計埋隔離天宏，人口仲少過新田圍)就可以。有架282就係萬能。

最受欺壓剝削既新田圍人特別惡都講得出，簡直係痴線。繼續講多D世紀笑話啦。

原帖由 siusiupeople 於 2015-3-9 20:20 發表


比人陰乾，你咪去嘈九巴囉，搵北區大埔人的時間較非有咩好處先?


我絕對不認同新田圍交通好差，至低限度有巴士總站，有十分鐘一班的282 駁落沙田市中心。
九龍灣三彩夠慘啦卦，全日線得一條28B，一條綠小駁彩虹站，人地又有無日 ...

嘈九巴有用咩?九巴咪好似以前呢度版友張偉沖個D九巴敗類，意見接受，態度照舊，滿口歪理

三彩最起碼今年有9同2X，你可以話佢頭幾年做得衰，但都係規劃失當緣故

同新田圍既有服務不斷被陰乾，根本兩回事

我又問你，沙田區其他小區有要求，點解次次都要搵新田圍既線埋單?

87B又係，81M食88M又係，你話新田圍要顧全大局開去幫手搞287X，幫手KO 88M，我又倒返轉問你，新田圍必須(英文係must)行呢個義務?

如果新田圍must行呢個義務，咁十八區咁多區、沙田其他小區都must行呢個義務，比人cut線改走條線都唔可以出聲
而唔係亂改隔離條村(例如新田圍)既線去成全自己屋企樓下繼續有車出去