運輸署完成巴士路線重組監察脫班等研究

原帖由 HF3204@243M 於 2015-3-22 08:22 發表
呢篇文講緊既嘢，大家點睇?

有佢的道理概，但B3應該由某線抽車，咁某線的脫班率咪上升，此消彼長應該唔會被拉高，除非神秘資源，新巴加價呢度有大部份人接受，望見九巴脫班就以為或幻想新巴係一間完美兼宇宙最強的公司，間間巴士公司都係咁衰㗎啦，點解只係無限放大一間公司的缺點來幻想另一間公司係幾咁完美先，仲要係唔知的情況下去覺得，98C 引述返版友講整體用車係無少過喎，只是表面縮左水咋，難道係版友提供錯誤訊息，但呢篇文我覺得有少少偏幫新巴，聯營隧巴係新巴同九巴聯營㗎，點解只得新巴有？另一個營辦者咪係九巴囉，點解無咁嚴重？63難搞概係啦，時間表係赤柱有兩個，乘客都難適應唔好話司機，明明寫住20分開的班會經監獄，30會再係度出現，但出來的結果20果班竟然係直出市區，叫人點等新城都係行同一條路，點解一間有另一間，佢用788同720比較尚算合理，但點解唔用2同10比較，大家都係流水線姐，點解唔比得，但有一樣野我認同的，城巴真係好識執路線，不過賺錢線俾哂城巴豬頭骨比哂新巴又係事實的，25就越執越衰

就算係將軍澳站約半小時一班的796S及797M間中也會脫班
曾經中過伏後，叫人點俾信心新巴

我係該文作者，多謝你既回應。

B3X同629果到，其實佢地瘋狂私下加班，係未必會令到其他線減班，導致其他線脫班率上升架。
先以629為例，佢既車，大家都知唔少係來自962、969堆線，但629既繁忙時間係同962、969唔同。所以，當629既班次，由編定既10-15分鐘，私下加班自2-5分鐘（其實隨時唔只呢個數），佢既班次準時度係隨時多過100%唔少。
但同一時間，962、969系已經過左繁忙時間，所以班次未必會甩到。
但629呢條咁靚仔既數，就可能可以cover 返5B同10仔既高脫班率數字。

同樣，B3X既繁忙時間係假日，所以佢用既N廠車，原本好可能都係擺係車廠，未必會影響到大西北堆隧巴線。

**********************************
唔知係咪我係該文表達得唔清楚，
我其實無插老九98C減左車，我只係話佢係加時之後，係車隊資源不變之下，班次係疏左咁解。

*********************************
我住港島區，當然見識到新巴既差，同相對地城巴既好，所以我係無理由去偏幫新巴既 XD （我更加唔係三間巴士公司既員工 ）

聯營隧巴線既問題，的確間間都會遇到。
我想係該文表達既point 係，新巴聯營線佔佢既全體路線，係比其他公司高。
岩岩check返wiki，老新1998年接左中巴既專營權，佢總共有88條線，但隧巴線就佔左當中近30條，呢個比率一定比城巴高，而更加係比九巴高唔少。
因此，當佢聯營線佔佢全體線咁高比例既時候，聯營線既高脫班率，亦會拉高左佢全體路線既脫班率。

********************************
至於2同10，真係沒有誰比誰高尚。
但再比埋780同722，又或者當你條18X都要成一個鐘先由堅城衝到落筲箕灣既時候，你其實係可以feel 到老新堆線話就話特快，但其實回車效率，係無城仔咁好。

至於25 vs 25A，亦都係一個例子啦。

原帖由 neoplan720p 於 2015-3-22 12:49 發表
我係該文作者，多謝你既回應。

B3X同629果到，其實佢地瘋狂私下加班，係未必會令到其他線減班，導致其他線脫班率上升架。
先以629為例，佢既車，大家都知唔少係來自962、969堆線，但629既繁忙時間係同962、969唔同。 ...

這樣的說法B1可以搞到九巴的脫班率下降？新巴只有唔知實際情況的人才會幻想佢取代九巴姐，九巴的聯營線應該仲多過新巴喎，但當然九巴的車隊規模比較大，可以抵銷返條數，你建議將聯營改為獨營，要三巴點分配先係公道？定係九巴要學部份版友咁九巴食哂豬頭骨，新巴做哂賺錢線先係皇道，新巴唔識執路線搞到脫班率高就唔好入聯營數，個人估計970系列應該拉埋971再重組，唔係而家咁吊住條命唔上唔落，新巴回車效率低係佢咎由自取的，城巴都好努力大執過路人呀，況且佢兩間公司有營運上優勢，而且新巴做的野係可以化蝕變賺的能力㗎，當九巴做得唔好時就會有人建議俾新巴做㗎，乜新巴唔好有起死回生的能力咩，點解會咁㗎？反而九巴可以慢慢執返好少少路線，新巴就唔得，無天理呀

原帖由 stevechau 於 2015-3-20 12:00 發表


對我呢D長沙灣人黎講, 新記時段既905同獨家既970(X)都係伏中之伏~
基本上等呢兩三條線都係搵命駁(尤其夏天果陣)係無咩分別...
所以從來都未明白過新巴既服務好係邊度...
SINCE開公司做生意果日開始就已經係全港最 ...

冷氣開得好涼

原帖由 hadboy5 於 2015-3-22 20:12 發表
你建議將聯營改為獨營，要三巴點分配先係公道？

如果以路線類型重新分配, 是否妥當, 初步建議可將現時各聯營隧巴按服務範圍分組如下:
第一組: 觀塘區, 將軍澳 < > 港島西
101, 601, 603, 619, 621, 641, 690, 692P, N619, N691
第二組: 港島東 < > 九龍西, 青衣
102, 110, 112, 117, 118, 914, 948, N118, N122
第三組: 港島西 < > 九龍中, 西
103, 104, 109, 113, 904, 905, 301
第四組: 黃大仙, 九龍城 < > 港島
106, 108, 111, 115, 116, 302, 606, N121
第五組: 南區隧巴
107, 170, 171, 671, N170, N171
第六組: 新界東 < > 港島
182, 305, 307, 678, 680, 681, N182, N680
營運表現最佳者可優先選線 (三間公司一間三組, 一間兩組, 一間一組)

[ 本帖最後由 mak5052 於 2015-3-22 21:17 編輯 ]

原帖由 mak5052 於 2015-3-22 21:12 發表

如果以路線類型重新分配, 是否妥當, 初步建議可將現時各聯營隧巴按服務範圍分組如下:
第一組: 觀塘區, 將軍澳 < > 港島西
101, 601, 603, 619, 621, 641, 690, 692P, N619, N691
第二組: 港島東 < > 九龍西, 青衣
1 ...

我諗無公司願做第三組,係咪城巴三組,新巴兩組,九巴或嶼巴一組呢
果然係宇宙最強的新城支持者,係就公平競投,一係就全球的巴士服務比哂新城做,你咁搞法好明顯知你想點啦,表現好就選先,我建議梅花間足開,睇來905係因為九巴先脫班

[ 本帖最後由 hadboy5 於 2015-3-22 22:33 編輯 ]

一、關於聯營線，其實我係該文都講過，一係變成107、307咁梅花間竹咁開，一係就三間公司加埋老運，一齊坐低傾，全部分返哂獨營，當然呢個做法會傾好耐。至於用邊種做法，我持開放態度的。

二、係架，B1都好可能係一條俾九巴「造數」既一條線王。

三、九巴既聯營線係多過新巴，但佢既聯營線佔佢全體路線既比率，一定低過城巴同新巴。

四、新巴有部分線係好難執……你之前講既25已係一例。
我認同老新呢幾年既RDP係越做越差，但歷史遺留落黎既問題亦都唔可以忽視咁解啫。

[ 本帖最後由 neoplan720p 於 2015-3-22 23:05 編輯 ]

最公平既分法就係按賺錢程度分,第一同第尾一組,第二同尾二一組,etc......
全部投標,一定要一組組投

原帖由 brianso198 於 2015-3-18 23:17 發表


應該咁講,
根本佢重組個質素係越來越差...

而家18X下繁連返東區都唔係好多人so佢入境處執得唔多客...
720/722條龍繼續都仲係咁長...

新城PLANNING真係越來越差
近年重組眼高手低情況睇錯市情況更加明顯.
18X就算吧啦...
寧願佢18繼續做落去好過