3月27日起 98D 98P 修改班次

原帖由 kuro 於 2015-3-26 22:35 發表
明顯為坑寶分家作準備。

乘客受益定蝕大章？唔通為將來的轉乘站準備，康城加坑口一條，康盛加寶琳一條？用690行法

[ 本帖最後由 hadboy5 於 2015-3-26 23:29 編輯 ]

七點半寶琳班次所見，企都無人企，七點十一既時候架寶琳車企兩個人，以上客量於寶康觀察
其他時間等其他版友報告情況喇
另外上面講到轉車站，起碼五年後既事
況且康坑真係夠養一條98D咩？唔密既班客真係未必跟你

[ 本帖最後由 GK3258 於 2015-3-27 07:56 編輯 ]

原帖由 GK3258 於 2015-3-27 07:41 發表
七點半寶琳班次所見，企都無人企，七點十一既時候架寶琳車企兩個人，以上客量於寶康觀察
其他時間等其他版友報告情況喇
另外上面講到轉車站，起碼五年後既事
況且康坑真係夠養一條98D咩？唔密既班客真係未必跟你 ...

方塊珊話二年左右搞掂喎，唔駛五年咁耐嗎？咁班車平時寶琳的客量係點？另問本身寶琳係咪有特車？

原帖由 kuro 於 2015-3-27 14:38 發表
其實坑口直出尖沙嘴好有競爭力。
因為98D兜足寶琳太多年啦,
要快既都撘地鐵啦。
好似41A咁因為兜長沙灣多年
直到現時改快左吸收番班特快客。

坑口眾多路線中只有98D先有資格分拆

其實稍微減班都好似得，個人覺得98D早繁客量可承受到

原帖由 hadboy5 於 2015-3-27 15:20 發表
坑口眾多路線中只有98D先有資格分拆

唔覺得98D適合全日分拆
98D早繁坑口特班客量其實同296D好接近
如果全日拆出一條淨做坑口既路線
變相複製多一條296D出嚟
唔見得好理想

要坑口直出夠客維持班次免跌入296D個level，一定要group康城
但顧全將軍澳個局勢，好明顯用296D延長去處理康城客係理想過用98D
一來296D本身客量唔標青而且班次疏，康城/將軍澳站正好可以用嚟推高個客量、推密個班次
二來98D本身經坑口北/全個厚德圈，拆咗條直出線之後好可能都係要行經咁多個地區。換言之，條線係唔能夠用798走線行坑口，對康城客吸引力有限。

另外，如果寶林係用早繁版98P全日去做（康盛>翠林>寶林>隧道）
係變相剝奪咗山上將尖既開線機會
相信眾多山上版友都唔會支持個方案

結論係，98D坑口拆條直出線其實未必能有效分配資源
我作為坑口人，98D兜10分鐘寶林我仲算接受到
我始終覺得需要分拆的是一線走天涯既98C
旺角上車返厚德街市，45分鐘車程，25分鐘用喺將隧口至坑口實在太離譜
（上次計過，將隧口102/690式走線直落坑口只需時5分鐘，比起98C，旺角-->坑口車程係縮短40%）

原帖由 castanopsis 於 2015-3-28 01:02 發表

要坑口直出夠客維持班次免跌入296D個level，一定要group康城
但顧全將軍澳個局勢，好明顯用296D延長去處理康城客係理想過用98D
一來296D本身客量唔標青而且班次疏，康城/將軍澳站正好可以用嚟推高個客量、推密個班次
二來98D本身經坑口北/全個厚德圈，拆咗條直出線之後好可能都係要行經咁多個地區。換言之，條線係唔能夠用798走線行坑口，對康城客吸引力有限。

呢個只係坑口圈自我中心既諗法，
將來日出康城人口都有返咁上下，而你經常提及既六幹會駁跨灣連接路，然後插入環澳路直指 86 區。
你想做尾站既時候，人地都一樣會想，你唔想架車兜寶林，人地一樣唔會想架兜坑口，根本點樣對方都係唔會 buy。

而且 98D 本身都要服務坑口離地鐵站遠o的o既居民，
如果日出康城出黎又跟 798 咁行，咁富寧變相要行去南豐廣場或者厚德邨先有車搭，行得去南豐，都已經經過坑口站，咁做咩唔搭港鐵？
呢班客又唔使理？

原帖由 3ASV174 於 2015-3-28 02:19 發表
呢個只係坑口圈自我中心既諗法，
將來日出康城人口都有返咁上下，而你經常提及既六幹會駁跨灣連接路，然後插入環澳路直指 86 區。
你想做尾站既時候，人地都一樣會想，你唔想架車兜寶林，人地一樣唔會想架兜坑口，根本點樣對方都係唔會 buy。

而且 98D 本身都要服務坑口離地鐵站遠o的o既居民，
如果日出康城出黎又跟 798 咁行，咁富寧變相要行去南豐廣場或者厚德邨先有車搭，行得去南豐，都已經經過坑口站，咁做咩唔搭港鐵？
呢班客又唔使理？

我希望你回文之前花多一兩分鐘望清楚上帖的重點
而唔係憑我住邊區，你對我既刻板印象就走去覆文

我上面大大隻字寫明不支持98D分拆出坑口直出線，對兜寶林係持包容態度，何「自我中心」之有？
如果我明知唔夠客都仲要求坑口直出開個位數字班次，咁就真係自我中心啦
我一向都支持將軍澳每區至少一兩條直出線
六幹建成後，康城如你所講，喺正公路出口
個人認為第一樣要做既，就係開兩條直出新線至觀塘/九龍灣
一條去工業區，一條去康城
詳情請參考F1舊文：http://www.hkitalk.net/HKiTalk2/viewthread.php?tid=823827
坑口，同樣喺正隧道公路出口隔離，人口又唔少
開一兩條市區直出線唔係過分，而最有潛力的，唔係98D，而係group埋康城拆98C

紅字一段....你重覆緊我講既嘢
上面個帖正正就係話由於要照顧原有乘客，98D康城坑口拆直出線唔可以跟798坑口走線

[ 本帖最後由 castanopsis 於 2015-3-28 03:02 編輯 ]

原帖由 castanopsis 於 2015-3-28 02:59 發表

我希望你回文之前花多一兩分鐘望清楚上帖的重點
而唔係憑我住邊區，你對我既刻板印象就走去覆文

我上面大大隻字寫明不支持98D分拆出坑口直出線，對兜寶林係持包容態度，何「自我中心」之有？
如果我明知唔夠客都仲要求坑口 ...

「自我中心」正正就係成日覺得拆線係為左要令坑口有線直出，所以先成日會提出「如果邊邊條線一出隧道就去我屋企呢，我車程就慳返一半喇」呢o的論調。

寶林用邊條線去 serve 唔係重點，而係當你人在坑口所以想 98C 同 98D 都拆做日出康城經坑口既線既時候，我會反問日出康城一樣唔想兜坑口出去，咁又點算？
是旦求其搬條線由日出康地行六幹出觀塘 / 九龍灣，根本搔不著癢處，因為日出康城出觀塘港鐵都只係好短途，講真都唔會揀巴士，most wanted 一定係直出旺角 / 尖沙咀，
所以個問題會係如果日出康城同坑口都想直出，點解直出一定要俾坑口，然後日出康城要另外搞掂呢（仲要條線都係求其 assign 個市區總站俾佢，究竟班客想去邊係唔理）？

不過呢個係後話，講真連 796P 日出康城都一潭死水，98D 今日又跌眼鏡坑口圈得返 15 分鐘一班都無唔夠載，唔好講全日拆，其實 98D 連繁時拆線都好勉強，
就算真係坑寶拆線，而坑口孖日出康城出去，我諗起碼都要養到 796P 日出康城有半車兼真係有條件加班先值得做，
但繁忙時間坑口直出就算日出康城開出黎都真係無好強客量基礎開得密，客少時段仲要同港鐵分客，依家都雙位數班次，拆線開到 20 分一班既話，咁不如密車好過拆線。

[ 本帖最後由 3ASV174 於 2015-3-28 03:25 編輯 ]