屯門交通會就rdp的意見

原帖由 LN9267 於 4-5-2015 12:27 AM 發表
在會議中，白鴿區議員要求962c在西隧口設站，並增設轉乘優惠。

其實我對白鴿區議員有這個要求感到費解，因為962c是主打屯門南部往港島東區的乘客，往中上環一帶可以乘坐其他962系列的巴士，需要轉乘的乘客不多。 ...

請別漏了深井一群乘客，如果講西隧口設站，加左令荃灣(930系)/青公三聖至深井(962系)/天水圍(967/969系)/尖沙咀(973)都受惠架，不過上唔上到車咁解之麻。
唔一定係962C既客要落車。

落車既應該會係置樂一班客，因為佢搭得962C，代表佢唔行去對面搭962S，始終都想快D出到去，如果限屯公轉車，未必有位，而加轉乘既話，轉914或者什麼其他特別線會有位。
(其實宜家有$5互轉計劃，但這個當然不是區議員的心水吧！)

[ 本帖最後由 lsc04d11 於 2015-5-4 05:59 編輯 ]

原帖由 樂仔〞 於 2015-5-3 12:06 發表

67M 係無咁多客去加班

不過老九 D logic 又無人明
當初 RDP 建議 (但無出街) 68A 改去荔景北 , 又無提咩線搬去青衣代 68A
如果 68A 57M 倒轉總站 + 取消 66M , 或者會更有意義 ...

其實講來講去只要解決左大興要有平車去荃灣就可以安心送66M 同57M 上路囉，不過可惜就係68A 最終無實行到，因為葵涌車點都受歡迎過青衣，其實九巴叫59A 改去青衣用68A 的路線兼入埋轉車站，咁咪兩全其美囉，但照收11.2，其實眾版友只係擔心59A 削減服務後，59M 同59X 食唔食唔得起再增加的客量姐，咁搞法將59A 轉營最實際概，例如改經荔景山路去長沙灣

原帖由 樂仔〞 於 2015-5-3 12:06 發表

67M 係無咁多客去加班

不過老九 D logic 又無人明
當初 RDP 建議 (但無出街) 68A 改去荔景北 , 又無提咩線搬去青衣代 68A
如果 68A 57M 倒轉總站 + 取消 66M , 或者會更有意義 ...

如果係肯57M+66M冇問題既
用現68A走線都係好事

不過咁做法老九就真係傻傻地
搬走條68A而家又搬返轉頭

原帖由 Snoopy@FB8617 於 2015-5-4 11:46 發表
如果係肯57M+66M冇問題既
用現68A走線都係好事

不過咁做法老九就真係傻傻地
搬走條68A而家又搬返轉頭

想搬走68A? 問過青衣班議員先啦.
除非有條更好既屯轉全日線搬入來,否則唔駛諗搬68A出青衣.
仲有,自從264M取消後,元朗多左好多人搭68A出入青衣.

原帖由 FBI2 於 2015-5-4 11:54 發表

想搬走68A? 問過青衣班議員先啦.
除非有條更好既屯轉全日線搬入來,否則唔駛諗搬68A出青衣.
仲有,自從264M取消後,元朗多左好多人搭68A出入青衣.

68A個服務水平都唔係特別好...
反而若果仲要睇青衣<>元朗同青衣<>屯市既
咁68A可以安心繼續留係青衣

原帖由 Snoopy@FB8617 於 2015-5-4 12:02 發表
68A個服務水平都唔係特別好...
反而若果仲要睇青衣元朗同青衣屯市既
咁68A可以安心繼續留係青衣

咁68A除左入朗屏果下令人反感外，整體服務水平都問題不大，當然如果深入內街會更好，FBI 兄，搬走68A 的前設係搵條路線跟返現有68A 咁入青衣法

屯碼人講兩句，以下係居民實際使用角度，多於其他。

屯轉方便到既，的確係機場 , 尖沙咀 , 九龍城 , 沙田，
以往都要豐景園解決，而且因係上屯公前尾站，如果係上繁，基本上係無位。

係未有BBI前，去機場如果錯過船期，通常都係抽住喼輕鐵到豐景園轉，好少人會為有位而去市中心或安定，單輕鐵上落樓層已經暈低，所以一直有要求E33P全日。
現時眼見情況有變，部分Crew會改為59M/X到BBI轉E33，而且係任何時間都會有，但始終死在未必有位，故一般仍係豐景園，睇得出價錢唔係考量。

尖沙咀，西鐵貴五蚊，時間相約，同輩鄰居真係未聽過有人買月票，多數會係59M/X轉260X，其中坐M或X，好大程度係睇邊班先開，變相M/X直接客量有減少，而接駁係多左少少。

沙田，以往係59M轉47/49X，或為預準時間坐44轉火車，轉駁263係快到出乎意料。亦因為咁，44小巴的生意有影響，因以往好常見係坐去上水轉火車，去沙田／火炭／大埔／中大，加上44限速及加價超過14蚊後，263會較平，44依家係慘淡左。由是我等無法理解，點解禮義廉姓侯的可以堅持開大埔火炭巴士，話說湖景姓梁有份開個條村巴線都一度摺過就知。姓侯的，水平真係好得人驚。

59A，曾經返過大連排及荔枝角，其實同意CUT剩下上下繁。呢條線係屋企人腦海，從來都係荃灣59M，深水埗59X爆人，行去千色店／西九龍上車的便宜選擇。呢條線的的確確係有一班住屯碼好耐的街坊，記憶內的59M/X副選。但自從BBI後，係深水埗上車的都傾向59X爆車時坐60X轉車，令到59A更加可有可無，除左兩大工商區返工的會叫救命外。下繁時59A去到大連排，係有機會爆人的。

258/259D，幾個朋友返個頭報館及廠／寫字樓，間中數車，近兩年一直留意到下繁甩班嚴重，經常被迫258/259打亂上，然後到BBI排到化灰轉59M/X，再開259X全部人都認為20蚊離譜，不如加車更好。至於行市中心折損的~10分鐘，反而大家係理解過下繁後唔夠客，一般上下繁的無大影響。

962C近三年兩班車去到中環時，客量已經接近銅鑼灣開車962X人數，轉乘優惠某程度上係有用的 － 經常係中環砵甸砟有客係想照上962C/X，再係西隧轉962B及其他車，由其熱天時等半個鐘一班係好要命，去到西隧口基於係海旁及站大好多，比係市區站死等為妙。免費轉乘會有幫助平均客量，當然係城巴同運吉角度，個條數唔會好多。

雖然唔想理會屯門神鵰俠侶兩公婆，由其個婆可以離譜到由反對建公屋，到議辦搬去公屋，唯自公屋落成後，上繁962P/X 259D經常出現到湖景已經頂閘的情況，呢樣先係屯碼人最氣頂，但又似乎RDP加唔夠車，重要有承上59M/X CUT車消失的巴士，呢樣從來無見過禮廉廉提出，而白鴿竹荀點追都力弱。

在會議上，城巴代表龔先生特別向議員說即使b3x是所謂的「賺大錢」，但是城巴的專營權並不是只在屯門，在香港島亦有一些虧損的路線但需要維持基本服務，需要透過賺錢的路線補貼這些虧損路線，是做到如何好好地運用資源。用好資源的話，最終得益都是乘客，因為可以按可加可減機制做回贈。

在會議上，有議員表示他喜歡乘坐巴士，所以城巴代表特意回應說如果喜歡乘坐巴士便多點乘坐巴士，因為可以令客量提升，從而可以加強服務。

我覺得城巴代表這番言論真的有點諷刺，如果新創建真的可以秉承賺錢路線補貼虧損路線的宗旨，便不會造成南區和西區路線重組的風波。

原帖由 LN9267 於 2015-5-16 12:15 發表
在會議上，城巴代表龔先生特別向議員說即使b3x是所謂的「賺大錢」，但是城巴的專營權並不是只在屯門，在香港島亦有一些虧損的路線但需要維持基本服務，需要透過賺錢的路線補貼這些虧損路線，是做到如何好好地運用資源。用好資 ...

呢番說話出現在宇宙最強的新城度當然好諷刺，但亦反映西港島線對城巴的打擊絕對唔少，而且亦反映出新城大機會加價，因為老九加價前都係講類似的說話

原帖由 hadboy5 於 2015-5-16 14:55 發表
呢番說話出現在宇宙最強的新城度當然好諷刺，但亦反映西港島線對城巴的打擊絕對唔少，而且亦反映出新城大機會加價，因為老九加價前都係講類似的說話 ...

要屯門的過海線和深西快線的乘客承担西港島線的惡果,似乎有D講唔過去,不如話成間公司度度都蝕錢比番個牌出黎啦!