西貢區議員要求A41P部分班次延長至西貢市中心

其實西貢已經有好足夠既BBI俾客去機場, 市中心計搭兩間都得
西貢公路沿線有A29免費轉792M
西沙路沿線就有A41P轉299X減一蚊
個區議員真係搵嘢來搞

原帖由 dennis28a 於 2015-5-17 20:04 發表
咁果度係綠化帶，要擴闊唔易處理。
但限制私家車係市區入，迫佢地係馬鞍山入都好過無。

但求其整幾部 A41P 入西貢，除左蝕油錢都唔知可以點。
當年 698R 都唔係無客，最後又係要收工。 ...

講真擴闊我唔覺得有用
之前喺A10版都講過
擴闊成條西貢公路，只會將塞車問題帶到落西貢市中心
入得西貢多都知西貢市中心成日塞死，擴闊咗西貢公路，西貢市中心車流增加，到時唔通拆咗人地棟樓去起路？

最簡單既方法，一定係擴闊新西貢公路下山方向，然後整條巴士小巴線直鏟南邊圍迴旋處
咁樣已經能夠鼓勵人搭公共交通入西貢
再重整下西貢市中心既燈位迴旋處，塞車問題已經能夠紓緩得到（至少對公交乘客而言）

[ 本帖最後由 castanopsis 於 2015-5-18 02:56 編輯 ]

原帖由 ky927 於 2015-5-17 11:24 發表

游說下新城囉，792M轉A29/E22A！轉住先！

等到南港島線通車，可能出年夠車應酬下西貢呢。

A29現時已有免費轉792M既轉乘，

我覺得呢個已足夠～

其實西貢將會起酒店，
區議員建議延長A41P都唔係無道理，
不過講真，全港有唔少地方都無機場巴士服務，
要輪都有排未輪到西貢。

與其爭取開機場車，
倒不如搞好現有既巴士服務先啦！

如果A41P部分班次延長至西貢市中心既話就途經西沙路泥涌至黃竹灣段會有路面情況影響架，最好就唔好延長至西貢市中心，最好就部分班次延長至泥涌，加經迎海，配合烏溪沙人口增長關係。

我聽了西貢區議會交通及運輸委員會錄音，運輸署代表表示如果a41p延長至西貢市中心將要增加12公里的行車里數和增加25分鐘的行車時間，並說現時有299x與a41p的轉乘優惠，延長路線會影響其他乘客。

區議員表示不少居民向他們反映需要前往機場，雖然九巴很好，已經有轉乘優惠，但299x沒有行李架，對攜帶行李的乘客造成不便。而且，雖然a41p延長路線會增加12公里的行車里數和增加25分鐘的行車時間，但他並沒有要求將軍澳和坑口的機場路線延伸至西貢市中心（他的理由是如果將軍澳和坑口的機場路線延伸至西貢市中心，所增加的行車里數和行車時間會更誇張），希望運輸署回去研究。

結果交通委員會主席把這個議題交給巴士工作小組跟進。

[ 本帖最後由 LN9267 於 2015-5-26 12:29 編輯 ]

原帖由 LN9267 於 2015-5-26 12:23 發表
我聽了西貢區議會交通及運輸委員會錄音，運輸署代表表示如果a41p延長至西貢市中心將要增加12公里的行車里數和增加25分鐘的行車時間，並說現時有299x與a41p的轉乘優惠，延長路線會影響其他乘客。

區議員表示不少居民向他們 ...

792M 現時 14 公里多，如果把將軍澳機場線拉到西貢市中心，里數也是差不多~

原帖由 LN9267 於 2015-5-26 12:23 發表
我聽了西貢區議會交通及運輸委員會錄音，運輸署代表表示如果a41p延長至西貢市中心將要增加12公里的行車里數和增加25分鐘的行車時間，並說現時有299x與a41p的轉乘優惠，延長路線會影響其他乘客。

區議員表示不少居民向他們 ...

1. 又要嫌A29車程耐,又話市中心有需求,點解唔放聲俾兩邊睇下邊家有心做?起碼兩邊撩下先,唔係一開口個感覺就好似「唔係魚翅唔食」咁.....

......假設城巴話A29肯拉去西貢市中心,真心想問下市中心個區議員會唔會袋住先?

2. 宜家好明顯巴士公司無興趣,其實係咪掉轉,區議員去俾數據去證明你真係地有咁0既Market,去吸引人開線俾你呢?市中心唔夠客,咪做個調查,睇下數據話西沙,匡湖,甚至井欄樹有幾大需求囉,積極游說人總好過等人地諗點推你.(如果個數據連自己都過唔到,咁根本都唔需要浪費大家時間)......

真係為個區好,唔係淨係飯來張口架....

[ 本帖最後由 ky927 於 2015-5-26 13:41 編輯 ]

在會議上，有一位議員表示如果a41p不能延長路線，倒不如新開一條路線，行哪一邊出去也沒問題，因為居民反映現時乘坐新界的士需要非常迂迴前往機場。

另一位議員表示西貢非常偏遠，也理解運輸署說法，不如a41p每一小時一班延長至西貢市中心，始終西貢市有一些酒店發展。

不過無論如何，沙田區議會如果得知西貢區議會有這個想法，應該會向運輸署施壓不給a41p延長路線。

[ 本帖最後由 LN9267 於 2015-5-26 14:57 編輯 ]